Орхон аймгийн Баянбулаг багийн нутаг дэвсгэрт үйл ажиллагаа явуулж байгаа 18-р цэцэрлэг нь 1975 оны 07 дугаар сарын 16-нд Эрдэнэт хотын захиргааны шийдвэрээр Эрүүл мэндийн салбарын харъяа НЭГДҮГЭЭР ясли нэртэй 10 хүний оронтойгоор байгуулагдан үйл ажиллагаагаа явуулж байгаад 1993 оноос хотын Боловсролын салбарт шилжин 50 хүүхдийн хүчин чадалтай 18-р цэцэрлэг болон ажилласан. 2003 оноос 75 хүүхдийн хүчин чадалтай цэцэрлэг болсон. 2013 оноос 175 хүүхдийн хүчин чадалтай цэцэрлэг болон өргөжиж 7 бүлэгтэй, 29 багш, ажилчидтайгаар үйл ажиллагаагаа явуулж байна.  Багш нарын 100 хувь бакалаврын боловсролтой, мэргэжлийн багшаар хангагдсан. Манай хамт олон дараах амжилтуудыг гарган ажиллаж байна.. 2005 онд Орхон аймгийн “ТЭРГҮҮНИЙ ХАМТ ОЛОН”, 2008 онд “ХҮҮХДЭД ЭЭЛТЭЙ ХАМТ ОЛОН”, 2012 онд  “НОМОНД ЭЭЛТЭЙ ХАМТ ОЛОН”, 2014 онд “ХҮҮХДЭД ЭЭЛТЭЙ ЦЭЦЭРЛЭГ”, 2015 онд “ЭРҮҮЛ МЭНДИЙГ ДЭМЖИГЧ БАЙГУУЛЛАГА”-аар шалгарсан.

 Манай байгууллага  2012-2013 оны хичээлийн жилд ЖАЙКА-ийн Монгол дах Төлөөлөгчийн газарт хандан сайн дурын гишүүн Инэү Кёоко багшийг  2 жилийн хугацаатай цэцэрлэг дээрээ ажиллуулж гадаадын мэргэжилтнээс туршлага солилцон ажилласан. Багш нарыг чадваржуулахын тулд мэргэжил дээшлүүлэх, туршлага судлуулах, ажлын байран дээрээ хөгжих боломжыг бүрдүүлэн ажиллаж байна.

Манай хамт олон “ЗӨВ МОНГОЛ ХҮҮХЭД” үндэсний хөтөлбөрийг хэрэгжүүлэх, хүүхэд нэг бүрийг хөгжүүлэх ажлыг чанаржуулж, хүүхдийн эрх, оролцоог хүндэтгэн ажиллаж байна.