1945 оны Чөлөөлөх дайнд оролцож байсан ахмад дайчдад хүндэтгэл үзүүллээ

          Манай аймагт  1945 оны Чөлөөлөх дайн, 1940-1946 онд Улсын баруун хилийн зэвсэгт тулгаралтанд оролцож байсан ахмад дайчин 9 бий. Эдгээр дайчдад орон нутгийн удирдлагууд хүндэтгэл үзүүлж Чөлөөлөх дайны ялалтын 71 жилийн ойн мэнд хүргэхийн дашрамд мөнгөн тусламж болон гарын бэлэг гардууллаа. Монгол Улсын тусгаар тогтнол, эрх чөлөөний төлөө, халуун амь, бүлээн цусаа харамгүй зориулж явсан ахмад дайчдын алдар гавьяаг хүндэтгэн аймгийн ИТХ болон ЗДТГ, Цэргийн штаб, ИТХ-ын төлөөлөгчид гэрт нь зочилсон юм. 


       1945 оны Чөлөөлөх дайнд Сулинхээрийн отръядад байлдаж явсан өдгөө 89 настай  ахмад дайчин Шагдарын Сүрэнжавынд аймгийн ЗДТГ-ын дарга Д.Соёлчхүү, Цэргийн штабын офицер, дэд хурандаа Б.Болдбаатар, ИТХ-ын төлөөлөгч Б.Отгонбат нар хүндэтгэл үзүүллээ. Ахмад дайчин Ш.Сүрэнжав хуучлахдаа, “ Дайн бол асар их хор хохиролтой. Үүнийг залуу үеийнхэн ямагт санаж явах хэрэгтэй” хэмээсэн юм.

     Үүний дараа ахмад дайчин, Байлдааны гавьяаны улаан тугийн одонт, Хувьсгалт тэмцлийн ахмад зүтгэлтэн, Алтан гадас одонт, Гавъяат эдийн засагч Паламын Лувсандоржийнд хүндэтгэл үзүүллээ.Ахмад дайчин П.Лувсандорж 1945 оны наймдугаар сард “Байшинтын дивиз”-ийн хамт Долоннуур-Жэхэг-Жанчхүүгийн даваа хүртэл тулалдаанд оролцож байжээ. Тэрээр өдгөө 95 насыг зооглож байна.


      Мөн Уртбулаг багт  амьдардаг ахмад дайчин Цогтын Ролмаагийнд зочиллоо. Тэрээр  1945 оны Чөлөөлөх дайны үед  8 дугаар дивиз, 23 дугаар хорооны эмнэлэгт сувилагчаар ажиллаж байжээ.


       Ахмад дайчин Гончигийн Дугаржав. 1945 онд штабын бичээч, хуягт танкийн техникч, “Нисэх дивиз” 2 дугаар хороонд үүрэг гүйцэтгэж байжээ.


       Ахмад дайчин, Ж.Дамба. 1941-1946 онд Хилийн 23 дугаар отръядын жолоочоор ажиллаж байжээ.

                                                                                Д.СУНДУЙЖАВ

                                                                                  Д.ДАМДИНСҮРЭН

                                                                                          Ж.ДОНОРМАА
Ийнхүү аймгийн ИТХ, ЗДТГ болон Цэргийн штаб ахмад дайчдад  хүндэтгэл үзүүлж Чөлөөлөх дайны ялалтын 71 жилийн ойн мэнд хүргэж эх орон, тусгаар тогтнол, дархан хилийнхээ төлөө амь насаа үл хайхран байлдаж явсан алдар гавьяаг нь сурталчлан таниулж орон нутгийн хэвлэл, мэдээллийн хэрэгслээр мэдээлэл хүргэлээ. 

 

 


                                                              Хэвлэл, мэдээлэл, Олон нийттэй харилцах алба
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-06-02 4891
"Миний хайртай Эрдэнэт хот" арга хэмжээ Амарын талбайд болж өнгөрлөө

Олон улсын хүүхдийн эрхийг хамгаалах өдрийг Эрдэнэт хотын багачууд тэмдэглэн өнгөрүүллээ

2015-10-12 1014
Санамж бичигт гарын үсэг зурлаа

Өнөөдөр үйлдвэрийн ёслол хүндэтгэлийн “Оюу”танхимд ХБНГУ-ын Геотек Роштоффе ХХК болон ...

2017-05-12 2054
ЭНЭ САРЫН 15-НД “ДЭЛХИЙН ГЭР БҮЛИЙН ӨДӨР”-ИЙГ ТЭМДЭГЛЭНЭ

Жил бүрийн 5-р сарын 15-нд “Дэлхийн гэр бүлийн өдөр” тохиодог. Манай Улс энэ онд дээрх өдрийг 12 дахь ...

Сурталчилгаа

 

 

 

Веб статистик

Таны IP хаяг: 3.233.226.151
2017-11-30-ний өдрөөс хойш.
  • 32 Онлайн
  • 681 Өнөөдөр
  • 2155 Өчигдөр
  • 8800 Долоо хоногт
  • 25025 Сүүлийн сард
  • 1847974 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  732

Facebook

Цаг агаар