17 дугаар цэцэрлэгийн 2015 оны санхүү аж ахуйн үйл ажиллагаанд хийсэн хяналт шалгалт

Шалгалтын ерөнхий мэдээлэл:

    Орхон аймгийн Баян-Өндөр сумын 17 дугаар цэцэрлэгийн санхүү аж ахуйн үйл ажиллагаанд санхүүгийн хяналт шалгалтыг 2016 оны 03 дугаар сарын 21-ний өдрөөс эхлэн ажлын 15 хоногийн хугацаанд СХААлбаны дарга Ц.Алтанхуяг ахлан, шинжээч Д. Эрдэнэсувд  гүйцэтгэв.
 
Байгууллагын товч мэдээлэл:
     Орхон аймгийн Баян-Өндөр сумын Уурхайчин багийн нутаг дэвсгэрт орших 17 дугаар цэцэрлэг нь 1990 оны 04 дүгээр сард анх нээгдэж, 280 хүүхдийн хүчин чадалтайгаар үйл ажиллагаа явуулж эхэлжээ. Одоо тус цэцэрлэг нь 280 хүүхдийн хүчин чадалтай, 12 бүлэгтэй, 42 багш ажиллагсадтайгаар хамран сургах тойргийнхоо 380 гаруй хүүхдэд сургуулийн өмнөх боловсрол олгох ажлыг амжилттай явуулж байна.  Цэцэрлэгийн эрхлэгчээр боловсрол судлалын магистр БТА Н. Янжинлхам 6 дахь жилдээ ажиллаж байгаа бөгөөд одоо 13 багш, арга зүйч, ня-бо, нярав, эмч тус бүр 1, тогооч-4, туслах багш–12, нийт 42 багш ажилтантай 100% мэргэжлийн багштай бөгөөд тэдгээрийн 87% нь мэргэжлийн зэрэгтэй, ажиллагсдын 35,7% дээд боловсролтой, 64,2% тусгай дунд болон бүрэн дунд боловсролтой байна.
 
Шалгалтаар илэрсэн зөрчил дутагдал:
   Засгийн газрын 1995 оны 218 дугаар тогтоолын 1 дүгээр хавсралтаар батлагдсан “Төрийн албан хаагчид нөхөх төлбөр олгох журам”-ийн дагуу албан томилолтын зардлыг шалгахад албан томилолтын илтгэх хуудас байхгүй, гадаад томилолтын зардлын батлагдсан төсөв байхгүй байхад зардал гаргасан.
Цэцэрлэгийн эрхлэгчийн тушаалаар нэг ажилтанд олгосон буцалтгүй тусламжийн 200.0 мянган төгрөгийн орлогоос суутгал хийлгүй олгосон нь Хувь хүний орлогын албан татварын тухай хуулийн 26.1.1-дэх заалт, Татварын ерөнхий газрын даргын 2013 оны 509-р тушаалаар батлагдсан “Хувь хүнд олгосон орлогоос суутгал хийн төсөвт шилжүүлэх заавар”-ын 2.1, 2.3-д заасан заалтыг зөрчиж байна.
Хүүхдийн хоолны тендер шалгаруулалт зарлан худалдан авах ажиллагааг зохион байгуулсан боловч батлагдсан гэрээний маягтын дагуу гэрээг байгуулаагүй, тендерийн нээлт, гэрээ байгуулах эрх олгох тухай мэдэгдэл, бараа нийлүүлэлтийн хуваарь зэрэг баримт бичгүүдийн бүрдэл дутуу байна.
Шалгалтын дүн, авсан арга хэмжээ
 
   Байгууллагын санхүүгийн үйл ажиллагаанд нягтлан бодох бүртгэлийг заавар журмын дагуу хөтөлсөн, анхан шатны баримтыг зохих хэмжээнд бүрдүүлсэн, санхүүгийн тайланг заавар журмын дагуу бэлтгэж, хугацаанд нь холбогдох байгууллагуудад хүргүүлэн ажилласан тул санхүүгийн үйл ажиллагааг хангалттай гэж дүгнэв.
 
  Шалгалтаар илэрсэн ХХОАТ суутгаагүй зөрчилд 20.0 мянган төгрөгийн 1 нөхөн төлбөрийн акт тогтоож хариуцлага тооцов.

 

Холбоотой мэдээлэл

2015-06-18 1523
Орон нутгийн төсвийн 2015 оны 5-р сарын орлогын гүйцэтгэл

Орон нутгийн төсвийн 2015 оны 5-р сарын орлогын гүйцэтгэл

2015-06-02 4727
5-р сарын орлогын гүйцэтгэл

Орон нутгийн төсвийн 2015 оны 5-р сарын орлогын гүйцэтгэл

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.89.204.127
2021-01-03-ний өдрөөс хойш.
  • 15 Онлайн
  • 675 Өнөөдөр
  • 2319 Өчигдөр
  • 13075 Долоо хоногт
  • 65066 Сүүлийн сард
  • 6432201 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар