Боом өвчнөөс сэргийлье!

    Боом өвчин нь мал амьтнаас хүнд халдварладаг, хурц халдварт өвчин бөгөөд хүний тунгалгийн зангилааг гэмтээж, хүчтэй хордлого үүсгэдэг. Манай улсын тал хээрийн чийглэг хар хүрэн хөрстэй бүс нутагт боомын байгалийн голомттой.  Сүүлийн 10 жилд 15 аймгийн 126 суманд, Улаанбаатар хотын 6 дүүрэгт хүний өвчлөлийн 157 тохиолдол бүртгэгдэж нас баралт 7,6% -тай байна. Малын өвчлөл 15 аймгийн 81 суманд, Улаанбаатар хотын 4 дүүрэгт 1000 орчим мал боомоор өвчилсөн байна.

Боомыг үүсгэгч савханцар нь гадаад орчинд маш их тэсвэртэй, газрын хөрсөнд олон арван жилээр хадгалагдаж, амьдрах чадвартай байдаг онцлогтой.

Халдварын эх уурхай
Боомоор өвчилсөн мал, амьтан халдварын эх уурхай болно. Ялангуяа үхэр, хонь, ямаа адуу өвчлөх ба өвчтэй малаас хүн нь халдвар авах нь элбэг тохиолдоно.

Халдвар дамжих зам
1.Шууд хавьтлын зам
•Өвчтэй мал, амьтны арьс шир, эвэр туурай бусад бүтээгдэхүүн
•Боомын нянгаар бохирлогдсон хөрс, бууцнаас
•Өвчтэй мал төхөөөрөх, үс ноосыг нь хяргах арьс шир, бусад түүхий эдийг ашиглах, хавьтах үед халдвар авна.
2.Хоол хүнсний зам
•Өвчтэй малын мах сүү, дутуу боловсруулж хэрэглэх үед хоол боловсруулах замаар
3.Амьсгалын зам
•Боомын нянгаар бохирлогдсон тоосонцроор амьсгалах үед халдвар авна.
4.Дам халдварын зам
•Өвчтэй мал, амьтны цус сорсон шумуул, хөх түрүү, дэлэнч зэрэг шимэчдэд хатуулснаас халдвар авна.

Шинж тэмдэг
Халуурах, толгой өвдөх, бие сулрах, дотор муухайрах, хоолонд дургүйцэх, зэрэг ерөнхий шинж тэмдэг илрэхээс гадна халдвар дамжсан замаас шалтгаалан эмнэл зүйн олон шинж тэмдгүүд илэрнэ.
Элбэг тохиолдох Арьсны хэлбэрийн боомын  үед нян орсон арьсан дээр улаан цэг  үүсч, гүвдрүүтэн, улмаар цэврүүтэж, хар тав үүснэ. Хар тав нь ямар ч өвчин эмзэглэлгүй, эргэн тойронд их хэмжээний хаван үүсэх, халуурах, толгой өвдөх, бие сулрах, хоолонд дургүйцэх зэрэг шинж тэмдэг илэрдэг . Хар тав нь голчлон гар, нүүрний ил хэсэгт гардаг онцлогтой.

Урьдчилан сэргийлэх
1.Тодорхой шалтгаангүйгээр мал үхвэл малын эмчид яаралтай хандаж, шалтгааныг тогтоолгох
2.Онош тодорхойгүй шалтгаанаар гэнэт үхсэн малыг өвчих махыг нь хүнсэнд хэрэглэх,  арьс шир, ноос ноолуурыг авч ашиглахгүй байх. Зөвхөн мал эмнэлгийн байгууллагад хандаж , заавар зөвлөмжийн дагуу ажиллах
3.Боомын сэжигтэй үхсэн малын мах болон түүхий эдийг ашиглахгүй байх хэрэв үхсэн малд хүрэх зайлшгүй шаардлага гарвал халад, бээлий өмсөж занших
4.Мах, сүүн бүтээгдэхүүнийг гүйцэд боловсруулж хэрэглэх
5.Боом өвчний голомтот нутагт оршин суугчид ялангуяа арьс, махны наймаа эрхлэгчид боомын дархлаажуулалтанд өргөн хамрагдах
6.Хувийн ариун цэврийг чанд сахих
7.Шинжилгээ баталгаагүй мах, сүү, сүүн бүтээгдэхүүн худалдан авахгүй байх
8.Малаа боомын вакцинжуулалтанд хамруулах

                                                              Орхон аймгийн ЭМГ
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-01-20 2127
Хүүхэд харах үйлчилгээнд тавих нийтлэг шаардлага MNS 6540:2015 стандарт батлагдлаа.

Манай улсад 2-5 насны нийт 266.0 мянган хүүхэд байгаагаас цэцэрлэг хүрэлцээгүй, хөдөө алслагдсан газар, ...

2015-11-10 1158
Монгол хэлний бодлогын зөвлөл хуралдлаа

Үндэсний монгол бичгээ хэрэглэх, хамгаалах зорилготой Монгол хэлний бодлогын зөвлөл манай аймагт өнгөрөгч ...

2016-01-20 1514
Авлигын эсрэг удирдлагын тогтолцооны ISO 37001 стандартын төсөл санал хураалтын шатанд шилжлээ.

Авлигын эсрэг тэмцлийг үр дүнтэй, далайцтай болгоход аж ахуйн нэгж, байгууллагын идэвхтэй оролцоо чухал ...

Сурталчилгаа

 

 

 

Веб статистик

Таны IP хаяг: 34.204.183.113
2017-11-30-ний өдрөөс хойш.
  • 31 Онлайн
  • 429 Өнөөдөр
  • 1898 Өчигдөр
  • 2327 Долоо хоногт
  • 48746 Сүүлийн сард
  • 2046288 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар