ХӨГЖЛИЙН БЭРХШЭЭЛТЭЙ ИРГЭДТЭЙ ХИЙСЭН УУЛЗАЛТ, ХЭЛЭЛЦҮҮЛЭГ ҮР ДҮНГЭЭ ӨГЛӨӨ

Нэгдсэн Үндэстний Байгууллага 1981 оны 12-р сарын 3-ны өдрийг анх Олон улсын хөгжлийн бэрхшээлтэй иргэдийн өдөр болгосноос хойш дэлхий даяараа энэ өдрийг тэмдэглэсээр ирсэн билээ.
Шинэчлэлийн Засгийн газрын бодлогыг хэрэгжүүлж эхэлсэн хугацаанаас хөгжлийн бэрхшээлтэй иргэдэд үзүүлэх нийгмийн үйлчилгээг сайжруулах чиглэлээр нэн тэргүүнд авч хэрэгжүүлэх арга хэмжээнүүдийг тодорхойлж, өөрчлөлтийг өөрсдөөсөө эхэлж аймгийн ЗДТГ-т саадгүй зорчих нөхцлийг бүрдүүлэх зорилгоор хөгжлийн бэрхшээлтэй иргэдийн шат, хөгжлийн бэрхшээлтэй иргэдийн ариун цэврийн өрөө, нэг цэгийн үйлчилгээ болон Иргэдийн санал хүсэлтийг хүлээн авах төвд босгогүй хаалга зэргийг хийж гүйцэтгэлээ.
Орхон аймагт энэ өдрөөр ”БҮХ НИЙТИЙГ ХАМРУУЛСАН ХҮРТЭЭМЖТЭЙ НИЙГЭМ БИЙ БОЛГОХОД СААД БЭРХШЭЭЛИЙГ АРИЛГАЯ”  уриан дор “Амьдрал өөрөө аз жаргал, Хүүхэд бүхэн жаргалтай байг”  сэдэвт өдөрлөг зохион байгуулж хөгжлийн бэрхшээлтэй иргэд, хүүхэд 100 гаруй хүмүүсийг оролцуулан  тэмдэглэн өнгөрүүллээ.


Арга хэмжээний хүрээнд аймгийн Засаг даргын Тамгын газарт нээлттэй өдөрлөг, аймгийн удирдлагуудтай уулзалт хэлэлцүүлэг зохион байгуулж уулзалтаас гарсан саналуудаас  хүнд хэлбэрийн хөгжлийн бэрхшээлтэй хүүхдээ гэрээр асарч буй ажил эрхлэх боломжгүй эхчүүдийг нийгмийн даатгалын сайн дурын болон эрүүл мэндийн даатгалд хамруулахад орон нутгийн төсвөөс 30,0 сая төгрөг, Хөгжлийн бэрхшээлтэй хүүхдэд боловсрол нөхөн олгох “Найдвар” төвийн хүүхдүүдийг зуны сувилгаа, үйлчилгээнд хамруулахад 5,0 сая төгрөг, Хөгжлийн бэрхшээлтэй хүүхдийн эцэг эхийн холбооны дэргэдэх “Хөгжлийн бэрхшээлтэй хүүхдийн хөгжлийн төв”-ийн хүнд хэлбэрийн хөгжлийн бэрхшээлтэй хүүхдүүдэд гэрээр үйлчлэх үйлчилгээний төсөлд дэмжлэг үзүүлэхэд 10,0 сая төгрөгийн дэмжлэгийг үзүүлэх саналыг хэрэгжүүлэх арга хэмжээг шуурхай авч аймгийн эдийн засаг, нийгмийг 2014 онд хөгжүүлэх үндсэн чиглэлд тусгаж, ИТХ-ын хуралдаанаар хэлэлцүүлэн батлуулсан.

 

 

 

 

 

 


          Цаашид хөгжлийн бэрхшээлтэй иргэдэд ээлтэй, тэдний эрэлт хэрэгцээг хангасан дэд бүтцийг бий болгох, хөгжлийн бэрхшээлтэй иргэдийн нийгмийн хамгааллыг сайжруулах, тэдний идэвхи, оролцоог нэмэгдүүлэх зэрэг шийдвэрлэх олон ажлуудад Орхон аймгийн Иргэдийн Төлөөлөгчдийн Хурал, Засаг дарга түүний Тамгын газар, холбогдох байгууллагуудын зүгээс онцгой анхаарч, хөгжлийн бэрхшээлтэй иргэдийн төлөө үйл ажиллагаа явуулж байгаа Олон улсын, Төрийн болон Төрийн бус байгууллага, аж ахуйн нэгж, иргэдийг дэмжиж хамтран ажиллах болно.

 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-12-07 1012
"Эрх бүжинхэн" цэцэрлэг нээлтээ хийлээ.

Өвлийн тэргүүн сарын сарын шинийн 26-ны билэгт сайн өдөр Говил багийн нутагт “Эрх бүжинхэн ”цэцэрлэг ...

2016-03-02 2469
Ажлын байрны захиалга

Ажлын байр лавлах утас: 70350772, 70352644

2014-06-02 1104
Газрын Харилцаа Барилга Хот Байгуулалтын Газрын мэргэжилтнүүд , Баян-Өндөр , Жаргалант сумдын газрын даамлууд сургалтад хамрагдлаа

Газрын Харилцаа Геодози Зураг Зүйн Газрын даргын 2014 оны А142 дугаар тушаалын дагуу Газрын Харилцаа ...

Сурталчилгаа

 

 

 

Веб статистик

Таны IP хаяг: 3.85.245.126
2017-11-30-ний өдрөөс хойш.
  • 9 Онлайн
  • 1402 Өнөөдөр
  • 2030 Өчигдөр
  • 11212 Долоо хоногт
  • 23900 Сүүлийн сард
  • 1804093 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  727

Facebook

Цаг агаар