ТӨРИЙН ЖИНХЭНЭ АЛБАН ХААГЧИИЙН ТАНГАРАГ ӨРГӨХ ЁСЛОЛ БОЛЛОО

Монгол улсын төрийн жинхэнэ албан хаагчийн тангараг өргөх ёслол өнөөдөр Нутгийн удирдлагын ордны хурлын танхимд боллоо. Нийт 9 байгууллагын 12 төрийн албан хаагч тангарагаа өргөсөн юм. Тангараг өргөх ёслолд Аймгийн Иргэдийн төлөөлөгчдийн хурлын дарга Б.Мягмарсүрэн, Аймгийн Иргэдийн төлөөлөгчдийн хурлын Нарийн бичгийн дарга С.Цэгмэд, Аймгийн Засаг даргын орлогч Д.Энхбат, Орхон аймаг дахь Төрийн албаны салбар зөвлөлийн даргын албан үүргийг түр орлон гүйцэтгэгч Ш.Ганболд нарын хүндэт зочид болон тангараг өргөж байгаа төрийн албан хаагчдын харъяалах байгууллагын удирдлагууд, хамт олон оролцлоо.
 
Тангараг өргөх ажиллагааг нээж Орхон аймаг дахь Төрийн албаны салбар зөвлөлийн даргын албан үүрэг түр орлон гүйцэтгэгч Ш.Ганболд дарга үг хэлсний дараа Аймгийн Засаг даргын дэргэдэх Боловсрол, соёлын газрын Сургуулийн өмнөх боловсролын асуудал хариуцсан мэргэжилтэн Лхаажавын Тайвантуул Монгол улсын төрийн жинхэнэ албан хаагчийн тангарагийг цээжээр дээдлэн дуудаж бусад нь дагалдаж дуудлаа. Улмаар тангараг өргөж байгаа албан хаагчид төрийн сүлдэнд мэхийн ёсолж, зүүн өвдөг сөхрөн Монгол улсын төрийн далбаанаас адис авч хүндэтгэл үзүүллээ.
 
Мөн энэ үеэр Монгол улсын “Төрийн ажилтны тэргүүний ажилтан” тэмдгээр шагнах шагналын ажиллагаа боллоо. Монгол улсын төрийн албаны зөвлөлийн тогтоолоор Орхон аймгийн Аудитын газрын дарга, тэргүүлэх аудитор Д.Цогбадрах, Орхон аймгийн Цагдаагийн газрын дарга, Хурандаа Б.Даваазул, Орхон аймгийн Стандартчилал, хэмжил зүйн хэлтсийн халах шинжээч Д.Мягмар, Орхон аймгийн Шүүхийн тамгын газрын нягтлан бодогч Д.Сувдаа нарыг Монгол улсын “Төрийн ажилтны тэргүүний ажилтан” тэмдгээр шагнасныг хүндэтгэлтэйгээр олголоо.
 

Монгол улсын төрийн жинхэнэ албан хаагчийн тангараг өргөх, шагнал гардуулах ёслолын төгсгөлд хүндэт зочдыг төлөөлж Аймгийн ИТХ-ын дарга Б.Мягмарсүрэн баяр хүргэж үг хэлсний дараа Монгол улсын төрийн сүлд дуулал эгшиглэлээ. 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-06-05 1905
АЙМГИЙН ӨМЧИЙН ХАРИЛЦААНЫ ГАЗРЫН ДАРГЫН АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТЫГ ЗАРЛАЖ БАЙНА.

Нэг.Сонгон шалгаруулалтын зорилго 1.Төрийн албан тушаалд тавигдах шаардлагыг хангасан, төрийн албаны ...

2014-02-05 1424
АЙМАГ ДАХЬ ТӨРИЙН АЛБАНЫ ЗӨВЛӨЛИЙН САЛБАР ЗӨВЛӨЛИЙН 2014 ОНЫ АНХНЫ ХУРАЛДААН БОЛЛОО.

Аймаг дахь Төрийн албаны зөвлөлийн салбар зөвлөлийн хуралдаан 2014 оны 01 сарын 23-ны өдөр хуралдаж: 1.Төрийн ...

2014-02-21 1220
Ёс зүйн хороодын бүрэлдэхүүнд сургалт зохион байгуулагдаж байна.

2 дугаар сарын 20, 21-ны өдрүүдэд аймгийн Засаг даргын эрхлэх асуудлын хүрээний төрийн захиргааны байгууллагуудын ...

Ангилал

Сурталчилгаа

 

 

 

Веб статистик

Таны IP хаяг: 34.204.183.113
2017-11-30-ний өдрөөс хойш.
  • 18 Онлайн
  • 471 Өнөөдөр
  • 1898 Өчигдөр
  • 2369 Долоо хоногт
  • 48788 Сүүлийн сард
  • 2046330 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар