Жаргалант сумын долоо хоногийн мэдээ /2014.10.13-17/

-Монгол улсын Ерөнхийлөгчийн 2010 оны 63 дугаар зарлигийн дагуу 2014 оны 10 дугаар 15-16-ны өдрүүдийг Бүх нийтээр мод тарих өдөр болгон зарлаж сумын төсвийн байгууллага, аж ахуйн нэгжийн ажилтан  албан хаагчид,  болон иргэд идэвхтэй хамрагдан нийт 315 иргэн оролцсон.  Нийт 1545 ширхэг чацаргана, үхрийн нүд, монос, бөөрөлзгөнө  зэрэг жимсний модыг Бөөн бургасны хашаажуулсан талбайд  тарилаа.

 


  
 -Орхон аймгийн Иргэдийн төлөөлөгчдийн хурлын ажлын алба, Орхон аймгийн Засаг даргын тамгын газрын ажлын алба, хэлтэс, агентлагуудын төлөөлөл ирж  манай суманд 2014 оны 10 дугаар сарын 16-ны өдөр “Жаргалант сумын иргэдэд тулгамдаж буй асуудал, цаашид шийдвэрлэх арга зам” сэдвээр  нээлттэй хэлэлцүүлэг форум арга хэмжээг зохион байгуулсан. төсвийн байгууллагын ажилтан албан хаагчид, сумын иргэд идэвхтэй оролцлоо.

 



Багийн ажлын алба:
-2014 оны 10 дугаар сарын 14-ний өдөр   Аймгийн Засаг даргын дэргэдэх Статистикийн хэлтсээс мэргэжилтэн ирж Хүн ам өрхийн мэдээллийн сан онлайн программыг Улаантолгой, Жаргалант, Дулаан-Уул, Малчин багуудад  суулгаж, хүн ам өрхийн бүртгэлийг бүртгэж эхэлсэн.



 -  2014 оны 2 дугаар ээлжийн цэрэг татлагаар Дулаан-Уул багаас 19 иргэний нэр ирснээс 5 иргэн тэнцсэн, Жаргалант багаас 17 иргэний нэр ирснээс 3 иргэн тэнцсэн, Малчин багаас 26 иргэнээс 7 иргэн тэнцсэн, Улаан-толгой багаас 7 иргэний нэр ирснээс  2 иргэн тэнцэж, 2 иргэн дүйцүүлэхээр цэргийн жинхэнэ  албанд тус тус татагдахаар болсон.
-Малчин баг нь 2 сумын хооронд шилжсэнтэй холбогдон иргэдийн дунд баг хоорондын болон аймаг хоорондын шилжилт хөдөлгөөн хийлгэх асуудал үүсч, иргэдэд хүндрэл учруулахгүйн тулд Булган аймгийн Орхон сум, Орхон аймгийн Баян-Өндөр сумдуудтай хамтран нэг цэгийн үйлчилгээг үзүүлж, Баян-Өндөр сумын ЗДТГ-т багийн ажлын албаны ажилтнууд 2014 оны 10 дугаар сарын 13-ны өдөр ажиллаж, шилжилт хөдөлгөөн хийсэн. Энэ өдөр баг хоорондын шилжилт 288, аймаг хоорондын шилжилт 79, нийт 367 иргэдийн шилжилт хөдөлгөөнийг хийсэн. Шилжилт хөдөлгөөн үргэлжлэн явагдаж байна.
-2014 оны 10 дугаар сарын 18, 19 –ний өдрүүдэд Жаргалант багийн ажлын алба “Багийн  өдөрлөг” зохион байгуулахаар төлөвлөгөө гарган ажиллаж байна.
Ургац хураалтын мэдээ:  .
Одоогоор улаан буудай 2894  га-гаас 8550,7  тн , тосны ургамал 158 га-аас 115тн , малын тэжээл/овъёос/ 82 га-аас 153 тн, хураагаад байна.
өргөст хэмх 0,71 га-с-38,7  тн, байцаа 44 га-с 814,9 тн-ыг, шар манжин 16  га-с 113,4 тн, хүрэн манжин 24 га-аас 354,6 тн, лууван 87-га-с 1801 тн, улаан лооль 0,12 га-аас 2,2 тн, сонгино 8,82 га-аас 70 тн-ыг  тус тус  хураагаад байна.
Хадлангийн мэдээ:
Сумын аюулгүйн нөөцөд 120 тн, малчид 2900 тн байгалийн хадлан бэлтгэх төлөвлөгөөтэй бөгөөд   одоогоор иргэд, аж ахуйн нэгж байгалийн хадлан  3195 тн, ногооны хаягдал 55 тн, ногоон тэжээл-144 тн, үйлдвэрийн 190 тн, гар тэжээл 14,6 тн, давс хужир 30 тн,    сумын фондод 121 тн өвс бэлтгэж авсан.
Байгаль орчны чиглэлээр:
-Цагдаагийн хэлтэстэй хамтран эргүүл шалгалт хийж зөвшөөрөлгүй түлшний мод бэлтгэсэн 1 зөрчил илрүүлж арга хэмжээ авсан.
-2014 оны 10 дугаар сарын 17-ны өдөр сумын төвийн ойр орчны хог цэвэрлэгээг төсвийн байгууллага, аж ахуйн нэгжүүд цэвэрлэж байна.
-Хог хаягдлын менежментийг сайжруулах хөтөлбөрийн хүрээнд багуудын дунд зарласан “Шилдэг хот айл”, “Шилдэг орц”, “Шилдэг гудамж” шалгаруулах уралдааны удирдамж тараах ажил хийгдэж байна.
Боловсролын чиглэлээр:
3 дугаар цэцэрлэг:
  -Нийт 145 хүүхэд өдрийн төлөвлөгөөтэй ажилласан
-Эрүүл мэндийг дэмжигч байгууллагын зэрэглэл ахиулах ажлын тайланг Эрүүл мэндийн газарт хүргүүлсэн.
-2014 оны 10 дугаар сарын 16-ны өдөр 10 багш ажиллагсад Орхон аймгийн 10 дугаар  цэцэрлэгийн үйл ажиллагаатай танилцан туршлага судалсан.
-Орхон аймгийн Мэргэжлийн хяналтын газрын боловсрол хариуцсан байцаагч н.Биндэрья, н.Жаргал нар ажиллаж, ундны усны дээж, анги бүлгээс арчидас авч, зөвлөн туслах үйл ажиллагаа үзүүлэн ажилласан.
Соёл мэдээллийн төв
 -“Номын баяр” нэг сарын аяны хүрээнд хийгдэж байгаа “Шилдэг үлгэрч” хүүхэд тэмцээнийг 2014 оны 10 дугаар сарын 15-ны өдөр урлагийн зааланд явагдаж 1 дүгээр байрыг 3а ангийн сурагч С.Анударь, 2 дугаар байрыг 3а ангийн сурагч Н.Анужин нар тус тус эзэллээ. Тэмцээний үеэр телевизийн бичлэг хийсэн.
-Сумын шуурхай хуралдаан, ЕБС-ийн “Алтан намар” , Аймгийн ИТХ-ын ажлын алба болон аймгийн ЗДТГ-ын хэлтсийн дарга нар оролцсон нээлттэй хэлэлцүүлэг форумын телевизийн бичлэг тус тус хийсэн.
ЗДТГ-т нийт 5 өргөдөл ирсэн. Үүнээс газартай холбоотой 2 өргөдлийг Газрын даамал Н.Жарантайд, түлшний модны хөнгөлөлтөд хамрагдах хүсэлт 2 ирснийг Засаг даргын орлогч Э.Бөхтулгад, Овог нэр өөрчлөх тухай -1 өргөдлийг Улсын бүртгэгч Г.Моголцогт шийдвэрлүүлэхээр тус тус шилжүүлсэн байна.
    Орон нутгийн хөгжлийн сангийн хөрөнгө оруулалтаар дараах ажлууд хийгдэж байна.
Үүнд
•    “Сумын төв замын гудамжны гэрэлтүүлгийг ажил”-ыг Арвилах” ХХК  100%-тай хийж гүйцэтгэсэн.

 




•    “Жаргалант сумын  0,95 км авто замыг сэргээн засварлах” ажлыг  "Орхон азза" ХХК нь 97%-тай хийж гүйцэтгэж байна. Замын тэмдэглээ , хурд сааруулагч хийгдэж байна.

 




•    “Урд хорооллын нөөцийн усан сангийн инженерийн шугам сүлжээг байгуулах ” ажлыг үнэлгээний хорооны дүгнэлтээр “Аврага соёо” ХК хийж гүйцэтгэж байна.
•    “Спорт заал барих” ажлыг тэнгэр хишиг ХХК хийж гүйцэтгэж байна.
 

 

Холбоотой мэдээлэл

2015-05-29 4843
“АЛДАРТ ЭХ”-ийн одонгоор эхчүүдийг шагналаа

Олон хүүхэд төрүүлсэн эхчүүдийг жил бүрийн хүүхдийн баярыг тохиолдуулан Монгол Улсын Ерөнхийлөгчийн ...

2015-03-15 1406
ХОТ ТОХИЖУУЛАХ ГАЗРЫН ХИЙЖ ГҮЙЦЭТГЭСЭН АЖЛЫН 7 ХОНОГИЙН МЭДЭЭ /2015.03.09-13/

Гэр хорооллын айл өрхийн хог /Говил, Яргуйт багаас / Орон сууцны хорооллын хог ачилт Албан газар

2014-10-27 1453
Хууль зүйн хэлтсийн 7 хоногийн мэдээ /2014.10.20-24/

Авлигын эсрэг хуулийн зарим зүйл, Нийтийн албанд нийтийн болон хувийн ашиг сонирхолыг зохицуулах, ашиг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.158.251.104
2021-01-03-ний өдрөөс хойш.
  • 9 Онлайн
  • 909 Өнөөдөр
  • 1680 Өчигдөр
  • 3945 Долоо хоногт
  • 14648 Сүүлийн сард
  • 6452922 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1054

Facebook

Цаг агаар