Нийгмийн хөгжлийн хэлтсийн 7 хоногийн мэдээ /2015.11.02-11.06/

Өмнөх 7 хоногийн үүрэг даалгаврын биелэлт

Төлөвлөгөө

Биелэлт

1

Орон гэргүй иргэдийг байршуулах байрыг ашиглалтанд оруулах?

11 дүгээр сарын 16-нд орон гэргүй иргэдийг байршуулах байрыг ашиглалтанд авахаар төлөвлөж байна. Санхүүжилт олгогдоогүй тул түр хүлээгдэж байна.

2

Унага, бүжинхэн цэцэрлэгийг ашиглалтанд авах? Ажиллах хүчийг сонгон шалгаруулах?

Унага, Бүжинхэн цэцэрлэгийг 2015 оны 11 дүгээр сарын 11-ны өдөр сургалт, үйл ажиллагааг эхлүүлэхтэй  холбоотой нээлтийн бэлтгэл ажил болох бүх ажиллагсдыг эрүүл мэндийн шинжилгээ, үйлчилгээнд хамруулахцэвэрлэгээ үйлчилгээ хийлгэх, тавилга тоног төхөөрөмжийг угсрах, байршуулаххүүхдийн бүртгэл, мэдээллийн судалгааг баг болон ачаалалтай байгаа цэцэрлэгүүдээс авч нэгтгэхбүлгийн багш нар хүүхдүүдийн ар гэрийнхэнтэй холбогдох, хоол хүнсний татан авалтыг зохих журмын дагуу хийж бэлтгэл ажлыг хангаж байна.

 

ИРЭХ 7 ХОНОГТ ХИЙГДЭХ АЖИЛ

1.    Монгол бахархлын өдрийг тэмдэглэн өнгөрүүлэхтэй холбогдуулан Монгол үндэсний хувцасны өдөр, Их дээд сургуулиудын  оюутнуудад зориулсан лекц, ”Монголын нууц товчоог хэн сайн мэдэх вэ” асуулт хариултын тэмцээн,  “Алтан язгуур”-2015 Орхон аймгийн Аман цэц билэгчдийн анхдугаар наадам, Монгол Улсын Иргэний андгай өргөх ёслолын ажиллагаа, Үндэсний сурын харваа Есүхэй мэргэн төрлөөр, Орхон аймгийн Засаг даргын нэрэмжит Монгол улсын заан цолтой бөхчүүдэд хүндэтгэл үзүүлэх барилдаан, Оюутан залуучуудын дунд ”Монгол бахархал”сэдэвт  Дэвжээ тэмцээн болно.

2.    Дорнод, Хэнтий аймагт Тэгш дүүрэн хороо, малын эргэлтийн сан, хөгжлийн бэрхшээлтэй хүүхдийн төвийн үйл ажиллагаатай танилцан туршлага солилцоно.

 НИЙГМИЙН ХӨГЖЛИЙН ХЭЛТСИЙН 2015 ОНЫ 11 ДУГААР САРЫН 02-НООС 06-НИЙ  ӨДРҮҮДЭД ХИЙГДСЭН АЖЛЫН МЭДЭЭЛЭЛ

Аймгийн хэмжээнд нийгмийн эрүүл мэндийн тулгамдаж буй асуудал болох хүн амын сэтгэцийн эрүүл мэндийг дэмжих, сэтгэцийн эрүүл мэндийн анхан шатны болон нийгэм, хамт олонд тулгуурласан тусламж, үйлчилгээг өргөжүүлэх замаар сэтгэц, зан үйлийн эмгэгийн тархалтыг бууруулах, өвчин хурцдаж хэвтэн эмчлүүлэх үйл явцыг багасгах   зорилгоор  сэтгэцийн архаг өвчтэй иргэдэд нийгэм хамт олныг түшиглэн сэтгэц нийгмийн нөхөн сэргээх өдрийн  эмчилгээг “Оюу-Орхон” ХХК-ийн “Оюу”  сэтгэц, наркологийн  хувийн хэвшлийн  эмнэлэгтэй  2015 оны 11 дүгээр   сарын  10 -ны өдрөөс  4 сарын хугацаанд / өвлийн улиралд/  хамтран зохион байгуулахаар бэлтгэл ажлыг хангаж байна. Уг арга хэмжээгээр 1 сард 20 хүн нийт 80 хүнийг өдрийн эмчилгээнд хамруулна.

 Эрүүл мэндийн байгууллагад мэргэжлийн үйл ажиллагаа явуулах тусгай зөвшөөрөл олгох  аймгийн комиссыг хуралдуулан  өөрсдийн гаргасан хүсэлтийн дагуу хүний нөөц хангалтгүйгээс 6-10 үйл ажиллагаа явуулаагүй “Чин хайрын ачлал” сэргээн засалтын үүдэн эмнэлэг,  “Од” мэс заслын үүдэн эмнэлгийн үйл ажиллагааг зогсоох, стандартын  шаардлага хангалтгүй байгаа “Тангад шим” эмийн сан , “Дарь эх” эхо оношлогооны үүдэн эмнэлгийн үйл ажиллагааг 3 сараар түдгэлзүүлэхээр шийдвэр гарган Засаг даргад уламжилсан.

  Хорт хавдартай иргэний гэрээр очиж хөнгөвчлөх, өвдөлт намдаах эмчилгээ, асаргаа, сувилгаа, сэтгэл зүйн зөвлөгөө, тусламж, үйлчилгээг “ Амьдралын чанарын төлөө хамтдаа“ ТББ-ын “Манал” хавдар гэрээр хөнгөвчлөх, тусламж үйлчилгээ үзүүлэх, өвдөлт намдаах   үүдэн эмнэлэгтэй   2015 оны 03 дугаар  сарын  02 -ны өдрөөс  хамтран ажиллах гэрээ байгуулан эхний 3 дугаар улиралын байдлаар 90 иргэнийг эмчилгээнд хамруулан, их эмчийн үзлэг 454 үзлэг хийж, дунджаар 1 хүн 178. 0 мянган төгрөг зарцуулсан байна. Аймгийн хэмжээнд хорт хавдартай иргэний эмийн зардал тусламж зөвлөл нь эхний 3 дугаар улирлын байдлаар 125 иргэнд 20,6 сая төгрөгний буцалтгүй тусламжийг олгосон.

Хөдөлмөрийн яам, Монголын үйлдвэрчний эвлэлийн холбоо, Ажил олгогч эздийн холбооноос санаачлан зохион байгуулсан Дархан, Сэлэнгэ, Булган, Хөвсгөл, Орхон аймгийн нийгмийн түншлэлийн төлөөлөл оролцсон 50 гаруй хүний бүрэлдэхүүнтэй “Хойд бүсийн хөдөлмөрийн чуулган”-г Орхон аймагт зохион байгууллаа. Чуулганаас гаргасан зөвлөмж, уриалгыг Үндэсний зөвлөгөөнд болон хамтын хэлэлцээр хийх талуудад хүргүүлэхээр шийдвэрлэлээ. УИХ-ын гишүүн Баасанхүүд аймгийн хөгжлийн бэрхшээлтэй иргэдийн тоон мэдээллийг гарган хүргүүллээ.

Аймгийн Засаг даргын нэрэмжит шилжин явах цомын төлөө Төрийн албан хаагчдын дунд зохион байгуулагддаг гар бөмбөгийн тэмцээн  өнгөрсөн өдрүүдэд болж эрэгтэй 20 эмэгтэй 21 баг нийт 350 гаруй тамирчид өрсөлдлөө. 1-р  ........................                            2-р байр........................    3-р байрыг................. тус тус эзэллээ. Багийн нийлбэр дүнгээр                       ................баг тэргүүн байр эзэлж шилжин явах цомыг авлаа. Энэ тэмцээн уламжлал болон 11 дэх жилдээ зохион байгуулагдаж байгаа болно.

Өвсний үндэс төслөөр хийгдэж байгаа Дэгдээхэй цэцэрлэгийн засварын ажил хугацаандаа чанартай хийгдэж байгаа бөгөөд хамтран ажиллах гэрээний дагуу 2 дахь шатны санхүүжилтийг хүссэн  Засаг даргын  албан бичгийг холбогдох материалын хамт Японы элчин сайдын яаманд хүргүүллээ.

 Их Эзэн Чингис хааны төрсөн өдөр буюу Монгол бахархал арга хэмжээ төлөвлөгөөний дагуу явагдаж байна.

 ХАРЪЯА АГЕНТЛАГУУДААС ИРСЭН МЭДЭЭЛЭЛ

Хөдөлмөрийн хэлтэс

1.    Цэргийн алба хаасан иргэд болон төсөл хөтөлбөрт хамрагдах хүсэлтэй 100  иргэнд ажил мэргэжлийн чиг баримжаа олгох сургалтыг Орхон МСҮТ-ын урлагын зааланд зохион байгууллаа. Сургалтын гол зорилго нь ажилгүй залуучууд болон төсөл хөтөлбөрт хамрагдах хүсэлтэй иргэдэд ажил амьдралын замаа удирдан авч явах чадварыг нэмэгдүүлэх, мөн цаашид сурч хөгжих, хөдөлмөрлөх, хөдөлмөрийн зах зээл дээр өрсөлдөх чадварыг нэмэгдүүлэхэд оршино

 Биеийн тамир, спортын газар

1.    Өсвөр волейболчдын Улсын  аварга шалгаруулах тэмцээн Говьсүмбэр аймагт зохион байгуулагдаж манай аймгаас Г.Баасанхүү дасгалжуулагчтай эрэгтэй, эмэгтэй 24-н тамирчин оролцож шигшээд шалгаран үлдлээ. 

     

1.    Найзууд Лиг-2015 он сагсан бөмбөгийн тэмцээн 11-р сарын 02-наас эхэлнэ. Тэмцээнд 7 баг тойргоор тоглож байна.

Боловсрол соёлын газар

1.    БЗА-ны зохих мэргэжилтнүүдийн хамт “Унага” цэцэрлэгийн техникийн үзлэгийн комисст орж ажилласан.  “Унага”, “Бүжинхэн” цэцэрлэгт шаардлагатай тоглоом, тоног төхөөрөмж, тавилгын жагсаалтыг гаргаж ЗДТГ-ын НХХ, ХуАА, Төрийн сангийн ажилтнуудад хүргэсэн.

2. IV, XVI, XI, VII , XVIII, Дэгдээхэй , I, XIX цэцэрлэгийн тогооч нарт XVII, XIX,XVI  цэцэрлэгийн    эмч  нар “Тогооч солилцоо”-гоор хийх ажлын чиглэл, заавар зөвлөгөө өгөв.

3. Дэгдээхэй цэцэрлэг дээр  Японы элчин сайдын яамны “Өвсний үндэс” хөтөлбөрийн төслийн санхүүжилтээр хийгдэж байгаа засварын ажилтай танилцлаа. Гүйцэтгэгчээр “Гээт” ХХК их засварын ажлыг 2015 оны 10 дугаар сарын 19-нд эхэлж, 2016 оны 7 дугаар сарын 20-ны өдрийн дотор ашиглалтанд оруулахаар ажиллаж байгаа бөгөөд 2-р шатны санхүүжилт орж гал тогооны агааржуулалтыг сэргээн засварласан, гадаа тусдаа байрлах угаалгын өрөөний барилгад их засвар хийж ашиглалтанд ороход бэлэн болгосон байна.  

      

4. “Унага”, “Бүжинхэн” цэцэрлэгийг 2015 оны 11 дүгээр сарын 11-ны өдөр сургалт, үйл ажиллагааг эхлүүлэхтэй  холбоотой нээлтийн бэлтгэл ажил болох бүх ажиллагсдыг эрүүл мэндийн шинжилгээ, үйлчилгээнд хамруулах,  цэвэрлэгээ үйлчилгээ хийлгэх, тавилга тоног төхөөрөмжийг угсрах, байршуулах,  хүүхдийн бүртгэл, мэдээллийн судалгааг баг болон ачаалалтай байгаа цэцэрлэгүүдээс авч нэгтгэх,  бүлгийн багш нар хүүхдүүдийн ар гэрийнхэнтэй холбогдох, хоол хүнсний татан авалтыг зохих журмын дагуу хийх зэрэг ажлуудад зөвлөн туслав.

5. “ Унага” цэцэрлэгийн засварын ажлыг гүйцэтгэж байгаа “Урагшлах” ХХК-ны техникийн комиссын үзлэгийн гишүүнд орж ажилласан.Засварын ажил 95%-ийн гүйцэтгэлтэй, улсын комисс хүлээлцэхээс өмнө эмчийн өрөөний ОО-н суултуур солих, 2 ангийн 2 цонх, гал тогооны өрөөний 2, коридорын 1 цонхны шилийг солих зэрэг бага зэрэг ажлуудыг засварласан байхыг сануулж урьдчилсан дүгнэлт гаргав.

6. Соёлын төвүүдийн авьяас хөгжүүлэх дугуйлангууд хичээллэж байна. Нийт 9 төрлийн дугуйланд давхардсан тоогоор 250 гаруй хүүхэд хамрагдаж байна. 

      “Эгшиглэн” соёлын төвийн дугуйлангийн сурагчид

Нийгмийн халамж үйлчилгээний хэлтэс:

1.       “Номин” телевиз, ХГБХ-ийн хэлтэстэй хамтран 7-р сургуулийн хүүхдүүдийн төлөөллийг оролцуулсан “Хөгжлийн бэрхшээлтэй хүүхдийн эрхийн хамгаалал” ярилцлага, нэвтрүүлгийг явуулсан.

2015.11.4-нд Эрүүл мэндийн газар, ӨЭМТ-үүдтэй хамтран НХҮХ-ийн хурлын танхимд “Нөхөн үржихүйн асуудал” сэдвээр сургалт зохион байгуулж нөхөн үржихүйн насны 38 хөгжлийн бэрхшээлтэй эмэгтэйчүүд оролцсон.

Дэлхийн Зөн ОУ-ын байгууллага, “Харилцааны гайхамшиг” ТББ-уудтай хамтран Булаг, Баянбулаг багуудын Хүнс тэжээлийн хөтөлбөрт хамрагддаг 101 өрхийн гишүүд оролцсон сургалтыг хувь хүн өөрийгөө хөгжүүлэх хандлагаа өөрчлөх, гэр бүлийн харилцаагаа сайжруулахад нь дэмжлэг үзүүлэх чиглэлээр явуулсан.

Нийгмийн халамжийн хэлтсийн дэргэдэх Ахмадын амралт сувилалд амарч байгаа ахмадуудад “Эмийн зохистой хэрэглээ, эрүүл зөв хооллолт, хөдөлгөөний ач тус” сэдвээр сургалт зохион байгуулж 22 ахмад оролцсон.       

Хүүхэд гэр бүл хөгжлийн хэлтэс:

Хүүхдийн байгууллагын үйл ажиллагааны болон холбогдох  6 тайланг 2015 оны жилийн эцсийн  урьдчилсан байдлаар гаргаж МХТҮГ -т хүргүүллээ.

Олон улсын залуучуудын "Тэмүүлэл" холбоотой хамтран Оюутан залуучуудын чуулга уулзалтыг зохион байгууллаа ,Чуулганд 260 гаруй оюутнууд хамрагдав.

Дэнж, Эрдэнэ баг, 7-р сургууль, ДЗОУБ –ЭНХХ хамтран “Хүүхдийн эрх хаана зөрчигдөж байна вэ?” сэдэвт гар зураг, богино хэмжээний кино хэлэлцүүлгийг зохион байгуулж, 250 хүүхэд хамрагдлаа.

Нийгмийн даатгалын хэлтэс

1.      2015 онд 71222.6 сая төгрөгийг Нийгмийн даатгалын санд төвлөрүүлж орлого бүрдүүлэхээс өнөөдрийн байдлаар 48828.0 сая төвлөрөөд байна.

2.      Эрүүл мэндийн даатгалын шимтгэлд 1,7 сая төгрөг төвлөрч өссөн дүнгээр 131,6 сая төгрөг бөгөөд 75,8  хувийн биелэлттэй байна.

3.      Ажилласан жил тэтгэврийн даатгалын шимтгэл нөхөн тооцуулахаар  нийт 17152 иргэний баримт материалыг бүртгэн ажилласан байна. 13210 иргэний батламж буюу баталгаажилтын хуудас эзэддээ очсон.

4.      “Нийгмийн даатгалын багц хуулиудын шинэчилсэн найруулгын төсөл” үндэсний хэлэлцүүлгийг 2015 оны 10 сарын 28,29-ны өдрүүдэд Орхон аймагт зохион байгууллаа. 

5.      Үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, бууруулах, Хөдөлмөрийн аюулгүй байдал эрүүл ахуйн удирдлагын тогтолцоог сайжруулахад дэмжлэг үзүүлэх сургалтыг 2015 оны 10 сарын 29, 30-ны өдрүүдэд зохион байгууллаа.

 

 

 

 

Холбоотой мэдээлэл

2015-10-25 1702
Стандартчилал хэмжил зүйн хэлтсийн 7 хоногийн мэдээ /2015.10.19-10.23/

Хэмжил зүйн хяналт шалгалтын ажлын томоохон хэлбэр болох хэмжих хэрэгслийн шалгалт, баталгаажуулалт хийх ...

2017-06-19 2446
ОРХОН АЙМГИЙН ХОТ ТОХИЖУУЛАХ ГАЗРЫН 7 ХОНОГИЙН МЭДЭЭ

Орхон аймгийн Хот тохижуулах газар өнгөрөгч 7 хоногт гэр хорооллын айл өрхүүдийн 3 дахь ачилт эхлэж, ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.174.225.82
2021-01-03-ний өдрөөс хойш.
  • 8 Онлайн
  • 38 Өнөөдөр
  • 723 Өчигдөр
  • 3437 Долоо хоногт
  • 33657 Сүүлийн сард
  • 6529043 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1086

Facebook

Цаг агаар