Халуун хүйтэн устай холбоход 200 сая төгрөг зарцуулна

   Гэр хорооллыг халуун, хүйтэн усны шугамд холбох нь Засаг даргын  мөрийн хөтөлбөрт орсон хамгийн том амлалт. Тэр хэрээрээ иргэдэд маш том хүлээлт үүсгэсэн амьдралд ойрхон ажил. Халуун, хүйтэн ус хашааны чинь үүдэнд аваачаад өгье хаусндаа амьдарна уу, ханаа дугуйлаад амьдарна уу гэдэг нь таны сонголт хэмээн амласан хэрэг л дээ. Мэдээжээр нийт иргэдийнх нь 70 шахам хувь гэр хороололд амьдардаг аймгийн хувьд энэ ажил үнэхээр ахуйн хувьсгал авчирна. Тэгэхдээ ямар ч хувьсгал, тэр тусмаа  ахуйн хувьсгал  санхүүжилт шаардана. Тэгэхдээ энэ жилдээ 200.0 сая төгрөгөөр санхүүжүүлэх  уг ажлын гол ач холбогдол мөнгөнийхөө тоонд бус иргэдийн оролцоонд байгаа юм. Өөрөөр хэлбэл иргэдийнхээ саналыг авсны үндсэн дээр дээрх мөнгийг хаана, хэзээ, хэрхэн зарцуулахаа шийднэ.Хашааных нь гадаа ирж хаалгыг нь тогших энэ хувьсгалыг хашаандаа, гэртээ оруулах мөчийг тэсэж ядан хүлээж буй иргэдэд хамгийн мэргэн шийдвэр гаргах үлдлээ.