Хөгжлийн бодлогын хэлтсийн долоо хоногийн мэдээ /2014.02.02-06/

Үйлдвэр, хөдөө аж ахуй чиглэлээр:

           Аймгийн хэмжээнд үйл ажиллагаа явуулж буй гурилын үйлдвэрүүдийн буудайн агуулах болон үлдэгдэл буудайн хэмжээ, үйлдвэртээ худалдан авсан улаанбуудайн хэмжээ, төлсөн дүн, худалдан авалтын төлөх үлдэгдлийн үнийн дүн зэргийг үйлдвэр тус бүрээр гарган ХХААЯ-д хүргүүлэв.
         ЗГ-ын 394 дүгээр тогтоолын дагуу Орхон аймгийн хэмжээнд үндэсний үйлдвэрт арьс шир тушаасан малчин мал бүхий иргэдийн сүүлийн хагас жилийн тайланг ХХААЯ-ны Мал хамгаалах санд нэгтгэн гаргаж хүргүүлэв. Баян-Өндөр, Жаргалант сумын 213 өрхийн 686 анхан шатны баримт, нийт 9695 ширхэг арьс, шир үндэсний үйлдвэрт тушааснаас Хонины арьс-4827, Ямааны арьс- 3959, Үхрийн шир- 757, Адууны шир- 152 ширхэг арьс, ширийг тус тус тушаасан болно.
          Аймгийн Засаг даргын 2010 оны 05 дугаар сарын 07-ны өдрийн 185 дугаар захирамжаар “Аймгийн сайн малчин шалгаруулах журам”, “Аймгийн тэргүүний фермер шалгаруулах журам”, “Аймгийн тэргүүний тариаланч хамт олон, аймгийн Тэргүүний тариаланч шалгаруулах журам”-ыг тус тус баталсан. Энэхүү журмуудын дагуу жил бүр хүнс, хөдөө аж ахуйн салбарт амжилт гаргасан салбарын аж ахуйн нэгж, хамт олон, иргэнийг шалгаруулж урамшуулал олгодог билээ.    2014 оны ажлын амжилт, үр дүнгээр  холбогдох журмын болзол шаардлагыг хангаж шалгарсан аж ахуйн нэгж, иргэд:
    Аймгийн “Сайн малчин”-аар:
-    Жаргалант сумын Малчин багийн малчин Г. Нямгэрэл,
-    Жаргалант сумын Малчин багийн малчин Ж.Цэвэгжав,
-    Жаргалант сумын Дулаан-Уул багийн малчин Х. Эрдэнэболд,
-    Баян-Өндөр сумын Баянбулаг багийн малчин Б.Даваасүрэн нарыг,
    “Тэргүүний фермер”-ээр:
-    Улаантолгой багийн иргэн Э.Энхтүвшинг
“Тэргүүний тариаланч хамт олон”-оор:
-    Л.Отгонбат захиралтай “Орхон тариа” ХХК,
-    Д.Батболд захиралтай “Талын нуур” ХХК
“Тэргүүний тариаланч”-аар:
-    Жаргалант сумын өрхийн тариаланч Д.Пүрэвдорж,
-    Баян-Өндөр сумын Оюут багийн өрхийн тариаланч Б.Оюун
-    Жаргалант сумын Трактор, комбайнч Д.Ёндонжамц нар тус, тус шалгарлаа.
         “Монгол мал” үндэсний хөтөлбөр, аймгийн эдийн засаг нийгмийг 2015 онд хөгжүүлэх үндсэн чиглэлд мал сүргийг өвөлжүүлж, хаваржуулах, малчдад төрийн үйлчилгээг үзүүлэх талаар дэвшүүлсэн зорилтын хүрээнд 2,3,4 сард хөдөө ажиллах ажлын удирдамж, ажлын хэсгийн бүрэлдэхүүн, шатахууны зардлын тооцоог гарган аймгийн ХБХ-т хүргүүлэв.
        Худаг уст цэгийн 2014 оны жилийн эцсийн тайланг ХХААЯ-ны МААБХЗГ-т маягтын дагуу гаргуулан хүргүүлэв.
        МЭАЦ-ийн төлөвлөгөөт шинжилгээнд  энэ 7 хоногт 35 иргэн, 4 ААН-ийн нийт 39 дээжинд хүнсний микробиологийн болон чанарын стандарт шинжилгээг хийж гүйцэтгэлээ.Шинжилгээгээр хүнсэнд тохирохгүй 1 дээж гарсныг МХГ-т хүргүүлж холбогдох арга хэмжээг авч ажиллаа.
       Жаргалант сумын “Малчин” багийн малчин М.Батдагны хотонд үхрийн Хорт салст халуурал өвчин гарсантай холбогдуулан сумын засаг даргын 2015 оны 01 дүгээр сарын 24 ны өдрийн  А/09 тоот захирамжийн дагуу 21 хоногийн хугацаатай хяналтын цэг байгуулан 3-р ээлжийн 15 албан хаагч хяналтын цэгт ажиллаж, өдөр тутам  хөдөлгөөнт эргүүл ажиллаж байна.
Байгаль орчны чиглэлээр:
1. Байгаль орчин, ногоон хөгжил,  аялал жуулчлалын салбарын удирдах ажилтны зөвлөгөөн 02 дугаар сарын 04-05-ны өдөр Улаанбаатар хотод зохион байгуулагдаж холбогдох мэргэжилтэн төлөөлөгчөөр оролцлоо.
2. БОНХАЖЯ-аас Улаанбаатар хотод зохион байгуулсан “Хог хаягдлын менежментийг боловсронгуй болгох чадавхыг бэхжүүлэх, олон нийтийн оролцоог дэмжих”  сэдэвт сургалт, семинарт холбогдох мэргэжилтэнг  хамрууллаа.
3. Баян-Өндөр сумын Хүрэн булгийн рашаан, Бурхан багшийн сэрэг дүр, Жаргалант сумын Өндгөн чулуу, Айргийн гозгорын Хүннүгийн дурсгал, Зэрэглээ зэрэг газруудыг аялал жуулчлалын зориулалтаар Google street view программд оруулах  саналыг БОНХАЖЯ-д хүргүүллээ.
4. БОНХ-ийн сайд/хуучин нэрээр/-ын 2014 оны А-382 дугаар тушаалын дагуу 2015 онд ойгоос бэлтгэх модны хэмжээг аймгийн ИТХ-ын Тэргүүлэгчдээр хэлэлцүүлж, батлууллаа.



 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-08-17 1178
ХОТ ТОХИЖУУЛАХ ГАЗРЫН ХИЙЖ ГҮЙЦЭТГЭСЭН АЖЛЫН 7 ХОНОГИЙН МЭДЭЭ

ХОТ ТОХИЖУУЛАХ ГАЗРЫН ХИЙЖ ГҮЙЦЭТГЭСЭН АЖЛЫН 7 ХОНОГИЙН МЭДЭЭ 2014 оны 08 сарын 09 өдрөөс 15-ний өдөр ...

2014-05-26 944
“Хөдөлгөөн-эрүүл мэнд- урт наслалт” сэдэвт биеийн тамир, чийрэгжүүлэлтийн нэгдсэн арга хэмжээ

“Хөдөлгөөн-эрүүл мэнд- урт наслалт” сэдэвт биеийн тамир, чийрэгжүүлэлтийн нэгдсэн арга ...

2014-09-02 998
Боловсролын газрын дарга О.Ариунгэрэлт "Иргэдийн санал хүсэлт хүлээн авах 70353511 төв"-д ажиллалаа

Боловсролын газрын дарга О.Ариунгэрэлт 2014.09.01-ний өдрийн 18:00-19:30 цагийн хооронд "Иргэдийн ...

Сурталчилгаа

 

 

 

Веб статистик

Таны IP хаяг: 34.204.183.113
2017-11-30-ний өдрөөс хойш.
  • 21 Онлайн
  • 339 Өнөөдөр
  • 1898 Өчигдөр
  • 2237 Долоо хоногт
  • 48656 Сүүлийн сард
  • 2046198 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар