Яаралтай тусламж, Эрчимт эмчилгээ, Мэдээгүйжүүлгийн тасаг нь хөдөө орон нутгийн хэмжээнд анх удаа дэлхийн жишигт хүрсэн тусламж үйлчилгээг үзүүлнэ

     Өнөөдөр Аймгийн Засаг даргын Тамгын газрын дарга В.Сумъяасүх, худалдан авах ажиллагааны дарга Л.Оюунгэрэл болон бусад албаны хүмүүс Орхон аймаг дахь Бүсийн оношилгоо эмчилгээний төвийн Яаралтай тусламж, эрчимт эмчилгээ, мэдээгүйжүүлгийн тасаг нь орон нутгийн хэмжээнд анх удаагаа дэлхийн жишигт нийцсэн, улсын клиникийн эмнэлгүүдтэй адилтгахуйц шинэчилсэн зохион байгуулалтад орсон тасгийн үйл ажиллагааг албан ёсоор нээж тууз хайчиллаа.
      Тус тасаг нь  клиникийн профессор нэг, ахлах зэрэгтэй эмч нэг, эрчимт эмчилгээ мэдээгүйжүүлгийн найм нийтдээ 13 эмч, 29 сувилагч, гемодиализийн хоёр техникч нийт 48 ажилтантай.
Яаралтай тусламж, эрчимт эмчилгээ, мэдээгүйжүүлэг, гемодиализ гэсэн дөрвөн хэсгээр үйл ажиллагаа явуулдаг.
 Яаралтай тусламжийн хэсэг:  Эрүүл мэндийн сайдын 375 тоот тушаалын дагуу журам боловсруулан үйл ажиллагаандаа хэрэглэдэг. Үйлчлүүлэгчдийн амь насанд учирч буй эрсдэлээс хамаарч үзүүлэх эмнэлгийн тусламжийг цаг хугацааны болон цар хүрээний чухлаар зэрэглэн А,Б,С,Д болгон эрэмбэлдэг.
А Б С-гээр ангилсан үйлчлүүлэгчид амилуулах суурь болон лавшруулсан тусламж үзүүлэх, нарийн мэргэжлийн эмчийн зөвлөгөө авах , дүрс оношилгоо болон лабораторийн шинжилгээнүүдийг хийдэг.
Яаралтай тусламжийн хэсгээр өнгөрсөн жил  хорин мянга орчим хүн үйлчлүүлсэн байна. Энэ нь нэгдсэн эмнэлэг БОЭТ болсон, эмнэлгийн тусламж үйлчилгээний чанар сайжирсантай холбоотой. Хөдөө орон нутгаас ирж үйлчлүүлэх хүний тоо өссөөр л байна. Ялангуяа Булган, Сэлэнгэ аймгийн иргэд их байна.
Эрчимт эмчилгээ, мэдээгүйжүүлгийн хэсэг : Нарийн мэргэжлийн 8 эмч, 16 сувилагчтай.  Хагалгааны дөрвөн өрөөнд мэдээгүйжүүлэг хийдэг. Үүнээс гадна амбулаторийн эмчийн  мэс засал, КТГ, дурангийн зарим шинжилгээ хийхэд  мэдээгүйжүүлгийн баг ажилладаг. Ингэснээр хагалгаа, мэс ажилбар, эмчилгээ, шинжилгээ хийх боломжоор хангаж өгдөг байна. Эмч нар  дэлхийд хэрэглэгдэж буй мэдээгүйжүүлгийн олон төрлийн аргуудыг өдөр тутмын үйл ажиллагаандаа мэргэжлийн өндөр түвшинд хэрэглэдэг. Үүнд: Цагаан мөгөөрсөн хоолойд гуурс хийж ерөнхий мэдээ алдуулах арга, бүх төрлийн орчны мэдээгүйжүүлэг үүнд:
•    Нугасны хөндийн
•    Нугасны гаднах мэдээгүйжүүлэг
•    Нугасны гадна зайд гуурс байрлуулж ерөнхий мэдээгүйжүүлэгтэй хавсруулах арга
зарим төрлийн захын хоригуудыг амжилттай хэрэглэж мэс заслын тусламжийг бүрэн хөгжүүлэх боломжоор хангадаг.
Тасгийн нэг чухал хэсэг бол хагалгааны дараах хүндрэлээс сэргийлэх өрөө байдаг.
Гемодиализийн хэсэг: 2009 оноос үйл ажиллагаа явуулж эхэлсэн бөгөөд жилдээ бөөрний архаг болон хурц дутагдалтай 18 өвчтөнд 1198 сеанс гемодиализ эмчилгээ хийсэн байна.
     Аймгийн хөрөнгө оруулалтаар сарын хугацаанд их засвар хийн байрлал болон бүтцээ нэмэгдүүлэн, шинэчлэн өөрчлөлт хийсэн. "Орхон аймгийн хэмжээнд хамгийн онцгой бүс болох БОЭТ-д 190 сая төгрөгөөр хөрөнгө оруулсан тухай" АЗДТГ-н дарга В.Сумьяасүх нээлтийн үер хэллээ. Иргэдэд эмнэлгийн яаралтай тусламж үйлчилгээг сайжруулах зорилгоор эрэмбэлэн ангилах, ажиглалтын, амилуулах суурь болон лавшруулсан тусламж үйлчилгээ үзүүлэх өрөөг ашиглалтад оруулжээ. Ингэснээр үйлчлүүлэгчийн биеийн байдлыг харгалзан тусламж үйлчилгээ үзүүлэх, бусад тасаг нэгж оргүй үед хэвтэн эмчлүүлэх боломжтой болов. "Эмч, эмнэлгийн мэргэжилтнүүд маань ард иргэддээ тусламж үйлчилгээг чанартай үзүүлж, өөрийн ур чадвараа бүрэн дайчилж ажиллахыг" БОЭТ-ийн захирал Ч. Цэрэндагва сануулав. Эмчлүүлэгчийн ар гэрийн хүмүүсийн ая тухтай байдлыг хангах хүлээлгийн болон ариун цэврийн өрөө шинээр хийжээ. Өвчтөний биеийн байдал хүндэрсэн, онош тодорхойгүй үед хотын дадлага туршлагатай эмч нараас шууд зөвлөгөө авах сургалтын өрөөг мөн ашиглалтад оруулав. Мөн гемодиализ буюу цус цэвэршүүлэх аппарат хоёрыг шинээр авч дөрвөн аппарат ажиллаж эхэлжээ. "Засвар хийгээд бүтцээ өөрчилсөн нь бидний хувьд үйлчлүүлэхэд сэтгэл ханамжтай, ая тухтай байгаа тухай" иргэн Ц. Хорол өгүүллээ."
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-01-06 969
ЕБС-ийн сурагчдын түвшин тогтоох шалгалт авна.

ЕБС-ийн сурагчдын түвшин тогтоох шалгалтыг 7-ны өдөр авахаар төлөвлөж хичээл бүрээр шалгалтын сэдэв боловсруулж, ...

2014-05-22 705
Байгаль орчны газрын дарга Х.Машбат 70353511 төвд ажиллалаа

Байгаль орчны газрын дарга Х.Машбат "Иргэдийн санал хүсэлт хүлээн авах 70353511 төв"-д ...

2014-01-10 1493
Татварын хөнгөлөлтийн бүртгэл энэ сарын 15-нд эхэлнэ.

Их дээд сургуулийн сургалтын төлбөрийн хөнгөлөлтийн хувьд баклаврын зэрэгтэй өдрийн ангийн оюутнууд хамрагдах ...

Сурталчилгаа

 

 

 

Веб статистик

Таны IP хаяг: 3.233.226.151
2017-11-30-ний өдрөөс хойш.
  • 25 Онлайн
  • 645 Өнөөдөр
  • 2155 Өчигдөр
  • 8764 Долоо хоногт
  • 24989 Сүүлийн сард
  • 1847938 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  731

Facebook

Цаг агаар