Археологийн сан хөмрөг бүрдүүлэх анхны олдворууд

      Орхон аймгийн музейн мэргэжилтнүүд  2008 онд түүх соёлын үл хөдлөх дурсгалыг бүртгэх явцдаа  Жаргалант сумын “Айргийн гозгор” дахь олдворыг анх илрүүлсэн гэж үздэг. Түүнээс хойш 2010 онд Монголын соёлын өвийн төвийн мэргэжилтнүүд Жаргалант сумын “Айргийн гозгор” гэх газарт очин дэвсгэр зургийг үйлдэж улмаар 2011 оноос хойш Монголын Үндэсний музейн мэргэжилтнүүд тус газарт судалгаа шинжилгээг эхлүүлж Хараагийн Ноён уулын дурсгалтай төстэй, Хүннүгийн үеийн дурсгалтай төстэй ч өвөрмөц ялгаатай дурсгалууд болохыг тогтоож өнгөрсөн жил 2 булшийг малтаж 30 орчим эд өлгийн зүйлийг олсон. Тэгвэл энэ жил тус газар дахь археологийн судалгааг Аймгийн засаг даргын Тамгын газраас санхүүжүүлэн Монголын Үндэсний музейн мэргэжилтнүүд, Орхон аймгийн музей, БСГ-ын мэргэжилтнүүдтэй хамтран хийж байгаа бөгөөд нийт 4 булшийг малтах ажил явагдаж байна. Малтлагын явцад хос шарил болон Сяньбигийн үед хамаарах магадлалтай булш, чулуугаар урласан шагай зэрэг ховор дурсгалууд олдоод байна.
         “Айргийн гозгор” дахь археологийн дурсгалаас улсын хэмжээнд анх удаа “чулуун шагай” олдлоо
Ц. ОДБААТАР     Монголын үндэсний музейн ЭШТ-ийн Археологи, антропологийн секторын эрхлэгч, Доктор
Малтлагын багт Калифорнийн их сургуулийн эртний хүн судлаач ажиллаж байгаа бөгөөд малтлагаас гарсан 1 дурсгалыг Сяньби үед амьдарч байсан хүний булш байх магадлалтайг тогтоогоод байгаа аж. Энэхүү судалгаа эцсийн байдлаар тогтоогдвол Монголын археологийн судалгаанд томоохон нээлт болохыг онцолж байна. Түүнчлэн “Айргийн гозгор”-оос олдоод байгаа чулуун шагай нь улсын хэмжээнд анх удаа олдож байгаа дурсгал юм байна.
       Түүнчлэн энэ онд судлагдах 4 булшнаас ясаар хийгдсэн хос савх, мөн ясаар хийсэн үсний зүү, ваарны хагархай зэрэг 6-7 орчим дурсгал олдоод байгаа юм. Айргийн гозгорт нийтдээ 96 булш байгааг тогтоосон бөгөөд энэ жилийн судалгааны ажилд 20 сая төгрөгийг зарцуулж байна. Археологийн судалгааны ажлын зардлыг орон нутгаас хариуцсанаар судалгааны явцад олдсон эд өлгийн зүйлс манай аймгийн музейд хадгалагдах боломжтой болох юм. Орхон аймгийн музейн тухайд археологийн олдвор тийм ч их байхгүй. Тиймээс “Айргийн гозгор” дахь Археологийн судалгааны ажил нь аймгийн музейд археологийн сан хөмрөг бүрдүүлэх анхны цуглуулга болох юм гэдгийг мэргэжилтнүүд онцолж байна.

 

 

 

Холбоотой мэдээлэл

2020-03-03 23287
АЙМГИЙН ОНЦГОЙ КОМИСС ХУРАЛДЛАА

Өчигдөр аймгийн Онцгой комиссын ээлжит хуралдаан боллоо. Энэ удаагийн хуралдаанаар өмнөх хуралдаануудаас ...

2017-01-13 1153
ЭРДЭНЭТ ХОТОД ГАЛ УНТРААХ, АВРАХ АНГИ НЭМЖ БАЙГУУЛАХАД АЙМГИЙН ЗАСАГ ДАРГА АНХААРЧ БАЙНА

Засаг дарга Д.Батлут манай аймгийн Баян-Өндөр сумын гэр хорооллын алслагдсан баг болох Эрдэнэ багт Гал ...

2015-02-17 1364
Орхон аймгийн эрүүл мэндийн салбарынхан засгийн газрын шагналаа хүлээн авлаа

Хүн амын эрүүл мэндийг сахин хамгаалах үйлсэд идэвх зүтгэл, үр бүтээлтэй ажиллаж, төр засгийн бодлогыг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.16.13
2021-06-10-ний өдрөөс хойш.
  • 25 Онлайн
  • 348 Өнөөдөр
  • 3423 Өчигдөр
  • 22505 Долоо хоногт
  • 199699 Сүүлийн сард
  • 6238919 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  999

Facebook

Цаг агаар