Хүүхдүүд 15-22.00 цагийн хооронд телевиз их үздэг байна

    Хүүхдийн эрх, хамгааллын талаар хэвлэл мэдээллийн хэрэгслүүд хэрхэн мэдээлж, нийтэлж буйд хийсэн мониторингийн дүнг Хэвлэлийн Хүрээлэн, НҮБ-ын Хүүхдийн сан, Хүүхдийн төлөө газраас танилцууллаа.

   Энэхүү судалгааг 2000 онд НҮБ-ын Хүүхдийн сангаас боловсруулсан аргачлалын дагуу явуулсан байна. Өмнө нь 2010, 2011 онуудад хийж байсан бөгөөд таван телевиз, гурван сонин, нэг сайтыг судалгаандаа хамруулжээ.

Судалгаа үндсэн гурван хэсгээс бүрдэж байгаа аж. Үүнд:

    1. Хэвлэл мэдээллийн хэрэгсэлд хүүхдийн асуудал ямар хэмжээгээр, хэрхэн тусгаж байна вэ,
    2. Хэвлэл мэдээлэлд хүүхдийн оролцоо,
    3. Эрсдэлтэй мэдээллээс хэрхэн хамгаалж байна вэ гэсэн хэсгүүд багтаж байна.

   Судалгаанд телевизийн 481, сонины 934, вебийн 76 нэгж мэдээллийг ашиглажээ. Ингэхдээ хүүхдийн хамгийн их телевиз үздэг цаг болох 15.00-22.00 цагийн мэдээллүүдийг хянажээ.
     Телевизээр цацагдаж буй хүүхэдтэй холбоотой зарим мэдээлэл хүүхдийн ёс суртахуун, амьдрах хэв маягт хор хөнөөлтэй байж болохуйц байна
     Өмнөх жилүүдийн судалгаатай харьцуулахад телевизэд хүүхдийн асуудлыг тусгасан байдал 23.7 хувь буюу өссөн, сонинд 4 хувь буюу буурсан үзүүлэлттэй байгааг Хэвлэлийн хүрээлэнгийн судалгааны ахлах ажилтан Н.Ганчимэг хэлсэн юм.
Телевизүүдээс “Боловсрол суваг” телевиз, сониноос “Зууны мэдээ” хүүхдийн асуудлаар илүүтэй дуугарч, асуудал хөндөж байна.
    Харин сонин хүүхдийн эрүүл мэндийг асуудлыг, хүүхдийн хөгжилтэй холбоотой мэдээлэл телевиз, урлаг, спорт, сурлагын амжилтыг веб сайт түлхүү мэдээлдэг аж.
     Сонинд хүүхдэд чиглэсэн мэдээллийн 52 хувь нь эерэг, 26 хувь нь сөрөг, телевизэд 70 хувь нь эерэг, есөн хувь нь сөрөг хандлагатай байна. Эрсдэлд орсон хүүхдийн тухай мэдээлэхдээ сэтгүүлч мэргэжлийн болон ёс зүйн алдаа гаргасан тохиолдол бүртгэгдээгүй нь сайшаалтай байгааг тэрээр онцолсон. Гэвч телевизээр цацагдаж буй хүүхэдтэй холбоотой зарим мэдээлэл хүүхдийн ёс суртахуун, амьдрах хэв маягт хор хөнөөлтэй байж болохуйц байгаа аж.
   Мониторингийн дүнгээс үзэхэд, бүх насны хүүхдүүдийн оролцох бололцоог хангасан эрүүл ахуй, ахуй амьдралын тухай, хүүхдийн хүмүүжил, гэр бүлийн талаар сургалт танин мэдэхүйн чиглэлийн нийтлэл нэвтрүүлгийн тоог нэмэгдүүлэх, нийтлэлийн бодлогоо баяжуулах хэрэгтэй байгааг мэргэжилтнүүд онцоллоо. Мөн энэ чиглэлээр мэргэшсэн сэтгүүлчдийг бэлтгэх шаардлагатай байна гэж үзлээ.

 

Сэтгүүлч: Р.Адъяасүрэн

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-06-17 1016
Хүүхэд гэр бүлийн хөгжлийн хэлтсийн дарга Т.Хонгорзул "70353511 төв"-д ажиллалаа

Хүүхэд гэр бүлийн хөгжлийн хэлтсийн дарга Т.Хонгорзул 2014.06.16-ны өдөр 18:00-19:30 цагийн хооронд ...

2014-09-01 1051
ИРГЭДИЙН САНАЛ ХҮСЭЛТИЙГ ХҮЛЭЭН АВАХ 70353511 ТӨВИЙН 14 ХОНОГИЙН МЭДЭЭЛЭЛ

ИРГЭДИЙН САНАЛ ХҮСЭЛТИЙГ ХҮЛЭЭН АВАХ 70353511 ТӨВИЙН 14 ХОНОГИЙН МЭДЭЭЛЭЛ

2016-03-14 1612
“Масленица” буюу Шар тосны баяр өргөн дэлгэр боллоо

Тус баярыг Орхон аймгийн засаг даргын тамгын газар, ОХУ-ын Эрдэнэт хот дахь консулын газар, Эрдэнэт үйлдвэр ...

Цахим төрийн үйлчилгээ


Сурталчилгаа

 

 

 

 

Веб статистик

Таны IP хаяг: 34.234.207.100
2017-11-30-ний өдрөөс хойш.
  • 16 Онлайн
  • 634 Өнөөдөр
  • 3026 Өчигдөр
  • 13096 Долоо хоногт
  • 94688 Сүүлийн сард
  • 2845586 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  790

Facebook

Цаг агаар