Эрүүл мэндийн чиглэлээр мэргэжлийн үйл ажиллагаа эрхлэх тусгай зөвшөөрлийн комиссын шинжээчийг сонгон шалгаруулах журам

Нэг. Шинжээчийн чиг үүрэг
Эрх бүхий байгууллагаас томилогдсон шинжээчид нь төрийн хяналт шалгалтын тухай хуулийн 5 дугаар зүйлд заасан хяналт, шалгалт хийх нийтлэг үндэслэл, журмыг удирдлага болгон дараах чиг үүргийг гүйцэтгэнэ. Үүнд:
1.1    Ажлын албанаас баталсан удирдамжийн дагуу тусгай зөвшөөрөл хүсэгчийн бүрдүүлсэн баримт бичигтэй танилцах
1.2    Тусгай зөвшөөрөл хүсэгчийн ажлын байрны бүтэц, үйл ажиллагаа нь холбогдох улсын стандарт, эмнэл зүйн удирдамж, үйлдвэрлэлийн технологийн горимын шаардлага хангаж буй эсэхэд газар дээр нь хяналт үнэлгээ хийн, холбогдох дүгнэлтийг гаргах
1.3    Ажлын байранд тавигдах улсын стандартын шаардлага, шалгуурыг хангахтай холбоотой мэргэжил арга зүйн зөвлөгөө өгөх, тусгай зөвшөөрөл хүсэгчээс шаардлагатай мэдээллийг гаргуулан авах, зураг авалт хийх
1.4    Эрүүл мэндийн байгууллагын үйл ажиллагааны тусгай зөвшөөрлийн шаардлагын хэрэгжилтэнд хийх явцын хяналтанд оролцох
1.5    Тусгай зөвшөөрөлд нэмэлт өөрчлөлт оруулах, ажлын байр өөрчлөгдөх зэрэг тохиолдолд ажлын байрны шаардлагад дүгнэлт гаргах
1.6    Тусгай зөвшөөрлийн шаардлагын талаар холбогдох эрх зүйн баримт бичиг, олон улсын туршлага мэдээлэлтэй танилцаж, мэдлэг чадвараа дээшлүүлэх
1.7    Энэхүү журмын 1.2, 1.5 –д заасан дүгнэлтийг комиссын хуралд танилцуулах
Хоёр. Шинжээчийг сонгохдоо дараах шалгуурыг үндэслэнэ.
2.1    Мэргэжлийн болон эрдмийн зэрэг цолтой
2.2    Холбогдох мэргэжлээрээ 5-аас доошгүй жил ажиллаж мэргэшсэн, байгууллагын удирдлага, зохион байгуулалтаар ажлын дадлага туршлагатай
2.3    Эрүүл мэндийн байгууллагын бүтэц, үйл ажиллагаанд үнэлгээ дүгнэлт өгөх, багаар ажиллах чадвартай
2.4    Тусгай зөвшөөрлийн шаардлагын талаар мэдлэгтэй
2.5     хэрэгт холбогдож байгаагүй
Гурав. Шинжээчийг дараах байдлаар сонгож, томилон ажиллуулна
3.1    Шинжээчийн сонгон шалгаруулалтын зарыг шалгаруулалт явагдахаас 21 хоногийн өмнө мэдээллийн хэрэгслээр зарлаж зохион байгуулна
3.2    Сонгон шалгаруулалтанд тэнцсэн шинжээчийг комиссын хурлаар хэлэлцэн баталгаажуулж, 2 жилийн хугацаагаар гэрээ байгуулж, үнэмлэх олгоно
3.3    Гэрээ байгуулсан шинжээчдийг Эрүүл мэндийн чиглэлээр мэргэжлийн үйл ажиллагаа эрхлэх тусгай зөвшөөрөл авахад бүрдүүлэх баримт бичиг болон ажлын байранд тавигдах шаардлага, шалгуур, тэдгээрийг үнэлэх, дүгнэлт гаргахтай холбоотой сургалтанд хамруулна
3.4    Тусгай зөвшөөрөл хүсэгчийн ажлын байранд үнэлгээ хийх хуваарийг урьдчилан гаргаж, шинжээчид мэдэгдэн, удирдамж болон шалгах хуудсаар хангаж томилон ажиллуулна
3.5    Шинжээчид тусгай зөвшөөрөл хүсэгчийн ажлын байрны үнэлгээ, хяналтанд оролцсон хугацаа, ажлын үр дүнг харгалзан эрх бүхий байгууллага ажлын хөлсийг олгоно.




                                                                  Эрүүл мэндийн газар
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-06-24 1277
АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНӨӨС ӨГСӨН ҮҮРЭГ ДААЛГАВРЫН БИЕЛЭЛТ

2014.06.09-06.23 1. “Бид Эрдэнэтийнхэн” арга хэмжээг сайтар зохион байгуулах 2. Том оврын ...

2013-05-17 3667
Аймгийн ИТХ-ын VII дугаар хуралдаан хуралдаж байна.

Аймгийн ИТХ-ын ээлжит 7-р хуралдаан Нутгийн удирдлагын ордны их танхимд болж байна. Хурлын ирц 67,7 хувьтай ...

2015-04-06 4703
АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНӨӨС ӨГСӨН ҮҮРЭГ ДААЛГАВРЫН БИЕЛЭЛТ

1. Орон сууцны байрны цахилгаан, дулааны үнэ нэмэгдсэн асуудлаар олон нийтэд мэдээлэл өгөх: Биелэлт: ...

Ангилал

Цахим төрийн үйлчилгээ


Сурталчилгаа

 

 

 

 

Веб статистик

Таны IP хаяг: 54.236.35.159
2017-11-30-ний өдрөөс хойш.
  • 21 Онлайн
  • 1274 Өнөөдөр
  • 2150 Өчигдөр
  • 1274 Долоо хоногт
  • 82866 Сүүлийн сард
  • 2833764 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  790

Facebook

Цаг агаар