Санхүүгийн хяналт, аудитын албаны санхүүгийн хяналт шалгалтын ажлын тайлан 23-р цэцэрлэг

       Аймгийн Санхүү хяналт, аудитын албаны 2015 оны төлөвлөгөөний дагуу Орхон аймгийн Баян өндөр сумын ИХ залуу багт байрлах 23 дугаар Цэцэрлэгийн 2013-2014 оны санхүүгийн үйл ажиллагаанд  санхүүгийн хяналт шалгалтын улсын  байцаагч Д.Эрдэнэчимэг аймгийн Засаг даргын баталсан удирдамжийн хүрээнд баримтын шалгалт хийлээ.
        Тус цэцэрлэг нь боловсролын шинэ стандартыг хэрэгжүүлэх, сургуулийн өмнөх насны хүүхдэд боловсрол эзэмшүүлэх, чийрэг бие бялдартай, оюуны чадавхи сайтай хүүхдийг сургуульд бэлтгэн, ”СӨБ”-ын үйлчилгээний чанарыг дээшлүүлэхэд чиглэн гол зорилтоо болгож ажилласан байна.  140 хүүхэд хүлээн авах хүчин чадалтай, 6 бүлэгтэй ажиллаж Баян өндөр сумын Их залуу багийн 2-5 настай хүүхдэд сургуулийн өмнөх боловсрол олгох сургалт явуулах чиглэлээр үйл ажиллагаа явуулдаг. 2012-2013 оны хичээлийн жилд  ирцийн дундаж судалгаагаар 26180 хүүхэд авч ажиллахаас 27378 хүүхэд авч, хүүхэд өдрийн төлөвлөгөө 105 хувийн, 2013-2014 оны хичээлийн жилд 25800 хүүхэд  авч ажиллахаас  26339 хүүхэд авч хүүхэд өдрийн төлөвлөгөө 102 хувийн биелэлттэй байна.
     23 дугаар цэцэрлэг  2013 онд  277,677,0 мянган төгрөг, 2014 онд 307,534,0 мянган төгрөгийн төсөвт зардлыг зарцуулсан. 2013 онд  төсвийн тодотголоор цалингийн зардалд нэмэлт санхүүжилт баталж өгч урд оны татвар нийгмийн даатгалын өрийг  барагдуулан ажилласан байна. Гэвч хэтэрсэн хэмнэсэн зардлыг хооронд нь гүйлгэн зарцуулж  Сангийн  сайдын 2013 оны 73 дугаар тушаалаар баталсан төсвийн захирагчийн төсөвт зохицуулалт хийх журмын 5.5 заалтыг зөрчсөн байна.
    Хоолны бүтээгдэхүүн нийлүүлэх  аж ахуйн нэгжийг сонгон шалгаруулалт явуулаагүй иргэн аж ахуйн нэгжтэй шууд гэрээ байгуулсан. Хүнсний ногоог “Ньютоль” ХХК,  хуурай хүнс, талх нарийн боовыг “ Эрдэнэт өег” ХХК“ ,  мах, махан бүтээгдэхүүнийг “Идэр баялаг“ ХХК , сүү, сүүн бүтээгдэхүүнийг “Баяжуулагч одод” ХХК ханган нийлүүлж байна. Бүтээгдэхүүн нийлүүлэгч аж ахуйн нэгж байгууллагатай бараа бүтээгдэхүүн худалдан авах гэрээ  байгуулж, жилийн  эцэст гэрээг дүгнэж, байгууллага хоорондын тооцоо нийлж, баталгаажуулж, өр авлагаүй ажилласан.
Дээрх  байгууллагуудын гэрээний биелэлтийг бүтээгдэхүүн тус бүрээр тулган шалгахад гэрээнд тусгасан үнэ тогтвортой олгогдсон байна.
      2013 онд Орон нутгийн хөрөнгө оруулалтаар 5,0 сая төгрөгийн  үнэ бүхий 12 ширхэг камерийг  Макс Арт ХХК-с, Баян өндөр сумын хөрөнгө оруулалтаар  Бурхадууд ХХК-с нийлүүлсэн 41,475,5  мянган төгрөгийн үнэ бүхий хүүхдийн тоглоомын иж бүрэн талбайг Өмчийн харилцааны газрын даргын 2015 оны 05 дугаар тоот шийдвэрээр  тус цэцэрлэг хүлээн авсан. Аймгийн Засаг даргын 2014 оны А/692 дугаар захирамжаар 22 дугаар цэцэрлэгээс 641,4 мянган төгрөгийн махны машин, мах шарагчийг  балансаас балансад шилжүүлэн авч  данс бүртгэлд тус тус тусгаж тайлангасан байна. Өмч хөрөнгийн ашиглалт, бүрэн бүтэн байдлыг газар дээр нь шалгаж, хүнсний материалын үлдэгдэлд гэнэтийн тооллого хийхэд зөрчил дутагдалгүй байв.
Шалгалтаар  илэрсэн зөрчил дутагдал:
    Ажиллагсдын ажилласан жил, цалин тогтоолтыг шалгахад МУ-ын засгийн газрын 2007 оны 354 дүгээр тогтоолын 7-р хавсралтаар баталсан албан тушаалын ангилал зэрэглэлийн дагуу уурын зуухны галч нарын цалинг ТҮ-2 зэрэглэлээр тогтоосон  байхад  нягтлан бодогч цалин  бодож олгохдоо ТҮ-3 зэрэглэлээр бодож  илүү цалин олгосон байна.
Шалгалтын дүгнэлт, авсан арга хэмжээ, зөвлөмж:
       Хүүхдийн хоолны материалыг бэлтгэн нийлүүлэгч байгууллагыг сонгон шалгаруулахдаа  Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн дагуу бараа, ажил гүйцэтгэгчийг харьцуулалтын аргаар шалгаруулах үйл ажиллагааг тендерийн хууль, журманд заасан тендер шалгаруулалтын үндсэн баримт бичгийн дагуу зохион байгуулах, цалин тогтоохдоо МУ-ын засгийн газраас тогтоосон ангилал, зэрэглэл, шатлалыг мөрдөж ажиллах, шүүхийн шийдвэрээр нөхөн төлбөр олгохоор бол буруу шийдвэр гаргасан этгээдээр төлүүлж байх  талаар мэргэжил арга зүйн  зөвлөмж өгч, зөрчил арилгуулахаар нэгдсэн актаар хариуцуулж, илүү олгосон цалингийн 210430 төгрөгийг холбогдох хүмүүсээр  нөхөн төлүүлж төсвийн орлого болгохоор  акт тогтоолоо.
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-09-16 2149
Хавдрын хөнгөвчлөх эмчилгээний тасагтай боллоо

Энэ жил Хорт хавдартай иргэдийн эмийн зардалд дэмжлэг үзүүлэхээр 2014 онд 50.0 сая төгрөг тусгагдсан. ...

2013-05-21 2938
Хүнс,хөдөө,аж ахуй,жижиг,дунд үйлдвэрийн газраас хийж гүйцэтгэсэн ажил

Аймгийн Засаг даргын дэргэдэх газар, хэлтэс, агентлагийн мэргэжилтнүүдэд • “Үр дүнд суурилсан ...

2014-10-18 925
Стандартчилал хэмжил зүйн хэлтсийн долоо хоногийн мэдээ /2014.10.13-17/

Хэмжих хэрэгсэл баталгаажуулалтын чиглэлээр хуваарийн дагуу гэрээт байгууллагуудын хэмжил зүйн лабораториудад ...

Сурталчилгаа

 

 

Веб статистик

Таны IP хаяг: 35.171.146.16
2017-11-30-ний өдрөөс хойш.
  • 6 Онлайн
  • 488 Өнөөдөр
  • 1619 Өчигдөр
  • 8615 Долоо хоногт
  • 27998 Сүүлийн сард
  • 1764383 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  725

Facebook

Цаг агаар