Агаарын бохирдлыг багасгахад өрхийн түлшний сонголт чухал /Бичил сурвалжлага/

        Өвөлжилтийн бэлтгэл байдлыг хангах ажлын хүрээнд аймгийн Засаг дарга Д.Батлут Дархан-Уул аймгийн “Шарын гол” ХК-ийн үйл ажиллагаатай танилцлаа. Мөн кокосжсон нүүрсний үйлдвэртэй танилцаж аймгийнхаа гэр хорооллын иргэдийн түлшний асуудлыг шийдвэрлэхээр “Нако түлш” ХК-ийн удирдлагуудтай уулзаж санал солилцсон юм. 

Монгол Улс Тогтвортой хөгжлийн зорилтын хүрээнд Ногоон хөгжлийг дэмжиж буй энэ цаг үед Орхон аймаг хүрээлэн буй орчинд сөрөг нөлөөгүй түлш хэрэглэх цаг хэдийнэ ирсэн. Энэ шийдлийн хүрээнд  “Шарын гол” ХК-иас коксжсон нүүрс нийлүүлэх асуудал тун удахгүй шийдэгдэхээр болж байна.

    Манай аймгийн хүн амын дийлэнх нь буюу 13500 өрх гэр хороололд амьдарч байна. Нэг өрх жилд дунджаар 2-3 тонн түүхий нүүрс түлдэг бөгөөд энэ нь агаарын бохирдолд нөлөөлж буй гол хүчин зүйл болж байна.  Өөрөөр хэлбэл, агаарын бохирдлыг үүсгэгч эх үүсвэрийн 80 хувь нь гэр хороолол, 10 хувь нь тээврийн хэрэгсэл, 6 хувь нь үйлдвэр, 4 хувь нь хог хаягдлаас гарч байна. Иймд Орхон аймгийн агаарын бохирдлыг бууруулах цаашлаад Монгол хүний эрүүл урт удаан наслах, амьдрах нөхцөлийг сайжруулах зайлшгүй шаардлага гарч байна. Мөн Орхон аймгийн тулгамдсан асуудлын нэгд өрхийн хэрэглээний түлш ордог тул Засаг дарга үүнд онцгой анхаарч “Шарын гол” ХК-ийн охин компани болох “Нако түлш” ХК-ийн үйлдвэрлэж буй коксжсон нүүрс үйлдвэрлэх үйлдвэрлэлийн явцтай танилцлаа.


  

      Орхон аймагт хагас коксжсон нүүрс нийлүүлэх асуудал хэлэлцээрийн түвшинд яригдаж байна
 “Нако түлш” ХК “Шарын гол” ХК-ийн эрчим хүчний нүүрсэнд суурилсан технологитой нүүрсийг нүүрстөрөгчөөр баяжуулан боловсруулж шахмал, утаагүй түлш үйлдвэрлэдэг юм. Өөрөөр хэлбэл, түүхий нүүрсийг агааргүй орчинд 900-1100 С температурт дулааны задралд оруулан боловсруулдаг юм. Коксжсон нүүрсний илчлэг 5000 кЛ  бөгөөд удаан асалттай тул бага хэмжээгээр ашигладаг. Энэ нь өрхийн эдийн засагт ч хэмнэлттэй гэсэн үг юм.   “Нако түлш” ХК-ийн үйлдвэр төмөр замтай шууд холбогдсон тул Улаанбаатар, Дархан-Уул аймагт хагас коксжсон нүүрс нийлүүлдэг бөгөөд энэ жилээс Орхон аймаг руу зах зээлээ нэмэх тооцоо, судалгаа хийгдэж байна. Орхон аймгийн зүгээс баримталж буй гол зарчим нь коксжсон нүүрсийг түүхий нүүрсний үнээр борлуулахад анхаарч байна. Тодруулбал, 25 кг-ын савлагаатай хагас коксжсон нүүрсийг 2700 төгрөгөөр борлуулах санал гаргаад байгаа юм.


       Дэлхий нийтээр “Ногоон үйлдвэрлэл”-ийг дэмжиж буй энэ цаг үед монголчууд бид түлшнийхээ сонголтыг өөрчлөх  шаардлага гарсаар  байгаа юм.  Орхон аймаг жилд дунджаар 22000-25000 тонн түүхий нүүрс хэрэглэдэг. Харин үүний оронд хагас коксжсон нүүрс хэрэглэвэл бидний амьсгалах агаар төдий чинээ цэвэр байх болно. Мөн “Шарын гол” ХК-ийн “Нако түлш” компани хагас коксжсон нүүрсийг тасралтгүй үйлдвэрлэж Орхон аймгийн хэрэгцээг бүрэн хангахуйц хүчин чадалтайгаас гадна тээвэрлэлт, нийлүүлэлт, борлуулалт, менежментээ өөрсдөө хариуцах боломжтой юм. 
        Нүүрс борлуулах байршил, менежментийн асуудал тун удахгүй шийдэгдэнэ
Иймд “Шарын гол” ХК-ийн “Нако түлш” компани Орхон аймагт хагас коксжсон нүүрсээ борлуулах цэг, менежментээ өөрсдөө зохион байгуулж харин орон нутагтай зөвшилцсөний үндсэн дээр борлуулах үнэ, байршлаа тодорхойлох юм. Өөрөөр хэлбэл, ченжүүдийн гараар дамжуулахгүйгээр үйлдвэрийн үнээр нь хэрэглэгчдэд шууд хүргэх боломжийг бүрдүүлэх ажээ. Засаг дарга Д.Батлут Дархан-Уул аймгийн “Шарын гол” ХК-ийн гүйцэтгэх захирал Б.Батбаатартай уулзах уулзалтын үед хэлэхдээ, “Юуны өмнө хоёр талын хийсэн судалгаагаа дахин нягталж нүүрсээ борлуулах байршлаа тогтоох, тээвэрлэлтийн асуудлаа шийдвэрлэх, ченжүүдээр дамжуулж борлуулахгүй байх нөхцөлийг бүрдүүлэх,  жижиглэнгээр борлуулах үнийг тогтоохын тулд төр, засгаас дэмжлэг авах гарц хайх нь нэн түрүүний ажил”  хэмээсэн юм.


                                                       Хэвлэл, мэдээлэл, олон нийттэй харилцах алба





 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-04-23 1083
Орхон аймгийн Засаг дарга Г.Зоригт 5000 гаруй иргэдийг хүлээн авч уулзжээ

Орхон аймгийн Засаг дарга Г.Зоригт 2012 оны 12 сарын 6-нд ажлаа авсан өдрөөс хойш иргэдтэй уулзах цагаар ...

2013-06-06 1159
Орхон аймагт MNS 6275:2011 стандартыг хэрэгжүүлцгээе.

Монгол Улсын нутаг дэвсгэрт ашиглаж байгаа хаягийн систем нь хотжилт эрчимтэй явагдаж, суурьшлын бүс ...

2013-09-10 1118
АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНӨӨС ӨГСӨН ҮҮРЭГ ДААЛГАВАР 2013.09.09.

2013-2014 оны өвөлжилтийн бэлтгэл ажлыг сайтар хангаж, хадлан тэжээл бэлтгэх, хотын дулаан, цахилгаан, ...

Сурталчилгаа

 

 

 

Веб статистик

Таны IP хаяг: 35.172.195.82
2017-11-30-ний өдрөөс хойш.
  • 10 Онлайн
  • 926 Өнөөдөр
  • 1788 Өчигдөр
  • 2714 Долоо хоногт
  • 44207 Сүүлийн сард
  • 1991439 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  743

Facebook

Цаг агаар