Шинээр баригдаж буй сургууль цэцэрлэгүүдийн барилгын ажлын явцтай танилцлаа

        Засаг дарга Д.Батлут аймгийн хэмжээнд баригдаж буй сургууль, цэцэрлэгийн барилгын ажлуудтай танилцлаа. Учир нь Засаг дарга БСШУС-ын сайд Ж.Батсуурьтай уулзсан. Энэ үеэр сайд Орхон аймагт баригдаж буй сургууль цэцэрлэгийн барилгын ажлуудын явц, тулгамдаж буй асуудлуудаа уламжлахыг хүссэн байна. Мөн тус яамны “Санхүү, хөрөнгө оруулалтын газар”-ын дарга, мэргэжилтнүүд удахгүй манай аймагт ирэх юм. Тиймээс боловсролын салбарт хийгдэж буй бүтээн байгуулалтын ажлуудтай холбоотой мэдээллүүдийг нэгтгэх зорилгоор хэд хэдэн барилгын явцтай танилцлаа.


        Одоогоор Эрдэнэ, Дэнж, Даваат, Булаг багт сургууль цэцэрлэгийн барилгын ажил явагдаж байна. Үүнээс Эрдэнэ багт баригдаж буй 640 хүүхдийн сургуулийн барилгын ажил 2012 онд эхэлсэн. Нийт төсөвт өртөг нь 4.2 тэрбум төгрөг. Үүнийг Улсын төсвөөс санхүүжүүлэх юм. Одоогоор ажил 80 гаруй хувьд хүрсэн боловч санхүүжилт зогссон шалтгаанаар саатаад байна. Тодруулбал, Энэ онд улсын төсвөөс 780 сая төгрөгийн санхүүжилт хийгдэх ёстой ч одоогоор олгогдоогүй байна. Үүнээс гадна 1.2 тэрбум төгрөгийн санхүүжилт үлдсэн. Энэ хөрөнгийг ирэх оны улсын төсөвт суулгана гэсэн мэдээлэл байгаа юм байна. Өнөөдрийн байдлаар сургуулийн барилгын цахилгаан, дулаан, бохирын шугамын ажил бүрэн хийгдсэн.
                                                     Даваат багийн цэцэрлэг, сургуулийн барилгын явц 70 хувьтай байна
        Тэгвэл орон нутгийн төсвийн 2.3 тэрбум төгрөгийн хөрөнгө оруулалтаар Даваат багт 100 хүүхдийн цэцэрлэг, 180 хүүхдийн сургуулийн барилгыг “Урагшлах” компани гүйцэтгэж байна. Одоогоор ажил нь 69 хувьтай үргэлжилж байгаа талаар гүйцэтгэгч компанийн инженер ярьлаа. Даваат багийн сургууль, цэцэрлэгийн цогцолборын барилгын ажил өнгөрсөн 6-р сард эхэлсэн. Ирэх сарын 15-нд дуусгах гэрээтэй. Гэхдээ байгаль цаг уурын нөхцөлөөс шалтгаалж ажил саатсан тул 11-р сарын 1-нд хүлээлгэн өгөх боломжтой гэж үзэж байгаа аж. 


         Мөн Баянбулаг багт баригдаж буй 150 хүүхдийн цэцэрлэгийн барилга 70 орчим хувьтай үргэлжилж байна. Энэ барилгын ажлыг гүйцэтгэж буй “Хялганат нуга” ХХК-тай байгуулсан гэрээ энэ оны 8-р сард дууссан. Гэхдээ нийт санхүүжилт болох 1 тэрбум 77 сая төгрөгөөс 450 сая орчим төгрөгийн санхүүжилт хийгдсэн. Өөрөөр хэлбэл Улсын төсвөөс хөрөнгө нь орж ирээгүй шалтгаанаар ажил нь саатаад байна.
Бас Дэнж багт баригдаж буй 100 хүүхдийн цэцэрлэгийн барилгын ажлын явц 50 хувьтай байна. Энэ нь Япон Улсын Засгийн газрын тусламжаар баригдаж байгаа юм. 11-р сарын 20-нд хүлээлгэн өгөх боломжтой гэж гүйцэтгэгч компани үзэж байна.
Улсын төсвийн хөрөнгөөр хийгдэж буй ажлуудад ихэвчлэн Барилгын хөгжлийн төвөөс хяналт тавьдаг. Тус байгууллагаас жилд нэг л удаа хяналтын ажил гүйцэтгэдэг байна. Энэ нь тухайн барилга чанаргүй баригдах, ашиглалтад орсны дараа ямар нэгэн асуудал гарахад хариуцлага тооцох эзэнгүй болох асуудлыг үүсгэдэг. Гэтэл орон нутагт барилгын ажилд хяналт тавих чиг үүрэг бүхий хэд хэдэн байгууллага үйл ажиллагаа явуулж байна. Тиймээс Засаг дарга Д.Батлут харьяа яам цаашлаад Ерөнхий сайдын түвшинд өөрийн аймагт баригдаж буй барилгын ажлуудад орон нутгийн төр захиргааны байгууллагуудаас хяналт тавьдаг болох саналыг  хүргүүлэхээр боллоо.


Хэвлэл, мэдээлэл, Олон нийттэй харилцах алба


 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-04-25 922
Стандартчилал хэмжилзүйн хэлтсээс тоолуур баталгаажуулж байна

Аймгийн агаарын бохирдлыг бууруулах төлөвлөлтийн дагуу гэр хорооллын айлуудад эрчим хүчний тооцооны 2 ...

2014-09-06 1050
Үйлдвэр, хөдөө аж ахуйн газрын долоо хоногийн мэдээ /2014.09.01-05/

Үйлдвэр, хөдөө аж ахуйн газрын долоо хоногийн мэдээ /2014.09.01-05/ - Намрын ургац хураалт үр тарианы ...

2017-02-02 2255
Д.БАТЛУТ: МӨРӨӨДӨЛДӨӨ ЭЗЭН БАЙГААРАЙ

"Засаг дарга биднийг мэргэжлээ зөв сонгож мөрөөдөлдөө эзэн байгаарай гэж захисан нь надад урам өглөө” ...

Сурталчилгаа

 

 

 

Веб статистик

Таны IP хаяг: 3.85.245.126
2017-11-30-ний өдрөөс хойш.
  • 11 Онлайн
  • 1456 Өнөөдөр
  • 2030 Өчигдөр
  • 11266 Долоо хоногт
  • 23954 Сүүлийн сард
  • 1804147 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  727

Facebook

Цаг агаар