Цас орж хальтиргаа үүслээ

        Энэ намар цас их орсон. Тэгэхдээ нойтон цас газрын бүлээхэн хээлэнд дорхноо шингэчхээд байсан. Харин уржигдар шөнө, өчигдөр өдрийг дамнан орсон их цас ирэх хавартай хамт хайлах нь тодорхой болов. Өвөл эрхээ эдэлж эхэллээ. Өвөлтэй хамт олон асуудал онцгой  “эрх”-ээ эдэлж, бидэнд онцгойлон анхаарах үүрэг ногдуулж ирдэг нь замын хальтиргаа гулгаа, замын  хөдөлгөөний аюулгүй байдал юм. Долоо хоногт дунджаар тогтмол 50-иад хүн согтуугаар тээврийн хэрэгсэл жолоодож яваад баригддаг, төв зам дээр хурд хэтрүүлдэг, замын хөдөлгөөний дүрмийг зөрчин зоргоороо аашлах, дүрэм биелүүлдэггүй  жолооч олонтой манай аймгийн хувьд хальтиргаа гулгаа  иргэдийн амь нас, эрүүл мэндийг хутганы ирэн дээр тавьдаг  асуудал юм. Тэгэхдээ хот тохижуулах газрын асуудал биш ээ. Жолооч нарын ухамсар сахилгын асуудал юм. Хот тохижуулах газрын ажилчид цэвэрлэдгээ цэвэрлэнэ. Хусдагаа хусна. Харин жолооны ард суусан “жолоо цулбуургүй” хүмүүс л хэцүү байна.
      Замын цагдаагийн газрынхан арга бараад “Номин” телевизтэй хамтран “Дуудлага” нэвтрүүлэг хийж ногоон байгууламж, замын хашлага, хүүхдийн тоглоомын талбай дээр дүрэм зөрчин тавьсан машины номерыг шууд мултлан торгууль тавьж байна. Энэ жилийг “Их бүтээн байгуулалт”-ын жил болгон зарлаж байр хоорондын бүх замыг өргөсгөж, нэг урсгалаар ордог, гардаг болгоод байхад ч даварсан жолооч нар орцтой залгаа явган хүний зам дээр машинаа хөндөлдүүлэн орхих, тусгай талбай байсаар байтал амрыг харан машинаа нэгдүгээр эгнээнд цувуулан тавих зэрэг нь энгийн үзэгдэл болоод байхад өөр яалтай нь ч билээ. Тэд өмчөө бусдын  чөлөөтэй алхах эрхээс дээгүүр тавьж  машинаа дуртай газраа тавьж байна. Иргэд чөлөөтэй алхах, амгалан тайван амьдрах эрх нь зарим хүмүүсийн үнэтэй машины  үнэнд хавьтах ч үгүй байгаад бухимдаж байна.
        Жолооны ард суусан “жолоо цулбуургүй” хүмүүсийг намнаж эхэлсэн Замын цагдаагийн хэлтэс, “Номин” телевиз хоёрт иргэд талархалтай хандаж байгаа шүү. Даварсан жолооч нарт даруулга хэрэгтэй байна.
                                        


 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-11-28 7697
Монгол улсад хүчин төгөлдөр мөрдөгдөж байгаа стандартууд /толгой хамгаалах хэрэгсэл/

Хөдөлмөр хийж байгаа хэн бүхэн хөдөлмөрийн хамгаалах хэрэгсэл, түүнд тавигдах ерөнхий шаардлага, ангиллын ...

2016-07-26 664
Тээврийн хэрэгслийн зөвшөөрлийг энэ сарын 26-аас олгоно

Баяр наадмаар олгодог тээврийн хэрэгслийн зөвшөөрлийг энэ сарын 26-ны өдрөөс өгч эхлэхээр болжээ. Нийтийн ...

2017-03-19 3456
АЙМГИЙН ЗАСАГ ДАРГА Д.БАТЛУТ БАГУУДАД АЖИЛЛАНА

Орхон аймгийн Засаг дарга болон орон нутгийн удирдлагууд 2017 оны 3 дугаар сарын 20-оос 26-ыг дуустал ...

Сурталчилгаа

 

 

 

Веб статистик

Таны IP хаяг: 34.239.172.52
2017-11-30-ний өдрөөс хойш.
  • 12 Онлайн
  • 82 Өнөөдөр
  • 1822 Өчигдөр
  • 5792 Долоо хоногт
  • 19351 Сүүлийн сард
  • 2228980 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  756

Facebook

Цаг агаар