ЦЭРГИЙН ШИНЭЧИЛСЭН ТОО БҮРТГЭЛ

       Монгол Улсын иргэний цэргийн үүргийн болон цэргийн албан хаагчийн эрх зүйн байдлын тухай хуулийн 24 дүгээр зүйлийг үндэслэн  аймгийн Засаг даргын 2014 оны 11 дүгээр сарын 20-ны өдрийн А/616 тоот захирамжаар Цэргийн шинэчилсэн тоо бүртгэлийг аймгийн хэмжээнд 2014 оны 11 дүгээр сарын 25-наас 12 дугаар 31-ны өдрүүдэд өөр өөрийн харъяа багийн байранд явагдаж байна.

ЦЭРГИЙН ШИНЭЧИЛСЭН ТОО БҮРТГЭЛ ЯВУУЛАХАД ХОЛБОГДОЛТОЙ САНАМЖ

Монгол Улсын иргэний цэргийн үүргийн болон цэргийн албан хаагчийн эрх зүйн байдлын тухай хуулийн 24 дүгээр зүйл. Цэргийн тоо бүртгэл.

   ЦЭРГИЙН ТОО БҮРТГЭЛ НЬ ЖИНХЭНЭ БОЛОН БЭЛТГЭЛ АЛБА ХААХ  ҮҮРЭГ БҮХИЙ ИРГЭНИЙ БҮРТГЭЛ, СУДАЛГААНЫ НЭГДСЭН ТОГТОЛЦОО МӨН.

    ЦЭРГИЙН ЖИНХЭНЭ БОЛОН БЭЛТГЭЛ АЛБА ХААХ НАСНЫ ИРГЭН ЖИЛ БҮР ЦЭРГИЙН ТОО БҮРТГЭЛД БҮРТГҮҮЛНЭ. БҮРТГҮҮЛСЭН ТУХАЙ ТЭМДЭГЛЭЛИЙГ ЦЭРГИЙН ҮҮРЭГТНИЙ  ҮНЭМЛЭХЭД ХИЙНЭ.

    ЦЭРГИЙН ШИНЭЧИЛСЭН ТОО БҮРТГЭЛИЙГ АЙМАГ, СУМ, , БАГЫН ЗАСАГ ДАРГЫН ЗАХИРАМЖААР ЖИЛ БҮР ЗАСАГ ЗАХИРГААНЫ ҮНДСЭН НЭГЖ БАГ, СУМЫН ЗАСАГ ДАРГЫН АЖЛЫН БАЙРАНД ЗОХИОН БАЙГУУЛЖ ЯВУУЛНА.

Аймагт  цэргийн тоо бүртгэл хөтөлж явуулах үндсэн зорилго нь:

    ЦЭРГИЙН ҮҮРЭГТНИЙ НӨӨЦ, ЦЭРГИЙН ДАЙЧИЛГААНЫ ДААЛГАВРЫГ БИЕЛҮҮЛЭХ БОЛОМЖИЙГ ТОДОРХОЙЛОХ;
 
      ЦЭРГИЙН АЛБА ХААХ ҮҮРЭГ БҮХИЙ ИРГЭНИЙ ТАЛААР ШААРДЛАГАТАЙ ЛАВЛАХ, МЭДЭЭЛЛИЙН САНГ БҮРДҮҮЛЭХ;

    ТАЙВАН БОЛОН ДАЙНЫ ЦАГТ ЗЭВСЭГТ ХҮЧНИЙГ БИЕ БҮРЭЛДЭХҮҮНЭЭР НӨХӨН ХАНГАХАД ШААРДАГДАХ МЭДЭЭЛЛИЙГ БҮРДҮҮЛЭХ; 


    Цэргийн албанд байх насны хязгаар:
          - Ахлах офицер – 60 нас /хошууч, дэд хурандаа, хурандаа/
          - Дунд офицер - 55 нас /дэслэгч, ахлах дэслэгч, ахмад/
          - Эмэгтэй офицер, ахлагч болон байлдагч, түрүүч - 50 нас
    Цэргийн бэлтгэл үүрэгтэн
-    I зэргийн бэлтгэл үүрэгтэн  /цэргийн алба хаасан/ -  18-50 нас
-    II зэргийн бэлтгэл үүрэгтэн  /цэргийн алба хаагаагүй/ - 18-50нас
    Бүрдүүлэх бичиг баримт
    - Иргэний үнэмлэх
    - Бэлтгэл офицерийн үнэмлэх
    - Бэлтгэл ахлагчийн үнэмлэх
    - Цэргийн үүрэгтний үнэмлэх
    - Ажлын газрын үнэмлэх

    Цэргийн шинэчилсэн тоо бүртгэлд ам бүл, оршин суугаа гэрийн хаяг, цэргийн анги байгууллагад алба хаасан байдал, албан тушаал, цол, төгссөн сургууль, ажлын газрын хаягаа тодотгон бүртгүүлж, цэргийн үүрэгтний үнэмлэхэд шинэчилсэн тоо бүртгэлд хамрагдсан тухай тэмдэглэл хийнэ.
    18 нас хүрсэн иргэн:
•    Иргэний цахим үнэмлэх
•    3х4 хэмжээний цээж зураг – 3ш
•    Ажлын газрын үнэмлэх
•    Оюутан бол оюутныхоо үнэмлэхтэйгээ багийн Засаг даргын ажлын өрөөнд өөрийн биеэр очиж бүртгүүлэх бөгөөд /маягт ¹4/-ийг нээлгэн цэргийн үүрэгтний үнэмлэхэд тэмдэглэл хийнэ.


                                                     ИРГЭН, ЦЭРГИЙН ҮҮРЭГТНИЙ ХҮЛЭЭХ ҮҮРЭГ

    Бэлтгэл офицер,  Цэргийн I, II зэргийн үүрэгтэн болон цэрэгт бүртгэлтэй мэргэжил бүхий эмэгтэйчүүд жил бүр зарласан хугацаанд нутгийн захиргааны байгууллагад хүрэлцэн ирж бүртгүүлэх;

    Байнга буюу түр оршин суух хаяг, ажил, мэргэжил, албан тушаал өөрчлөгдөх, гадаадад 14 хоногоос дээш хугацаагаар явах, ирэх, цэргийн жинхэнэ албанаас халагдах, хүндээр өвчилсөн буюу хөдөлмөрийн чадвараа алдан тахир дутуугийн групт орсон, бэлтгэл албанд байх насны хязгаар өнгөрсөн тохиолдолд нутгийн захиргааны байгууллагад 7 хоногийн дотор мэдэгдэн шилжилт, хөдөлгөөнийг хийлгэх;

    Бүртгүүлэхдээ иргэний үнэмлэх, тооцооны хуудас бусад бичиг баримтыг авч очин зохих тэмдэглэл хийлгэнэ.

    Цэрэгт татагдах насны залуучуудаас байнга оршин суугаа газраасаа 2 сараас дээш хугацаагаар өөр аймаг, хот, сум, дүүрэг рүү шилжин явбал нэрсийн жагсаалт, анкетад хаашаа шилжсэн тухай тэмдэглэл хийлгэж очсон газрынхаа Цэргийн штабт бүртгүүлнэ.


Иргэн та иргэний болон цэргийн үүргээ ухамсарлан шинэчилсэн тоо бүртгэлдээ бүрэн хамрагдана уу.

 


ОРХОН АЙМГИЙН ЗДТГ-ЫН ЦЭРГИЙН ШТАБ

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-06-16 2759
“ОЮУТАН ЦЭРЭГ”-ИЙН ЦЭРГИЙН МЭРГЭЖЛИЙН БЭЛТГЭЛ ШАТНЫ СУРГАЛТ ЭХЭЛЛЭЭ

“Оюутан цэрэг”-т цэргийн мэргэжил олгох сургалтын Цэргийн ерөнхий бэлтгэл шатны сургалт (2 багц цаг буюу ...

2014-03-24 2920
“Эрдэнэт хаан сүү” ХХК-ийн үйл ажиллагаатай танилцав

“Эрдэнэт хаан сүү” ХХК-ийн үйл ажиллагаатай АЗДТГ-ын дарга В.Сумъяасүх, Хөгжлийн бодлогын ...

2014-01-30 1019
МЭНДЧИЛГЭЭ АЙМГИЙН ИТХ-ЫН ДАРГА Б.МЯГМАРСҮРЭН.

Нийт Орхончууд та бүхнийхээ түмэн амгаланг айлтгаж, 17 дугаар жарны “тийн ялгуусан” хэмээх ...

Сурталчилгаа

 

 

Веб статистик

Таны IP хаяг: 3.80.4.76
2017-11-30-ний өдрөөс хойш.
  • 13 Онлайн
  • 855 Өнөөдөр
  • 1498 Өчигдөр
  • 10480 Долоо хоногт
  • 29863 Сүүлийн сард
  • 1766248 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  725

Facebook

Цаг агаар