ЗАСАГ ДАРГА Д.БАТЛУТ “2017 ОНД АЙМГИЙН ЭДИЙН ЗАСАГ, НИЙГМИЙГ ХӨГЖҮҮЛЭХ ҮНДСЭН ЧИГЛЭЛ”-ИЙН ТӨСЛИЙГ ТАНИЛЦУУЛЛАА

    АИТХ-ын ээлжит IV хуралдаанаар:

1 “ Аймгийн эдийн засаг, нийгмийг 2016 онд хөгжүүлэх үндсэн чиглэлийн урьдчилсан гүйцэтгэл, 2017 онд аймгийн эдийн засаг, нийгмийг хөгжүүлэх үндсэн чиглэлийн төсөл”
2. Аймгийн 2017 оны төсвийн тухай 
3.Аймгийн хэмжээнд газрын харилцааны талаар 2016 онд хэрэгжүүлсэн арга хэмжэээний тайлан, 2017 онд баримтлах үйл ажиллагааны чиглэл
4.Аймгийн ИТХ-ын байгууллагын 2016 онд хийсэн ажлын тайлан
5: Хорооны дарга сонгох  тухай асуудлыг хэлэлцэж байна. 
 
    Хуралдааны эхэнд аймгийн Засаг дарга Д.Батлут “ Аймгийн эдийн засаг, нийгмийг 2016 онд хөгжүүлэх үндсэн чиглэлийн урьдчилсан гүйцэтгэл, 2017 онд аймгийн эдийн засаг, нийгмийг хөгжүүлэх үндсэн чиглэлийн төсөл”-ийг танилцууллаа.
    Илтгэлд дурдсанаар“ Аймгийн  эдийн  засаг,  нийгмийг 2016  онд  хөгжүүлэх  үндсэн  чиглэл нь 5 бүлэг 66 зорилтын хүрээнд 208 арга хэмжээ хэрэгжүүлэхээр тусгаснаас  бүрэн хэрэгжсэн 84, 90 хувийн хэрэгжсэн 68, 30-70 хувьтай хэрэгжсэн буюу хагас хэрэгжсэн 43, хэрэгжих шатандаа 0-10 хувьтай 13 арга хэмжээтэйгээр нийтдээ аймгийн дүнгээр 81,97 хувийн биелэлттэйгээр тайлагнаж байна.  
   
   Хэрэгжилт  төдийлөн сайн бус 2-3 жил  үргэлжилж буй Мэргэжлийн сургалт үйлдвэрлэлийн дотуур байрны барилгыг үргэлжлүүлэн барих, дуусаагүй барилгыг төрийн байгууллагын зориулалтаар өөрчилж барьж дуусгах (Эрдэнэт амьдрал ХХК),  Хөдөө аж ахуйн Мэргэжлийн сургалт үйлдвэрлэлийн төвийн хичээлийн байрны барилгыг үргэлжлүүлэн барих, Эрдэнэ багийн соёлын төв, Эрдэнэ багийн сургуулийн барилга, Баянбулаг багийн хүүхдийн цэцэрлэгийг барьж ашиглалтанд оруулах зэрэг  ажлууд төдийлөн сайн ахиц гараагүй нь улсын төсвийн хөрөнгө  мөнгөтэй холбоотой юм. Мөн  төсөв хөрөнгийн эх үүсвэрийн шалтгаанаас  2016 онд хөгжүүлэх үндсэн чиглэлийн урьдчилсан дүн 82 хувьтай гарч байна.

ИРЭХ ОНД 249 АРГА ХЭМЖЭЭ ХЭРЭГЖҮҮЛЭХЭЭР ТӨСӨЛД ДУРДЖЭЭ 
 
    Аймгийн  эдийн  засаг,  нийгмийг 2017  онд  хөгжүүлэх  үндсэн  чиглэлийн  төслийг  боловсруулахдаа  2017 оны Төсвийн тухай хууль, Монгол улсын Засгийн газрын  2016-2020 оны  үйл ажиллагааны хөтөлбөр, Засаг даргын 2017-2020 оны үйл ажиллагааны хөтөлбөр, Иргэдийн  хурлын Төлөөлөгчдийн санал, иргэд, олон нийтийн байгуууллага, төрийн байгууллагуудын  санал, хүсэлтүүд үндэслэн  боловсруулсныг та бүхэн дахин танилцуулж байна.
 
    Аймгийн эдийн засаг нийгмийг хөгжүүлэх үндсэн чиглэлд Иргэдийн хурлын Төлөөлөгчдөөс  201 санал, 2 сумын Засаг даргын Тамгын газар, 22  төрийн байгууллагаас 306 саналын нийт 30,4 тэр бум төгрөгийн дүнтэй хүсэлт ирснийг нэгтгэн боловсруулж үндсэн чиглэлийн арга хэмжээ, хөрөнгө оруулалтын төслөөр ангилан 249 арга хэмжээг хэрэгжүүлэхээр тусгаад байна. 
 
   Эдгээр 249 арга хэмжээний 166 арга хэмжээ нь Засаг даргын мөрийн хөтөлбөрийн хэрэгжүүлэх арга хэмжээний төлөвлөгөөнөөс, 31 арга хэмжээ нь хэрэгжүүлэх чиглэлээр тусгаж мөрийн хөтөлбөрийн 96 зорилтын хэрэгжүүлэхэд чиглэсэн байна. Нийт арга хэмжээний 80 хувь нь мөрийн хөтөлбөрт туссан, 20 хувь нь төлөвлөгөөт арга хэмжээ байгаа юм.
 
    2017 он нь аймгийн Засаг  даргын  Үйл  ажиллагааны  хөтөлбөрийн  гарааны жилийн хувьд олон  асуудлын  эхлэлийг  тавих гол  хариуцлагатай  жил  байх  хэдий ч Монгол улсын эдийн засгийн хүндрэлтэй байдал нь  төсвийн хэмнэлт, хариуцлагыг биднээс шаардсан, төсвийн орлогын бүрдүүлэлтэнд анхаарах жил болох хандлагатай байна. Иймдээ ч улсын төсвийн хөрөнгөөр 2017 шинээр  бүтээн байгуулалт хийхгүй он дамжсан үргэлжлүүлэн барих 6 арга хэмжээ л батлагдсан болно.
 
 
     Бид 2017 оныг  Эрдэнэт хүн, хүний хөгжлийг гол зорилт болгон дэвшүүлж энэ чиглэлд илүү олон талт арга хэмжэээг авч, үр дүнтэй бодит ажил болгохоор зорьж байна” 
Мэдээллийн төв 
 
 
 
 
 
 

 

Холбоотой мэдээлэл

2014-07-05 1428
Үйлдвэр, хөдөө аж ахуйн чиглэлээр: 2014 оны 06 сарын 30 аас 07 сарын 04 өдөр

Аймгийн Засаг даргын 2014 оны 07 дугаар сарын 02-ны өдрийн А/367 дугаар захирамжийн дагуу 07 дугаар сарын ...

2014-09-04 1474
Аймгуудын цахим хуудасны ил тод байдлын үнэлгээ

Авилгатай тэмцэх газраас аймгуудын цахим хуудасны ил тод байдлыг 2014 оны байдлаар үнэлэн гаргалаа

2014-04-04 13284
"БАРИЛГА БАЙГУУЛАМЖИЙН ЧАНАР-ХӨДӨЛМӨРИЙН АЮУЛГҮЙ БАЙДАЛ" САРЫН АЯНЫ ХҮРЭЭНД ХИЙХ АЖЛЫН ТӨЛӨВЛӨГӨӨ

1. Сарын аяны нээлтийг орон нутагтаа шинэлэг хэлбэрээр зохион байгуулах 2. Аяны үйл ажиллагааг хэвлэл ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.158.251.104
2021-01-03-ний өдрөөс хойш.
  • 8 Онлайн
  • 908 Өнөөдөр
  • 1680 Өчигдөр
  • 3944 Долоо хоногт
  • 14647 Сүүлийн сард
  • 6452921 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1054

Facebook

Цаг агаар