Орхон аймгийн Номын төвийн шинэ номын жагсаалт

    1. Инженерийн лавлах-1
    Ангилал: 22.14
    И-622

    Редактор: Д.Бадарч
    Хот: Улаанбаатар
    Хэвлэлийн газар: ШУТИС-Хэвлэлийн газар
    Он: 2002
    Хуудас: 396
Товч агуулга: Инженерийн лавлах-1 нь алгеб, тригонометр, шугаман алгебр, вектор, аналитик геометр, дифференциал тоолол, интеграл тоолол, дифференциал тэгшитгэл, магадлалын онол, математик статистик, динамик, хэлбэлзэгч системүүд болон цахилгаан статик ба цахилгаан соронзон, атомын физик, органик бус хими, органик хими, гидравлик зэргийг багтаасан бөгөөд их сургуулийн оюутан, зураг төсөл, зохион бүтээх чиглэлд ажиллаж байгаа инженерүүд болон оюутан сурагчдын бие даалтын ажилд хэрэглэгдэх боломжтойгоор зохиогдсон байна.

    2. Инженерийн лавлах-2
    Ангилал: 22.14
    И-622

    Редактор: С.Батмөнх
    Хот: Улаанбаатар
    Хэвлэлийн газар: ШУТИС-Хэвлэлийн газар
    Он: 2003
    Хуудас: 394

Товч агуулга:  Иженерийн лавлах-2 боть нь дулааны эрчим хүчний салбарын инженерүүд, энэ чиглэлээр ажиллаж байгаа мэргэжилтнүүдэд болон их сургуулийн оюутан, суралцагсадын бие даалтын ажилд хэрэглэгдэх боломжтой бөгөөд эрчим хүчний нөөц, дулааны эрчим хүч, хийн динамик, дулаан солилцооны үндсүүд, уурын хүчний циклүүд, түлш ба шаталтын процесс, уурын турбины төхөөрөмж, дулааны цахилгаан станц ба дулааны цахилгаан станцын ус бэлтгэл ба усны горим, дулаан хангамжийн систем, дулаан солилцооны аппарат, хатаах төхөөрөмж, хөргөлтийн төхөөрөмж зэргийг багтаасан байна.

    3. Дэлхий судлал
    Ангилал: 26
    Б-342

    Зохиолч:  Е.Батчулуун
    Редактор: Ш.Шагдар, Ш.Цэгмид
    Хот: Улаанбаатар
    Хэвлэлийн газар: Мөнхийн үсэг ХХК
    Он: 2013
    Хуудас: 386
ISBN:978-99962-1-702-9
Товч агуулга: Газарзүйн ухааны доктор Е.Батчулууны туурвисан "Дэлхий судлал" гэсэн энэ ном байгаль, газарзүйн орчинг судлах хүмүүсийн мэдвэл зохих суурь мэдлэг буюу Дэлхийн бөмбөрцөгийн байгаль орчны бүтэц бүрэлдэхүүн түүний төлөв байдал, уялдаа холбоо, тархалт, гарал үүслийн талаархи мэдлэгт зориулсан чухал бүтээл юм. Зохиогч маань олон жилийн турш бидний баримталж ирсэн Оросын газарзүйн шинжлэх ухааны үзэл баримтлалыг Европ, Америкийн эрдэмтдийн баримтлалтай хослуулж чадсан нь бүтээлийн агуулга, шинжлэх ухаанлаг чанарыг өндөр болгосон байна. Сурах бичгийн үндсэн агуулга нь багш бэлтгэх дээд сургуулиудад баримталж ирсэн хөтөлбөрт үндэслэсэн боловч ерөнхий геологи, геоморфологи, хөрсний газарзүй, цаг уур, уур амьсгал судлал, биогазарзүй болон ахлах курст мэргэжлийн сонгон суралцах хичээл байдлаар судалдаг одон орон зэрэг хичээлийн агуулгыг аль болох дэлгэрүүлэн тусгахыг зорьсон байна.

      4. Инженерийн лавлах-5
      Ангилал: 33.16
      И-622

      Редактор: С.Цэдэндорж
      Хот: Улаанбаатар
      Хэвлэлийн газар: Арвайбархан ХХК
      Он: 2014
      Хуудас: 713   
      ISBN: 978-99973-969-1-4
Товч агуулга: Инженерийн лавлах-5 боть нь ил уурхайн үндсэн ойлголт, нэр томъёо, тодорхойлолт, чулуулгийн шинж чанар, ил уурхайн үндсэн хэмжээсүүд, ил уурхайн талбайн нээлт, ашигт малтмалын ордын ил ашиглалтын систем, өрөмдлөг, тэсэлгээ, экскавацлалт, тээвэр, ил уурхай доторх чулуулаг бутлах ажиллагаа, ордын ил ашиглалтын технологийн схем, ил уурхайн цахилгаан хангамж болон уул уурхайн үйлдвэрлэл ба хэрэглээний экологи, байгаль хамгаалал нөхөн сэргээлт, газрын хэвлийн геометр ба ил уурхайн маркшейдерийн ажил, тасралтгүй ажиллагаатай иж бүрдэл бүхий ил уурхайн үйлдвэрлэл ба техникийн талаар өгүүлсээн байна.

      5. Хүнд машин механизмын технологи
      Ангилал: 34.42
      Т-384

      Зохиолч: Д.Түмэннасан
      Редактор: Б.Болорцэцэг
      Он: 2014   
      Хот: Улаанбаатар
      Хэвлэлийн газар: Монном ХГ
      Хуудас: 276
    ISBN:99962-1-384-7.
Товч агуулга: Мэргэжлийн боловсрол, сургалтын асуудал эрхэлсэн Засгийн газрын хэрэгжүүлэгч агентлагаас олон улсын мэргэжлийн боловсролын стандартад нийцсэн мэргэжлийн боловсролын хөтөлбөр, төлөвлөгөөтэй болгох зорилтын хүрээнд уул уурхайн хүнд машин механизмын засварчин, оператор (экскаватор, бульдозер, хүнд даацын авто самосвал)-ийн мэргэжлийн сургалтын стандартыг боловсруулан гаргасан ба энэ стандарттай нийцүүлэн энэхүү сургалтын гарын авлагыг гаргасан байна. Гарын авлагад машины үндсэн эд анги болох ерөнхий хэсэг, хөдөлгүүр, түлшний систем, шингэнт систем, хүчний дамжуурга буюу хурдны хайрцаг, дифференциал-захын дамжуулагч гэсэн 6 бүлэг болгон бүтэц зохион байгуулалт, ажиллагааны зарчмыг аль болох энгийн үгээр өнгөт зургаар харуулан, ашиглалт, засвар үйлчилгээ, эдэлгээг уртасгах арга замыг АНУ-ын Катерфилларын машинуудын жишээн дээр тайлбарлан өргөн хэрэглэгддэг техникийн нэр томъёог монгол-орос-англи толь болгон хавсаргасан байна.

      6. Гал тогооны ном: Гал тогооны бүрэн гарын авлага
      Ангилал: 36.99-5   
      Г-92   

     Зохиогч: Х.Грюнер, Р.Мету, М.Хүммел
     Орчуулагч: Г.Алтансувд ба бус...
     Он: 2014
     Хот: Улаанбаатар   
     Хэвлэлийн газар: “АДМОН” ХГ
     Хуудас: 711   
     ISBN:978-99973-1-078-1.
Товч агуулга: Энэ ном бол уншигч таны хоолны тухай ойлголтыг тэлж наад зах нь хоолны орц, жор хэрэглэхдээ түүнд орох олон төрлийн түүхий эд, хүнсний бүтээгдэхүүний талаар зөв мэдлэгтэй болохоос гадна хоол хийх технологийг ч бас ойлгож өөрийн болгож эзэмших явдалд тус дэм болох юм. Хоол хүнсний нэр томъёог манайхан олон янзаар ярьж бичдэг тул номын хавсралт хэсэгт хэд хэдэн хэл дээрх оноох үгийг хамт хавсаргасан байна.

      7. Барилгын засал чимэглэлийн технологи
      Ангилал: 38.3
      Н-294

      Зохиолч:  Ц.Нансалмаа, Г.Дэлгэрсайхан, Т.Барийсүрэн
      Хот: Улаанбаатар
      Хэвлэлийн газар: Номт ХГ
      Он: 2014
      Хуудас: 294
      ISBN:978-99962-1-384-6.
Товч агуулга: Монгол улсын засгийн газраас мэргэжлийн боловсролыг дэмжих, юуны өмнө мэргэжилтэй ажилтан бэлтгэхэд онцгой анхаарч, мэргэжлийн сургалт-үйлдвэрлэлийн төвүүдийг материаллаг бааз, багшлах боловсон хүчнээр бэхжүүлэх, суралцагсдад сурах таатай орчин, нөхцлийг бүрдүүлэхэд анхаарч байна. Үүний нэг жишээ нь орчин үеийн хэрэгцээ, шаардлагад нийцсэн сурах бичиг, гарын авлага, сургалтын хэрэглэгдэхүүнийг анх удаа мэргэжлийн сургуулиудын туршлагатай багш нарын багаар сурах бичигт тавигдах шаардлагын дагуу бэлтгэж байгаа явдал юм. Уг сурах бичгийг мэргэжлийн боловсрол сургалтын стандарт, засал чимэглэлийн хичээлийн хөтөлбөрт нийцүүлэн хамгийн сүүлийн үед гарсан ном, хэвлэл, интернэтийн болон бусад материал мэдээллийг ашиглан зохиосноороо онцлогтой ба хөдөлмөр хамгаалал, мэргэжлийн технологи, эрүүл ахуйн гоо зүй зэрэг холбогдох сэдвүүдийг өргөн хамруулснаараа практик ач холбогдолтой болжээ.

     8. Мод хатаах арга, технологи
     Ангилал: 38.55
     А-966

     Зохиолч:  Ж.Аюурсэд, А.Тунгалаг
     Редактор: С.Батмөнх
     Хот: Улаанбаатар
     Хэвлэлийн газар: Линограф ХХК
     Он: 2014
     Хуудас: 110
     ISBN:978-99973-46-858.
Товч агуулга: Гарын авлагад одоо хэрэглэгдэж байгаа мод хатаах бүх аргууд болон хатаах тоног төхөөрөмжүүдийг тусгаж өгсөн ба хэрэглэгчийн эрэлт хүсэлтээс шалтгаалан зүсмэл материалыг хамгийн зохистой хатаах арга болон горимыг сонгон авах практик зөвлөмжүүдийг тусгаж, уламжлалт камеруудад зүсмэл материалыг хатаах технологийн тухай оруулсан байна. Тус гарын авлагыг оюутнуудаас гадна, мод хатаалгын мэргэжилтнүүд болон бусад сонирхогчид ашиглаж болно.

     9.Суурь мэдлэг: Монгол анагаах ухааны сонгомол цуврал бичиг
     Ангилал: 51.1
     М-692

     Орчуулагч: Г.Гомбожамц
     Редактор: С. пүрэв
     Он: 2012
     Хот: Улаанбаатар
     Хэвлэлийн газар: “Соёмбо принтинг” ХГ
     ISBN:978-99962-0-033-3.
Товч агуулга: Энэхүү номонд монголын уламжлалт арга бэлэг, эрүүл биеийн зүй, анагаах зарчим ба анагаах арга, тусгай анагаах зарчимын талаар өгүүлсэн байна.

     10. Хөдөлмөрийн эрүүл ахуй
     Ангилал: 51.24
     Н-294

     Зохиолч: Д.Нарансүх, Л.Оюунтогос
     Редактор: Ц.Тажаа, Ц.Цэвэгдорж
     Хот: Улаанбаатар
     Хэвлэлийн газар: “Мөнхийн үсэг” ХГ
     Он: 2014
     Хуудас: 281
     ISBN: 978-99973-2-286-9.
Товч агуулга: Хүн амьдралынхаа 1/3-ыг ажлын байран дээрээ өнгөрүүлдэг учраас аливаа хүний эрхэлж буй ажил хөдөлмөр, түүний орчин нөхцөл амьдралын чанар, дундаж наслалтанд маш чухал үүрэг гүйцэтгэдэг. Тиймээс энэхүү гарын авлага нь та бүхнийг ажлын байрны аюултай хүчин зүйлс ялангуяа хими, физик, биологийн болон эргономикийн хүчин зүйлсээс эрүүл мэндэд үзүүлэх аюулыг таньж илрүүлэх, аюул, эрсдлийн хэмжээг тогтоох, эдгээр аюул, эрсдлийг багасгах, бүрмөсөн зайлуулах, арилгах, боломжгүй тохиолдолд түүнээс сэргийлэх арга хэмжээг авч хэрэгжүүлэх, аюул эрсдлийн талаар ажиллагсад, ажил олгогчид, тэдний гэр бүлийнхэн болон олон нийтэд зөв мэдээлэл өгөх, эрсдлийн менежментийн үр дүнг үнэлж бодлого шийдвэр гаргагч нарт тус болохуйц мэдээллээр хангах, зөв сонголт хйихэд нь туслах зэрэг олон чухал үүргийг гүйцэтгэхэд тань тус дэм болно хэмээн найдаж байна

     11. Эмийн жор: Монгол анагаах ухааны сонгомол цуврал бичиг
     Ангилал: 52.81я2
     М-692

     Орчуулагч: Г.Гомбожамц
     Редактор: Л.Хүрэлбаатар
     Хот: Улаанбаатар
     Хэвлэлийн газар: “Соёмбо принтинг” ХГ
     Он: 2012
     Хуудас: 123
     ISBN: 978-99962-2-034-0.
Товч агуулга: Энэхүү номонд монгол эмийн найруулгын хэлбэр ба найруулах тухай, шар өвчнийг анагаах жор, хурах өвчнийг анагаах жор гээд үргэлж хэрэглэх жоруудын талаар өгүүлсэн байна.

     12. Уламжлалт засал: Монгол анагаах ухааны сонгомол цуврал бичиг
     Ангилал: 53.54
     М-692

     Орчуулагч: Г.Гомбожамц
     Редактор: Л.Хүрэлбаатар
     Хот: Улаанбаатар
     Хэвлэлийн газар: “Соёмбо принтинг” ХГ
     Он: 2012
     Хуудас: 114
    ISBN: 978-99962-2-036-4.
Товч агуулга: Энэхүү номонд ханах засал, төөнөх засал, зүүлэх засал, эмт рашаан, илж нухалах засал, арьслах ба сэвслэх засал, жин тавих засал, бариа засал болон таван үйлийн талаарх мэдээллүүдийг багтаасан байна.

      13. Дотор өвчин: Монгол анагаах ухааны сонгомол цуврал бичиг
      Ангилал: 54.1
      М-692

      Орчуулагч: Г.Гомбожамц
      Редактор: д.пүрэвсүрэн
      Хот: Улаанбаатар
      Хэвлэлийн газар: “Соёмбо принтинг” ХГ
      Он: 2012
      Хуудас: 186
      ISBN: 978-99962-2-037-1.
Товч агуулга: Энэхүү номонд үндсэн өвчин гэж юу болох түүнийг хэрхэн анагаах, архаг өвнийг анагаах, судлын өвчнийг анагаах, мэдрэлийн өвчнийг анагаах, цул савын өвчнийг анагаах, савны өвчнийг анагаах, хорын өвчнийг анагаах, бусад өвчнийг анагаах, өтөлснийг дэгжээх талаар өгүүлсэн байна.

     14. Яс барих: Монгол анагаах ухааны сонгомол цуврал бичиг
     Ангилал: 54.18
     М-692

     Орчуулагч: Г.Гомбожамц
     Редактор: д.пүрэвсүрэн
     Хот: Улаанбаатар
     Хэвлэлийн газар: “Соёмбо принтинг” ХГ
     Он: 2012
     Хуудас: 170
     ISBN: 978-99962-2-035-7.
Товч агуулга: Энэхүү номонд шархны судлал, дээд мөчийн бэртэнг, гол биеийн бэртэнг, доод мөчийн бэртэнг, мултралт, дээд мөчийн үеийн мултрал, гол биеийн үеийн мултрал, доод мөчийн үесийн мултрал, зөөлөн нэхдэсийн гэмтэл, гол биеийн зөөлөн нэхдэсийн гэмтэл, дээд мөчийн нэхдэсийн гэмтэл, доод мөчийн зөөлөн нэхдэсийн гэмтэл, мэдрэлийн судасын гэмтэлүүдийн талаар өгүүлсэн байна.

     15. Халуун өвчин: Монгол анагаах ухааны сонгомол цуврал бичиг
     Ангилал: 55.14
     М-692

     Орчуулагч: Г.Гомбожамц
     Редактор: Т.Эрхэмбаатар
     Хот: Улаанбаатар
     Хэвлэлийн газар: “Соёмбо принтинг” ХГ
     Он: 2012
     Хуудас: 122
     ISBN: 978-99962-2-039-5.
Товч агуулга: Энэхүү номонд халуун өвчний ерөнхий ойлголт, халуун өвчний ангилал, халдварт өвчний талаар болон, халдварт өвчний ангилалуудын талаар өгүүлсэн байна.

     16. Гадар өвчин: Монгол анагаах ухааны сонгомол цуврал бичиг
     Ангилал: 55.146
     М-692

     Орчуулагч: Г.Гомбожамц
     Редактор: Л.Хүрэлбаатар
     Хот: Улаанбаатар
     Хэвлэлийн газар: “Соёмбо принтинг” ХГ
     Он: 2012
     Хуудас: 116
     ISBN: 978-99962-2-038-8.
Товч агуулга: Энэхүү номонд арьсны өвчнийг анагаах, шархны өвчнийг анагаах, хавдар ярыг анагаах, толгойн өвчин, нүдний өвчин, чихний өвчин болон хамрын өвчин, амны хөндийн өвчин гээд таван эрхтний өвчнийг анагаах талаар өгүүлсэн байна.


     17. Эмэгтэй ба хүүхдийн өвчин: Монгол анагаах ухааны сонгомол цуврал бичиг
     Ангилал: 57.33
     М-692

     Орчуулагч: Г.Гомбожамц
     Редактор: Т.Эрхэмбаатар
     Хот: Улаанбаатар
     Хэвлэлийн газар: “Соёмбо принтинг” ХГ
     Он: 2012
     Хуудас: 126
     ISBN: 978-99962-2-040-1.
Товч агуулга: Энэхүү номонд эмэгтэйн өвчин болох сарын хирийн өвчин, нас улируулах өвчин, жирэмсний зүрхэн өвчин, сүү дутах өвчин, цус бүрэлдсэн өвчин, дэлүүний цус бүрэлдсэн өвчин, бөөрний цус бүрэлдсэн өвчин, жирэмсний өвчин, гадар бэлэг эрхтэний өвчин, умайн өвчин мөн хүүхдийн өвчин болох дагшуур, хөхүүл ханиад, гэдэсний хатгалга, улаанууд, бөөрний өвчин, идэшний өвчин, сульдаа өвчин болон бусад зүйлсийн талаар өгүүлсэн байна.

     18.Гүрний их нийслэл Хаанбалгас
     Ангилал: 63.3/0-5/
     Г-21

     Зохиолч: Я.Ганбаатар, Г.Батсүх
     Он: 2014
     Хот: Улаанбаатар
     Хэвлэлийн газар: “АДМОН” ХГ
     Хуудас: 260
     ISBN:978-99973-0-256-4.
   Товч агуулга: Уг номонд Монголын түүх, соёлын асуудалд бараг хөндөгдөөгүй байсан сонирхолтой сэдвийг сонгон авч, түүхийн баялаг материал цуглуулан, сайтар нягтлан боловсруулж бичсэн байна. XIII зууны үед "Дорнын хосгүй үзэсгэлэнт их нийслэл" хэмээн гайхагдаж байсан Дайду-Хаанбалгас бол Монголын түүхэнд арилшгүй ул мөрөө үлдээсэн түүхэн дурсгалт газар билээ. Долоон зуун жилийн тэртээх тэрхүү их нийслэлийн дүр төрхийг өнөөгийн уншигч түмний ой тойнд буутал бодитойгоор дүрслэн үзүүлсэн энэ ном үндэстнийхээ түүх,соёлын өв уламжлалыг таниулахад үнэтэй хувь нэмэр оруулах болно.

     19. Оросын түүх
     Ангилал: 63.3/2/
     Ш-889

     Зохиолч:  Г.Штөкл
     Орчуулагч: Г.Дархан
     Редактор: А.Энхмаа
     Хот: Улаанбаатар
     Хэвлэлийн газар: Адмон ХГ
     Он: 2014
     Хуудас: 773
ISBN:978-99962-0-388-6.
Товч агуулга: Нэг үе оросын түүх бичлэгт тухайн үеийн цаг төр, засаглалын чиг хандлага, үзэл суртал хэт нөлөөлж байснаас үүх түүхээ үнэн бодит байдлаар илэрхийлэх нь ховор байж. Харин Г.Штөклий “Оросын түүх” бүтээлийг бичиж, 1962 онд хэвлүүлсэн нь тэр даруйдаа нийтэд хүрч, эрэлт нь ихсэн, улмаар долоон удаа дахин хэвлэгдсэн байна. Энэ бүтээл нь оросын эртний түүхээс эдүгээ хүртэлх газарзүй, төр улс, шашин шүтлэг, хөгжил дэвшил, бослого тэмцэл, аян дайн, алдар суутнууд гээд өргөн хүрээг хамарч, түүхийн маш нарийн судалгаа, олон жилийн хөдөлмөрийн үр дүнг шингээсэн юм. Мөн XVIII-XIX зуунд тариачин хүнд анги язгуураа сольж амьдрал ахуйгаа сайжруулах боломж байсныг бодитой өгүүлсэн нь оросын ард түмэнг хэн байгаад хэн болсоныг тодорхой харуулах юм. Тиймээс ч энэ ном өрнөдийн уншигчдаас Оросын түүх бичлэгийн хамгийн шилдэг загвар, чиг шугам мөн хэмээх үнэлэлтийг авсан байна. Өрнөдийн улс орныг байлдан дагуулсан энэ бүтээлийг эрхэм та уншин тольдсоноор орос орны ахуй амьдрал, зан заншил, соёл уламжлал зэргийг урьд урьдаас илүү үнэн бодитой танин мэдэж, ойлгож ухаарах болно.

     20. Барон Унгерны түүх: үнэнийг дахин сэргээсэн туршилт
     Ангилал: 63.3/2/6-8
     К-89

     Зохиогч: С.Л.Кузьмин
     Орчуулагч: Ч.Баасанжаргал
     Редактор: О.Батсайхан, А.Р. Ефименко
     Он: 2013
     Хот: Улаанбаатар
     Хэвлэлийн газар: “Мөнхийн үсэг” ХГ
     Хуудас: 801
ISBN: 978-99962-2-275-7.
Товч агуулга: Энэ номонд Гадаад Монголын автономит засгийг тогтоосон тухай, Барон Унгерны хүүхэд ахуй хийгээд залуу нас, түүний Орос-Японы болон Дэлхийн I дайнуудад оролцож явсан, мөн Азийн морьт дивизийг бүрдүүлэн зохион байгуулсан, Нармай монголын хөдөлгөөнийг өрнүүлж, Гадаад Монголыг хятадын булаан эзлэгчдээс чөлөөлсөн тухай, автономийг дахин тогтоосны дараах үеийн гадаад Монголын байдал, Азийн морьт дивизийн Сибирь рүү чиглэсэн довтолгоо, Монголд гарсан хувьсгал, иргэний дайны тухай, түүнчлэн Унгерныг мөрдөн байцааж, хэргийг нь шүүн таслаж, буудан хороосон талаар, Монголд байсан цагаантны бусад отрядын үйл ажиллагаа хийгээд Монголын сүүлчийн их хаан- VIII Богд гэгээний амьдрал, үйл ажиллагаа, Унгернтэй холбоотой домог яриа, энэ хүмүүний хувийн зан чанар, шашин шүтлэг ба нийгэм улс төрийн байр суурь, Японтой тогтоосон харилцаа болон геополитикийн үйл ажиллагааны үр дүн зэрэг олон зүйлсийн талаар дэлгэрэнгүй өгүүлэх болно. Энд өнөөдрийг хүртэл нийтлэгдэж байгаагүй баримт бичгүүд, дуртгалууд бас орсон байна.

     21. Еврейн хар хайрцагны нууц
     Ангилал: 63.3/5Изр/
     М-817   

     Зохиолч: Ж.Мөнхжаргал
     Он: 2014
     Хот: Улаанбаатар
     Хэвлэлийн газар: “Соёмбо” ХГ
     Хуудас: 193
Товч агуулга: "Еврейн хар хайрцагны нууц" ном нь еврей хүн, еврей үндэстэн, Израиль улс оршин тогтнож, еврейн соёл иргэншил хадгалагдан байгаагийн нууцыг агуулсан. Уг ном нь Еврей үндэстэн, Дэлхийд танигдсан еврейчүүд, Талмуд ба супер еврейчүүд, Еврейн хар хайрцагны нууц, Еврейн хар хайрцагны нууцын тайлал нь, Сайн модноос сайн үр жимс гардаг гэсэн 6 бүлгээс бүрдэнэ. Зохиогч еврейн хар хайрцагны нууц гэдэг ухагдахууныг улс төр судлалын үндэстний тухайлбал Монгол улсын төрийн хар хайрцагны нууц хэмээх ойлголттой адил хэмжээнд авч судалгаа хийсэн байна. Еврейн хар хайрцагны нууц бол Библи, Бурханы мэргэн ухааны хүч чадал, еврей хүний сэтгэлгээний философи, еврейн гэр бүл, еврейн боловсрол мөн гэжээ

     22. Монголын эх түүх 1 боть
     Ангилал: 63.3/5Мо/
     А-516

     Зохиолч: А.Амар
     Эмхэтгэгч: З.Лонжид, О.Батсайхан
     Он: 2014
     Хот: Улаанбаатар
     Хэвлэлийн газар: Соёмбо принтинг ХХК
     Хуудас: 348
     ISBN:978-99962-2-990-9.
Товч агуулга: Монголын эх түүх-1-т монголын уг гарал үүсэл ба анх түүхэнд тэмдэглэгдэх болсон үе, монголын сяньби улсын мандсан үе, монголын тоба хэмээх их юань улс мандсан үе, түрүг улс мандсан үе, уйгур улс мандсан үе, монголын хятан улсын мандсан үе, алтан улсын үе, бөртэ чиноос эхлэн чингис хүртэлх үе залгал болон чингис хааны үеийн талаар дэлгэрэнгүй өгүүлсэн байна.

     23. Монголын эх түүх - 2 боть
     Ангилал: 63.3/5Мо/
     И-973

     Зохиолч: Б.Ишдорж
     Эмхэтгэгч: З.Лонжид, О.Батсайхан
     Он: 2014
     Хот: Улаанбаатар
     Хэвлэлийн газар: Соёмбо принтинг ХХК
     Хуудас: 114
     ISBN:978-99962-2-991-6.
Товч агуулга: Монголын эх түүх-2т монгол улсын эдүгээ эзлэж буй орон нутаг ба түүнийг хэзээ ямар улс эзлэн суусны тухай, монгол улсын анх мандаж тулгур төрийг байгуулан дэлхий дахинаа алдаршсаны тухай, монгол улсын буурч, олон анги хэсэг тасарсан, бас хоорондоон уг найрамдлыг алдсаны тухай болон монголын улс төрийн мөхсөн ба эрэлхэг ид чадлаа умартсаны тухай, монгол, хятад хоёрын уг эвдэрч харилцан дайсан болсны тухай, монгол улсын түүхэнд орсон зарим хаад эзэд ба элдэв чухал явдал зүйл гарсны он сарыг дэс дараалан бичсэн товчоо зэргийг багтаасан байна.

     24. Монголын эх түүх - 3 боть
     Ангилал: 63.3/5Мо/
     Б-819

     Зохиолч: Б.Буянчуулган
     Эмхэтгэгч: З.Лонжид, О.Батсайхан
     Он: 2014
     Хот: Улаанбаатар
     Хэвлэлийн газар: Соёмбо принтинг ХХК
     Хуудас: 389
     ISBN:978-99962-2-992-3.
Товч агуулга: Монголын эх түүх-3т манж улсын уг эх, дайчин улсын байгуулалт, манжийн хууль, хятадын байгуулалтын тухай, дайчин улсын шүүх цааз, дотоод монголын байгуулалт, халх, өөлэдийн дотоод тэмцээн ба харилцан дайн байлдаан болж, халхын манж хаанд дагаар орсон, галдан бошогтын сөнөсөн тухай, монголын байгуулалт, монголын шашины тухай болон цэрэг, өртөө, харуул, худалдаа, монголын тариалан зэргийн талаар өгүүлсэн байна.

     25. Монголын эх түүх - 4 боть
     Ангилал: 63.3/5Мо/
     М-116

     Зохиолч: Н.Магсаржав
     Эмхэтгэгч: З.Лонжид, О.Батсайхан
     Он: 2014
     Хот: Улаанбаатар
     Хэвлэлийн газар: Соёмбо принтинг ХХК
     Хуудас: 598
     ISBN:978-99962-2-993-0.
Товч агуулга: Монголын эх түүх-4т гадаад монгол манж хятадаас салж тусгаар улс байгуулсан үүсгэл үе, гадаад дотоод монгол овогтон нийлж бүрэн эрхт монгол улс болон мандах шинжтэй байсан үе, монгол улсын засаг захиргааны байгуулалт анх ямар төлөвтэй явж байсныг тодорхойлон гаргасан нь, монгол автономит засгийг устгаж хятадын аньфу намын сюй-шу-жан газар орны эрхийг булаан авсан нь удал үгүй мөхсөн ба түүний үлдэгдэл цэргийн этгээд монголчуудыг дарлан зовоож байсан үе зэрэг монгол улсын шиэн түүхийг өгүүлсэн байна.

     26.Монголын эх түүх - 5 боть
     Ангилал: 63.3/5Мо/
     М-116

     Зохиолч: Л.Дэндэв
     Эмхэтгэгч: З.Лонжид, О.Батсайхан
     Он: 2014
     Хот: Улаанбаатар
     Хэвлэлийн газар: Соёмбо принтинг ХХК
     Хуудас: 231
     ISBN:978-99962-2-993-0.
Товч агуулга: Монголын эх түүх-5 т монголчууд манж хятадаас хэрхэн тусгаарласны тухай, монголын тусгаарласныг хятад, орос  гурван этгээдээр хэрхэн тогтоосны тухай, автономит гадаад монгол хятадад хэрхэн дагаар орсны тухай болон барон унгерны тусламжаар автономитыг дахин байгуулсны тухай дэлгэрэнгүй өгүүлсэн байна.

     27.Монголын эх түүх - 6 боть
     Ангилал: 63.3/5Мо/
     Ч-75

     Зохиолч: Х.Чойбалсан, Д.Лосол, Г.Дэгмид
     Эмхэтгэгч: З.Лонжид, О.Батсайхан
     Он: 2014
     Хот: Улаанбаатар
     Хэвлэлийн газар: Соёмбо принтинг ХХК
     Хуудас: 666
     ISBN:978-99962-2-995-4.
Товч агуулга: Монголын эх түүх-5 т  Х.Чойбалсан, Д.Лосол, Г.Дэгмид “Монгол ардын үндэсний хувьсгалын анх үүсэж байгуулагдсан товч түүх” зохиолын гар бичмэлээс кирилл үсэгт буулгасан эх, арван нэгдүгээр оны эрх чөлөөний хөдөлгөөн ба хувьсгалын анхдугаар үеийн байдал, Монгол ардын үндэсий хувьсгалын анх үүсэж байгуулагдсан товч түүх зэргийг багтаасан байна.

     28.Эдийн засгийн алуурчин: Хитмэний өчил
     Ангилал: 65.9/2/-98   
     П-26

     Зохиолч: Ж.Перкинс
     Орчуулагч: Г.Ундрал, А.Ганбаатар
     Редактор: Х.Маам
     Он: 2014
     Хот: Улаанбаатар
     Хэвлэлийн газар:”Соёмбо” ХГ
     Хуудас: 310
Товч агуулга: Эдийн засгийн хитмэнүүд бол дэлхийн янз бүрийн улс орноос тэрбум тэрбумаар нь доллар салгадаг, маш өндөр цалинтай нарийн мэргэжлийн хүмүүс юм. Тэд Дэлхийн банк, Америкийн Олон Улсын Хөгжлийн Агентлаг (USAID) болон гадаадын "тусламж"-ийн байгууллагуудаас асар их мөнгө гаргуулан, үүнийгээ том том корпорациудын дансанд, бүр тодруулан хэлбэл дэлхий дээрх байгалийн баялгийг эзэмшиж байдаг цөөхөн тоотой хэдхэн гэр бүлийн түрийвчинд оруулж байдаг. Тэдний арга барил нь хуурамч тайлан гаргах, сонгуулийн бульхай, авилгал, хүчирхийлэл, секс, аллага таллага үйлдэх явдал мөн. Энэ ном бол өмнө нь эдийн засгийн хитмэн байсан цөөхөн хүмүүсийн нэгний бичсэн өчил юм. Энэ ном танд ухаарал, шинэ сэргэг сэдэл, нэмэлт хүч өгч, ялангуяа өөрийгөө байтугай, эх орноо ч худалдахаас буцахгүй болсон шуналт этгээдүүдээс сэрэмжлэх, басхүү үнэнч чин сэтгэлтэй түшээдэд санамж болно гэдэг нь дамжиггүй

 

Холбоотой мэдээлэл

2014-10-14 7273
Санхүү төрийн сангийн хэлтсийн мэдээ /2014.10.01-14/

Орхон аймагт хийгдэж байгаа ажлын гүйцэтгэлийн мэдээ ОНХєгжлийн сангаас олгосон санхүүжилт Жаргалант ...

2014-04-10 9298
“Эрдэнэт-Үйлдвэр” ХХК –ний хэмжих хэрэгслийн ээлжит баталгаажуулалтын ажил хийгдлээ

Тус үйлдвэрийн Чанар хяналтын хэлтсийн хэмжил зүйн албаны инженер техникийн ажилтантай хамтран үйлдвэрийн ...

2020-11-13 3105
ЗӨВШӨӨРӨГДСӨНӨӨС БУСАД 116 БАЙГУУЛЛАГА ҮЙЛ АЖИЛЛАГАА ЯВУУЛАХГҮЙ

Өнөөдөр 10:30 цагт Аймгийн Иргэдийн Төлөөлөгчдийн Хурлын дарга Д.Мөнхбат болон Аймгийн Онцгой Комиссын ...

Цахим төрийн үйлчилгээ


Сурталчилгаа

 

 

 

“ЭРДЭНЭТ ХӨГЖИЛ 2021” ЭДИЙН ЗАСГИЙН ФОРУМ ЭХЭЛЛЭЭ

2021-10-19 10798

“НИЙТИЙН ТЭЭВРИЙН ПАРК ШИНЭЧЛЭЛТ”-ИЙН ТӨСӨЛ ТАНИЛЦУУЛАГДЛАА /Эдийн засгийн форум/

2021-10-19 9400

ЭДИЙН ЗАСГИЙН ФОРУМААС ГАРСАН ОНЦЛОХ ҮР ДҮНГҮҮДИЙГ ТАНИЛЦУУЛЖ БАЙНА

2021-10-20 7194

ЭДИЙН ЗАСГИЙН ФОРУМ ӨНДӨРЛӨЛӨӨ

2021-10-20 7185

ШАТАХУУН ТҮГЭЭГҮҮРИЙН КОМПАНИУДААС ШАТАХУУНЫ ХОМСТЛЫН ШАЛТГААНЫГ ТОДРУУЛЛАА

2021-10-22 738

БАРИЛГА ИНЖЕНЕРИЙН БАЙГУУЛАМЖИЙН АЖЛЫН ГҮЙЦЭТГЭЛИЙН ЯВЦ, ЧАНАРТ ХЯНАЛТ ТАВИХ АЖЛЫН ХЭСГИЙН ТӨЛӨӨЛЛИЙГ ХҮЛЭЭН АВЧ УУЛЗЛАА

2021-10-12 611

“ХОТЫН СОЁЛ- ХАМТЫН СОЁЛ” УРИАН ДОР ЗОХИОН БАЙГУУЛАГДАЖ БУЙ “СОЁЛЫГ ТҮГЭЭЕ” АЯНЫ НЭЭЛТ БОЛЛОО

2021-10-11 431

ДЭД БҮТЦИЙН АЖЛУУД УДААШРАЛТАЙ БАЙГАА ГАЗРУУДАД ХОЛБОГДОХ БАЙГУУЛЛАГУУД АЖИЛТНАА ЗОГСООЖ ХЯНАЛТ ТАВИУЛАХ ҮҮРЭГ ӨГӨВ

2021-10-11 328

ЗАСАГ ДАРГЫН ЗӨВЛӨЛИЙН XXI ХУРАЛДААН ХУРАЛДЛАА

2021-10-21 247

БАРИЛГЫН САЛБАРЫН ХӨРӨНГӨ ОРУУЛАЛТЫН АЖЛЫГ ГҮЙЦЭТГЭЖ БУЙ КОМПАНИУДТАЙ УУЛЗАЛТ ХИЙЛЭЭ

2021-10-17 196

Веб статистик

Таны IP хаяг: 34.236.191.104
2021-06-10-ний өдрөөс хойш.
  • 25 Онлайн
  • 2035 Өнөөдөр
  • 8038 Өчигдөр
  • 2035 Долоо хоногт
  • 95619 Сүүлийн сард
  • 6353595 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1024

Facebook

Цаг агаар