ХУРАЛДААНЫ ТОЙМ

ХУРАЛДААНЫ  ТОЙМ

 

Орхон аймаг дахь Төрийн албаны зөвлөлийн Салбар зөвлөлийн 2016 оны 03 сарын 25-ны өдрийн хуралдаан аймгийн Засаг даргын Тамгын газрын хурлын танхимд     16.00 цагаас  эхэлж , дараахь асуудлыг хэлэлцэн 16 цаг 45 минутад дуусав.

 

 

 

Хэлэлцсэн асуудал

 

Хуралдаанаас гарсан шийдвэр

 

 

1

Төрийн жинхэнэ албан тушаалд нэр дэвшүүлэх тухай

Төрийн албаны тухай хуулийн 17 дугаар зүйлийн 17.3, Төрийн албаны зөвлөлийн 2009 оны 99 дүгээр тогтоолоор баталсан “Төрийн жинхэнэ албан тушаалд анх орох иргэний нөөцийг бүрдүүлэх журам”-ын 6.5 дахь заалтыг баримтлан .Гэрэлхүүгийн Мөнхзаяаг  Баян-өндөр сумын Засаг даргын Тамгын газрын Иргэд олон нийттэй харилцах асуудал хариуцсан мэргэжилтний, Төгсжаргалын Шинэбаярыг  Баян-өндөр сумын Засаг даргын Тамгын газрын багийн зохион байгуулагчийн, Ёндонпэрэнлэйгийн Эрдэнэтуяаг Жаргалант сумын  Засаг даргын Тамгын газрын Худалдан авах ажиллагаа хариуцсан мэргэжилтний албан тушаалд  тус  тус томилуулахаар нэр дэвшүүлсэн ба нэр дэвшсэн  иргэдийг   2016 оны  04 дүгээр сарын 10-ны дотор төрийн жинхэнэ албан тушаалд томилж, томилсон шийдвэрээ ирүүлэхийг  Сумдын Засаг даргын  Тамгын газрын дарга нарт  даалгав.

 

2.

Төрийн албаны тэргүүний ажилтан тэмдгээр шагнуулахаар нэр дэвшүүлэх тухай

 

Төрийн албаны зөвлөлийн 2013 оны 04 сарын 24-ны өдрийн 71 дүгээр тушаалаар баталсан “Төрийн албаны тэргүүний ажилтан” тэмдгээр шагнах журмыг баримтлан  аймгийн Мэргэжлийн хяналтын газрын Эрүүл мэнд, хүнс, хөдөө аж ахуйн хяналтын хэлстийн дарга Д.Жаргалыг   “Төрийн албаны тэргүүний ажилтан” тэмдгээр шагнуулахаар Монгол улсын Төрийн албаны зөвлөлд  уламжлав.

 

3

Төрийн захиргааны албан тушаалын зэрэг дэв олгох тухай

УИХ-ын 1995 оны 73 дугаар тогтоолоор батлагдсан “Төрийн захиргааны албан тушаалын зэрэг дэв, түүний нэмэгдэл олгох журам”-ын 3,4,6,10 дахь заалтыг баримтлан хуралдаанд оролцсон гишүүдийн 100 хувийн саналаар Сэлэнгэ голын сав газрын захиргааны дарга Б.Бат-Эрдэнэд дөтгөөр зэрэг ахлах түшмэл, Жаргалант сумын ЗДТГ-ын дарга Э.Пүрэвсүрэнд дөтгөөр зэрэг дэс түшмэл, Жаргалант сумын ЗДТГ-ын газрын даамал Н.Жарантайд тэргүүн зэрэг туслах түшмэл,Жаргалант сумын ЗДТГ-ын мэргэжилтэн Г.Мөнхзаяа, Ц.Энхзаяа, Э.Амартайван нарт  гутгаар зэрэг туслах түшмэлийн  төрийн захиргааны албан тушаалын зэрэг дэв олгуулахаар аймгийн Засаг дарга С.Дангаасүрэнд уламжлах

 

 

4

Бусад

Төрийн албаны зөвлөлийн салбар зөвлөлүүдийн үйл ажиллагааны 2015 оны үнэлгээ, ТАЗ-ийн зөвлөмжийг хэрэгжүүлэх талаар авах зарим арга хэмжээний тухай хэлэлцэн Төрийн албаны зөвлөлөөс ирүүлсэн зөвлөмжийг хэрэгжүүлэн ажиллаж, тогтоосон хугацаанд биелэлтийг тайлагнахыг нарийн бичгийн дарга Ч.Баянжаргалд даалгав.        

 

 

ТӨРИЙН ЖИНХЭНЭ АЛБАН ТУШААЛД ТОМИЛОГДОХООР

 НЭР ДЭВШСЭН ИРГЭДИЙН СУДАЛГАА

2016.03.25

 

Д/Д

Нэр дэвших байгууллага, албан тушаалын нэр

Ажлын байранд тавигдах шаардлага

Нэр дэвшигчийн овог нэр

Мэргэжил, боловсрол, туршлага

1

2

3

4

5

1

Баян-өндөр сумын  ЗДТГ-ын Иргэд олон нийттэй харилцах асуудал хариуцсан мэргэжилтэн

Дээд боловсролтой, Эрх зүйч, төрийн захиргааны удирдлага, багш мэргэжилтэй байх

Гэрэлхүүгийн Мөнхзаяа

Г.Мөнхзаяа нь 2013 онд Компьютер мэдээллийн технологийн сургуулийг Мэдээлэл зүйн багш мэргэжлээр төгссөн. Дээд боловсролын бакалаврын зэрэгтэй. 2015 оны 09 сарын 09-ний өдөр Говьсүмбэр аймаг дахь ТАЗСЗ-өөс зохион байгуулсан төрийн албаны мэргэшлийн шалгалтад 63,67 оноо авч тэнцэн төрийн жинхэнэ албан тушаалд анх орох иргэний нөөцөд бүртгэгдсэн. 2013 оноос Баян-өндөр сумын ЗДТГ-т Засаг даргын туслах, нарийн бичгийн даргаар ажиллаж байгаа. Баян-өндөр сумын ЗДТГ-ын дарга М.Эрдэнэчимэг 2016 оны 02 сарын 02-ны өдрийн 3/194 тоот албан бичгээр түүнийг тус Тамгын газрын Иргэд олон нийттэй харилцах асуудал хариуцсан мэргэжилтний албан тушаалд томилох саналаа ирүүлсэн.

2

Баян-өндөр сумын  ЗДТГ-ын багийн зохион байгуулагч

Дээд боловсролын бакалавраас доошгүй зэрэгтэй, Улс төрч, хуульч, нийгэм судлаач болон бусад мэргэжилтэй байх,

Төгсжаргалын Шинэбаяр

Т.Шинэбаяр нь  2009 онд МУИС-ОАСС-ийг санхүү-эдийн засаг мэргэжлээр төгссөн. 2014 оны 05 сарын 10-ны  өдөр тус аймаг дахь ТАЗСЗ-өөс зохион байгуулсан  төрийн жинхэнэ албан тушаалд анх орох иргэний мэргэшлийн шалгалтаар Жаргалант сумын ЗДТГ-ын багийн зохион байгуулагчийн  албан тушаалд шалгалт өгөн 65 оноогоор тэнцэн төрийн жинхэнэ албан тушаалд анх орох иргэний нөөцөд бүртгэгдсэн. Баян-өндөр сумын ЗДТГ-ын дарга М.Эрдэнэчимэг 2016 оны 02 сарын 02-ны өдрийн 3/196 тоот албан бичгээр түүнийг тус Тамгын газрын Согоот багийн зохион байгуулагчийн албан тушаалд томилох саналаа ирүүлсэн.

3

Жаргалант сумын ЗДТГ-ын Худалдан авах ажиллагаа хариуцсан мэргэжилтэн

Дээд боловсролын бакалавр,Санхүү, эдийн засагч мэргэжилтэй байх

Ёндонпэрэнлэйгийн Эрдэнэтуяа

Ё.Эрдэнэтуяа нь 2015 онд МУИС-ын Орхон сургуулийг  санхүү, эдийн засаг мэргэжлээр төгссөн. Булган аймаг дахь ТАЗСЗ-өөс 2015 оны 11 сарын 27-ны өдөр зохион байгуулсан төрийн албаны мэргэшлийн шалгалтад 72,1 оноо авч тэнцэн төрийн жинхэнэ албан тушаалд анх орох иргэний нөөцөд бүртгэгдсэн.Түүнийг Жаргалант сумын ЗДТГ-ын дарга Э.Пүрэвсүрэн тус сумын ЗДТГ-ын Худалдан авах ажиллагаа хариуцсан мэргэжилтний албан тушаалд ажиллуулах саналаа 2016 оны 03 сарын 02-ны өдрийн 03/76 тоот албан бичгээр ирүүлсэн.

 

 

 

 

Холбоотой мэдээлэл

2021-11-01 106
МОНГОЛ УЛСЫН ХУУЛЬ

ТӨРИЙН АЛБАНЫ ТУХАЙ /ШИНЭЧИЛСЭН НАЙРУУЛГА/

2015-07-08 2094
ТӨРИЙН ЖИНХЭНЭ АЛБАН ХААГЧИИЙН ТАНГАРАГ ӨРГӨХ ЁСЛОЛ БОЛЛОО

Монгол улсын төрийн жинхэнэ албан хаагчийн тангараг өргөх ёслол өнөөдөр Нутгийн удирдлагын ордны хурлын ...

2015-10-22 1530
“ИРГЭДИЙН ОРОЛЦОО” СЭДЭВТ СУРГАЛТ ЗОХИОН БАЙГУУЛАГДЛАА.

Монгол улсын Ерөнхийлөгчийн Тамгын газар, Шинжлэх Ухааны Академийн Хэл уран зохиолын хүрээлэнгээс Төсвийн ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.89.204.127
2021-01-03-ний өдрөөс хойш.
  • 15 Онлайн
  • 702 Өнөөдөр
  • 2319 Өчигдөр
  • 13102 Долоо хоногт
  • 65093 Сүүлийн сард
  • 6432228 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар