ҮЙЛДВЭР, ХӨДӨӨ АЖ АХУЙН ГАЗРЫН ДОЛОО ХОНОГИЙН МЭДЭЭ /2014.06.16-20/

    Хангайн бүсийн аймгуудын фермерийн аж ахуй, сүү сүүн бүтээгдэхүүн боловсруулах үйлдвэрлэл эрхлэгчдэд хөдөө аж ахуй, эрүүл ахуй, үйлдвэрлэлийн зохистой дадал нэвтрүүлэх, холбогдох хүнсний хууль, эрх зүйн стандартыг таниулах онол, дадлагын 2 өдрийн сургалтыг НҮБ-ын ХХААБайгууллага, ҮХААЯам, Эрдэнэт хот орчмын фермерүүдийн холбоо, "Баяжуулагч одод" ХХК-иудтай хамтран зохион байгууллаа. Сургалтад Архангай, Баянхонгор, Булган, Өвөрхангай, Хөвсгөл, Орхон аймгийн хүнсний чиглэлийн үйл ажиллагаа эрхлэгч болон холбогдох төрийн байгууллагын албан хаагчид нийт 87 хүн оролцож, тэдэнд хүнсний хууль эрх зүй, хүнсний бүтээгдэхүүний аюулгүй байдлыг хангахад заавал мөрдөх стандарт, дүрэм журмыг үйл ажиллагаандаа хэрхэн нэвтрүүлэх талаар нэн тулгамдаж буй шаардлагатай мэдээллийг өгөв. Сургалтыг ҮХААЯ, МХЕГазар, Технологийн дээд сургууль, Глобал Коммуннитс олон улсын байгууллагын мэргэжилтэн, багш нар явуулав. Сургалтад НҮБ-ын Монгол дах шадар суурин төлөөлөгч Шеих Ахадуззаман оролцож, сургалтыг нээн оролцогчдод кодексийн стандартыг сурталчилан таниулахын ач холбогдлын талаар мэдээлэл хийж, сертификат олголоо.

 

     Хүнсний аюулгүй байдал-хяналтын байцаагч, үйлдвэрлэгчдийн хамтын үүрэг, оролцоо” сэдэвт 1 өдрийн сургалтыг Олон улсын санхүүгийн корпораци, Монголын Хүнсчдийн холбоо, Мэргэжлийн хяналтын газар хамтран зохион байгуулсан. Тус сургалтыг хүнсний аюулгүй байдлын хяналтын тогтолцоог нэвтрүүлж, хэвшүүлж ажиллах, дамжин бохирдлын эх үүсвэр, хяналт шалгалт хийх аргачлал, хүнсний сав баглаа боодлын аюулгүй байдлын талаар хүнсний чиглэлийн үйл ажиллагаа эрхлэгчдэд мэдээлэл, мэдлэг олгох зорилгоор зохион байгуулж, сургалтад хүнсний үйлдвэр, цехийн 40 аж ахуйн нэгжийн холбогдох албан тушаалтан, ажилтнууд хамрагдав. Мөн нийгмийн эрүүл мэндийг хамгаалах, хүнсний бүтээгдэхүүний аюулгүй байдлыг хангахад зайлшгүй хэрэгцээт тулгамдаж байгаа багаж тоног төхөөрөмж, боловсон хүчний чадавхийг сайжруулахад дэмжлэг үзүүлэх талаар санал бодлоо өгөх зорилгоор сургалтанд ирсэн Олон улсын санхүүгийн корпорацийн хүнсний аюулгүй байдлын зөвлөх, Монголын Хүнсчдийн холбооны удирдлагад ҮХААГазрын мал эмнэлэг, ариун цэврийн лабораторийн үйл ажиллагааг танилцуулав.

     Аймгийн хэмжээнд 2014 онд 4610.9 га-д тариалалт хийхээс 4664.42 га талбайд 17 аж ахуйн нэгж, 915 өрхийн тариалалт хийж тариалалтын ажил 101.1 хувьтай хийгдлээ. Үүнээс:
Үр тариа 3720 га-д буюу 97.4 хувь
Төмс 326 га буюу 96.4 хувь
Хүнсний ногоо 246 га буюу 106 хувь
Жимс, жимсгэнэ 19.2 га буюу 91.8 хувь
Тэжээлийн ургамал 195 га буюу 97.5 хувь
Рапс 158 га-д тус тус тариалалт хийгдээд байна.
Эхний хагас жилийн байдлаар 12 аж ахуй нэгж 2 иргэний нийт 3630 га талбайд уринш  бэлтгэх 72.6 тн шатахууны захиалгыг ҮХААЯ-д хүргүүлэв. ҮХААЯ-ны харъяа ТЭДС нь 2014 оны 06 дугаар сарын 16-ны өдрөөс эхлэн захиалгын дагуу аж ахуй нэгж, иргэдтэй гэрээ хийж уринш бэлтгэхэд шаардлагатай шатахууныг олгож эхлээд байна .
   Монгол Улсын Засгийн газрын 48, 394 дүгээр тогтоолуудыг хэрэгжүүлэх ажлын хүрээнд ҮХААЯ, МАШҮХолбоо, Мал хамгаалах сантай хамтран арьс шир бэлтгэн нийлүүлэгчдийн зөвлөгөөнийг зохион байгууллаа. Дээрх арга хэмжээнд орон нутгийн удирдлагуудын төлөөлөл, холбогдох мэргэжилтнүүд түүхий эд бэлтгэн нийлүүлэгчдийн итгэмжлэгдсэн төлөөлөгчид нийт 32 хүн хамрагдаж биржийн арилжааны зах зээлд оролцогчдыг бэлтгэх, арьс ширний урамшуулалд малчдыг хамруулахад тулгамдаж буй асуудал, цаашид хийх ажлын талаарх санал бодлоо солилцлоо.
2014 онд итгэмжлэгдсэн төлөөлөгчтэй гэрээ байгуулан падаан олгов.
         Хүлэг хүнсний захын стандартын шаардлага хангуулах дээжинд шинжилгээ хийж дүгнэлт гарган өглөө.
Үүнд: Үхэр, Адуу, Хонь, Ямаа, Гахайны махны 5 дээж
Сүү сүүн бүтээгдэхүүний 3 дээжинд тус тус шинжилгээ хийв.
      Олон нийтэд тулгуурласан гамшгийн эрсдлийг бууруулах үндэсний дэд хөтөлбөрийг хэрэгжүүлэх сургалтыг Онцгой байдлын албаны 88 албан хаагчдад хийлээ.
       Монголын хүнсчдийн холбоонд махан бүтээгдэхүүний 26 дээжинд бруцеллёз, мастит өвчний онош тогтоох шинжилгээ, хими, физик, нянгийн бохирдлын шинжилгээг хийж, экспертизийн хамт 06 дугаар сард хүнсний аюулгүй байдлын талаар товч мэдээлэл бэлтгэн мэйлээр хүргүүлэв.        Биокомбинатаас 3 төрлийн вакцин, 17 төрлийн оношлуур, био бэлдмэлийг Мэргэжлийн хяналтын байцаагчийн мал амьтан хорио цээрийн чанарын Улсын байцаагчийг байлцуулан хүлээж авлаа.
      Лейкоз өвчний цусны шинжилгээний цус авалтын ажлын явц 60 хувьтай 15489 цусны дээж аваад байна.
 

 

 

Холбоотой мэдээлэл

2014-11-29 1362
ХОТ ТОХИЖУУЛАХ ГАЗРЫН ХИЙЖ ГҮЙЦЭТГЭСЭН АЖЛЫН 7 ХОНОГИЙН МЭДЭЭ /2014.11.22-28/

1. Гэр хорооллын айл өрхийн хог 2. Орон сууцны хорооллын хог ачилт 3. Албан газар

2016-04-28 1959
“ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙ-ТАНЫ ОРОЛЦОО” НЭЭЛТТЭЙ ӨДӨРЛӨГ ЗОХИОН БАЙГУУЛЛАА

Хөдөлмөрийн аюулгүй байдал эрүүл ахуйн хуулийн нэмэлт өөрчлөлттэй холбогдсон ҮОХХСБК-ын дүрэм, ХАБЭА-н ...

2014-10-17 1424
2014 оны 07-р сарын 04-ний өдөр Орхон аймгийн Жижиг дунд үйлдвэрийн хөгжлийн сангийн Дэд комиссын хурал хуралдлаа.

Хуралдаанаар 58 иргэн аж ахуйн нэгжээс ирүүлсэн төслийг хэлэлцсэнээс: Нийт 32 иргэн аж ахуйн нэгжийн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.16.13
2021-06-10-ний өдрөөс хойш.
  • 32 Онлайн
  • 376 Өнөөдөр
  • 3423 Өчигдөр
  • 22533 Долоо хоногт
  • 199727 Сүүлийн сард
  • 6238947 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  999

Facebook

Цаг агаар