НИЙГМИЙН ХӨГЖЛИЙН ХЭЛТСИЙН МЭДЭЭЛЭЛ /2013.09.16-09.20/

НИЙГМИЙН ХӨГЖЛИЙН ХЭЛТСИЙН  МЭДЭЭЛЭЛ /2013.09.16-09.20/
Боловсролын талаар 
9-р сарын 17-ний байдлаар Ерөнхий боловсролын сургуулиудын  бага ангийн сурагчын дүрэмт хувцасны хангалт 25,3%-тай байна.Үүнээс оёмол 859, сүлжмэл 556 ш хувцас ирсэн байна.
“Эко аялал-орон нутаг судлал” хичээлийн 2-р ээлжинд хамрагдах ЕБС-ийн 7,8-р сургуулийн сурагчдад зөвлөгөө өгсөн. Энэ удаагийн хичээлд 6 бүлгийн 200 гаруй сурагч, 30 орчим багш хамрагдана. Өмнөх 1-р ээлжинд хамрагдсан Эрдэнэт цогцолбор, Жаргалант, Ирээдүйн одод сургуулиудын 250 гаруй сурагч, багш нар оролцсоноос эко аяллын тайлангаа хэлэлцүүлж, дүнгээ гаргасан.
“Анги удирдсан багш гарааны нөхцөл хэрхэн тодорхойлох вэ” сэдэвт сургалтыг Орхон цогцолбор сургууль дээр явуулж 50 гаруй багш хамрагдлаа.
Хүүхэд, залуучууд, соёл, урлагийн талаар 
Сургуулиас завсардаж болзошгүй хүүхдийн судалгааг сумдаас гаргуулахад одоогийн байдлаар 15 хүүхэд хамрагдаад байна.
“Хүүхэд тэдний төлөөллөөс өргөдөл, гомдол хүлээн авч шийдвэрлэж буй өнөөгийн байдал”-д нөхцөл байдлын үнэлгээ хийх ажлыг зохион байгуулах ажлын хэсгийг аймгийн Засаг даргын захирамжаар байгуулж ажиллаж байна. Энэ ажил 10 дугаар сарын 1 нд дуусна.
Сангийн сайдын баталсан “Түүх соёлын дурсгал үзмэр, эд өлгийн  зүйлийн шинэчилсэн дансны үнэ тогтоох” журмын дагуу Орхон аймгийн Музей нь  “Музейг үзмэр, эд өлгийн ерөнхий бүртгэл”-д бичигдсэн үзмэрийнхээ бүртгэлийн үнийг шинэчлэн тогтоож дууслаа. Шинэчилсэн үнэлгээгээр нийт 627,0 сая төгрөгийн үнэ бүхий эд өлгийн зүйл үнэлэгдсэн байна.
Үндэсний бөхийн Өсвөр үеийн Аймгийн аварга шалгаруулах тэмцээн 09 сарын 19-нд 16-18 насны ангиллаар “Б” зааланд зохиогдон нийт 58 хүүхэд оролцлоо.
                16 насанд: 1-р байр Мөнхбаатар Ирээдүйн одод сургууль
                   2-р М.Баярхүү 18-р сургууль
                  3-р байр Д.Золжаргал Ирээдүйн одод сургууль
              17 насанд:1-р байр Ц.Нямсүрэн Аварга дээд сургууль
                   2-р байр Э.Амартүвшин Хангарьд клуб
                   3-р байр Г.Эрдэнэсайхан Ирээдүйн одод сургууль
            18 насанд:1-р байр Б.Ган-Эрдэнэ Хангарьд клуб
                   2-р байр О.Мөнх-Эрдэнэ Хангарьд клуб
      3-р байр Л.Ням-Очир Хангарьд клуб нар эзэлж тэмцээний аваргууд боллоо.Тус тэмцээний 1-р байр эзэлсэн тамирчид 10 сарын 01-04-нд Сүхбаатар аймгийн Зуунмод хотод зохиогдон Өсвөр үеийн Улсын аварга шалгаруулах тэмцээнд оролцоно. 
Монгол Улсын “Биеийн тамир, спортын тухай” хууль, “Биеийн тамир, спортыг хөгжүүлэх талаар төрөөс баримлах бодлого”, “Биеийн тамир, спортыг хөгжүүлэх цогц хөтөлбөр”-ийн хүрээнд  “Спортын шинжлэх ухаанаас суралцахуй” сэдэвт сургалт 09 сарын 20-нд Орхон аймагт зохион явагдан Ерөнхий боловсролын сургуулийн биеийн тамирын багш, байгууллагуудын арга зүйч, Хангарьд спорт клуб,ССАЖГазрын дасгалжуулагч, арга зүйч нийт 67 хүн хамрагдан оролцлоо.Сургалтыг ССАЖГазрын Спортын бэлтгэлийн төвийн Эрдэм шинжилгээ судалгааны албаны дарга Доктор Б.Ганзориг, мэргэжилтэн Ш.Долгор, Б.Мэндсайхан нар явууллаа. Мөн спортоор хичээллэж байгаа хүүхдүүдээс сэдлийн судалгаа авлаа. 
Нийгмийн халамж, даатгал, хөдөлмөр эрхлэлтийн талаар:
Багийн дарга нарт болон 19 багийн Амьжиргааг дэмжих зөвлөлийн бүрэлдэхүүнд НХҮХ-ээс хуулийн сургалт зохион байгуулж 150 гаруй хүн хамрагдлаа.
Хүнсний хангамж зайлшгүй шаардлагатай өрхийн гишүүн-иргэнд хүнс тэжээлийн дэмжлэг үзүүлэх зорилгоор хүнсний бүтээгдэхүүн худалдан авах эрхийн бичгийг  09 дүгээр сард нийт 491 өрхийн 2846 иргэнд 20 сая 650 мянган төгрөгийн олголт хийхээр банк руу  илгээсэн. 
Нийгмийн даатгалын шимтгэлд төсөвт байгууллагууд 406,6 сая төгрөгийн өртэй байсны дийлэнх хувийг сургууль, цэцэрлэгүүд эзэлж байна. Өнгөрсөн 7 хоногт өр авлага барагдуулах ажлыг эрчимжүүлж 65,9 сая төгрөгийг барагдуулаад байна.
“Хөх ган” ХХК-д үйлдвэрлэл дээрх сургалтанд төмөр ангижруулах зуухны оператор, Гүүрс хийжүүлэх зуухны оператораар суралцагч бүртгэж байна.
Хөдөлмөрийн аюулгүй байдал, эрүүл ахуйн тухай хууль, Хөдөлмөрийн тухай хуулийн хэрэгжилтэнд үзлэг шалгалт хийх ажлын хэсэг байгуулагдан 9-р сарын 16-наас эхлэн аж ахуйн нэгж, байгууллагуудаар явж үүнд 20 гаруй байгууллага хамрагдсан.
Эрүүл мэндийн талаар :
Цагаан тоосны бүсэд амьдардаг иргэдийн хяналтын ба хяналтын бус бүсийн  эрүүл мэндийн урьдчилан сэргийлэх үзлэгийн удирдамж батлагдан зохион байгуулагдаж 23 хүн хамрагдаад байна. Үзлэг,  шинжилгээний   дүнг нэгтгэж байна.
Өрхийн эрүүл мэндийн төвүүдэд  төлбөртэй шинжилгээ хийх журмыг аймгийн Иргэдийн Тэргүүлэгчдийн хурлаар оруулж шийдвэрлүүллээ.
Бүсийн оношлогоо эмчилгээний төвийн “Сонгомол эмчилгээний тасаг”-ийг 10 дугаар сарын 1-ээс  “Монгол уламжлалт эмчилгээний тасаг” болох бэлтгэл ажил хийж    байна.
Түргэн тусламжийн үйлчилгээг иргэдэд яаралтай хүргэхэд хүндрэл үзүүлж байгаа гэр хороололын болон орон сууцны айлуудын  хаягжилтыг сайжруулах талаар Баян өндөр сумын Засаг даргад хүсэлт гаргасан.
Ирэх 7 хоногт хийгдэх ажлууд 
Хүүхдийн эрх хамгаалал, Нийгмийн болон Эрүүл мэндийн даатгалын тухай хууль зэргээр ЕБС-иудаар сургалт явуулна.
“Сургуулийн автобус үйлчилгээ” уулзалт ярилцлага зохион байгуулна
Хүүхэд залуучуудын театрт багцын тоглолт билет борлуулагдана.
ШУТИС, МУИС ийн оюутнуудыг эрүүл мэндийн даатгалд хамруулах уулзалт, ярилцлага зохион байгуулна.
Хүн амын хөгжил , нийгмийн хамгааллын яамнаас Дэлхийн банкны “олон салбарыг хамарсан техник туслалцааны төсөл”-ийн санхүүжилтээр нийгмийн салбарын ажилтнуудын чадавхи бэхжүүлэх 4 өдрийн сургалтыг 9-р сарын 21-нээс эхлэн НХҮХ-ийн дэргэдэх Ахмадын амралтанд зохион байгуулж байна. Лхагва гаригт дуусна.
Халдвар хяналтын тогтолцоог бэхжүүлье” 2 сарын аян хувийн хэвшлийн нөхөн үржихүй, шүдний эмнэлгүүдийн дунд зохион байгуулна.
“Оюутны эрүүл мэндийг дэмжих сар” төлөвлөгөө гарган их дээд сургууль, МСҮТ-ийн захиралуудын дунд уулзалт,  9 сарын 25 нд “Өглөөний алхалт” арга хэмжээ зохион байгуулна.
Засаг дарга нартай хийсэн үр дүнгийн гэрээний дагуу улсын хэмжээнд Явган аяллын маршрут тогтоож баталгаажуулах, аялагч жуулчдад сурталчлан таниулах гарын авлага боловсруулах ажлын хүрээнд “Явган аяллын маршрут тогтоох,зам дагуух тохижилт” сэдвээр мэдээлэл арга зүйн сургалт 09 сарын 24-25-ны өдрүүдэд ССАЖЯамнаас зохион байгуулагдах бөгөөд сургалтанд Орхон аймгаас аялал, жуулчлал хариуцсан мэргэжилтэн Д.Осоржамаа оролцоно.
“Өсвөр үеийн спорт өнөө ба ирээдүй” сэдэвт Спортын сургуулиудын нэгдсэн форум 09 сарын 22-23-нд Улаанбаатар хотод зохиогдох бөгөөд арга хэмжээнд ССАЖГазрын дарга Ж.Лхагвасүрэн, Ирээдүйн одод спортын дунд сургуулийн захирал Б.Баярмагнай, мэргэжилтэн Т.Батсүх, сургалтын менежер н.Цогмөнх, багш М.Дэмидсүрэн, Б.Идэрсайхан нар оролцоно. 
 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-05-14 973
Улан-Үдэ хотын нэрэмжит гудамжийг тохижуулах ажил эхэллээ

УИХ-ын гишүүн, Орхон аймгийн Ардчилсан намын дарга М.Батчимэг, Аймгийн ИТХ-ын дарга Б.Мягмарсүрэн,

2016-11-18 3295
“Халх сээтэн малгай”-г уламжлалт эсгүүр, технологиор үйлдвэрлэж байна

Улаанбаатар хотын Сонгинохайрхан дүүргийн “Жижиг, дунд үйлдвэрийг дэмжих төв”-ийн санаачилгаар “Өвлийн ...

2018-06-29 2019
ОРХОН АЙМГИЙН ЗАСАГ ДАРГЫН ОРЛОГЧ А.ТҮВШИНЖАРГАЛ ЖАНЗЭ ЦОРЖ ГОСОГ РИНБҮҮЧИЙГ ХҮЛЭЭН АВЧ УУЛЗЛАА

Бурханы шашны Гэлүгвийн ёсны гурван тэргүүн ламын нэг болох Жанзэ Цорж Госог ринбүүчи нь Монголд өмнө ...

Сурталчилгаа

 

 

Веб статистик

Таны IP хаяг: 35.171.146.16
2017-11-30-ний өдрөөс хойш.
  • 6 Онлайн
  • 510 Өнөөдөр
  • 1619 Өчигдөр
  • 8637 Долоо хоногт
  • 28020 Сүүлийн сард
  • 1764405 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  725

Facebook

Цаг агаар