УУЛЫН БЭЛ, ЖАЛГА ОРЧМООР ӨВӨЛЖИЖ БУЙ АЙЛУУДЫН МАЛ ИХ ХОРОГДЖЭЭ

Аймгийн Онцгой комиссын хуралдааны үеэр Засаг дарга Д.Батлут санаачилга гаргаж “Малчдад туслах аян” өрнүүлэхээр болсон. Өнгөрсөн оны 12-р сарын 19-өөс эхэлсэн уг аянд нийтдээ 40 гаруй аж ахуйн нэгж байгууллага нэгдэж 20 гаруй нэр төрлийн эд материалыг малчдад туслахаар хандивласан. Эдгээрийг малчдад олгохоор 20 гаруй чиглэлд комисс байгуулагдан ажиллаж байна. Үүний нэгд нь аймгийн Засаг даргын орлогч А.Түвшинжаргал томилогдсон юм. Түүнтэй хамт аймгийн Онцгой байдлын газрын дарга, Хурандаа Г.Ганбаатар, Жаргалант сумын Мал эмнэлэг үржлийн тасгийн дарга П.Янжинлхам тэргүүтэй албаны хүмүүст ажиллалаа. 

Тэд Жаргалант сумын Бугын бэлчир, Бааст, Уртын ам, Моностой, 36-р точик, Хангал өртөө зэрэг газруудад өвөлжиж буй 35 өрхүүдэд аяны хүрээнд цугласан эд материалын дэмжлэгийг олгож, эрүүл мэндийн үзлэг хийж, санал хүсэлтийг нь сонслоо. Аяны хүрээнд аж ахуйн нэгж байгууллагууд 2.7 сая төгрөг бэлнээр хандивласан. Үүгээр 3.6 тонн хужир худалдан авсан гэнэ. Мөн 300 кг тэжээл, 200 гаруй кг гурил, нэмнээ, лаа, шүдэнз, хувцас, эм, эмнэлгийн хэрэгсэл зэрэг цугласныг малчдад олголоо. 
 
Малчин өрхүүд нөөцөлсөн өвс, тэжээлийнхээ 70-80 хувийг хэрэглэсэн. Нэг айлд дунджаар 10-60 толгой мал өлдөх, улдах, тамирдах зэрэг шалтгаанаар хорогдоод байгаа аж. Уулын ам орчмоор өвөлжиж буй айлуудад малын хорогдол бага байгаа бол бэл, жалгархуу хэсэгт нутаглаж буй өрхүүдэд малын хорогдол өндөр байгааг Жаргалант сумын Мал эмнэлэг үржлийн тасгийн дарга П.Янжинлхам хэллээ. 
 
Аймгийн Засаг даргын орлогч А.Түвшинжаргал малчидтай уулзах үеэрээ орон нутгийн засаг захиргаанаас малчдаа бүх талаар дэмжихээ илэрхийлсэн. Малчид нөөцийнхөө дийлэнхийг хэрэглэсэн байгаа нь нөхцөл байдал дээр харагдаж байгаа тул ирэх долоо хоногийн сүүлээр аймаг, сумын аюулгүйн нөөцөөс өвс, тэжээлийг хөнгөлөлттэй үнээр олгоно гэдгийг дуулгалаа.  Тусламж авсан малчид орон нутгийн удирдлагуудад талархаж буйгаа илэрхийлсэн юм. Мөн энэ үеэр Улаан загалмайн хорооны тусламжид хамрагдах айлуудыг судалгаанд хамруулах ажлыг зохион байгууллаа. 
 
 
 
 
 
 
 
 
 
 
 
 
 
 
 
  
 
 
 
 
 
Мэдээллийн төв
 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-07-22 3666
Орхон аймаг дахь Цагдаагийн газар байгуулагдсаны 40 жилийн ойн арга хэмжээний нээлт боллоо

Монгол Улсын Цагдаагийн байгууллага үүсч хөгжсөний 95 жил, Орхон аймаг дахь Цагдаагийн газар байгуулагдсаны ...

2015-10-20 7413
Байрны гадна фасадыг будсан харицуулалт

Эрдэнэт үйлдвэр Орхон аймгийн хамтын ажиллагааны хүрээнд 2,3,6-р хорооллын байрны гадна Фасадыг будах ...

2017-02-02 2529
“ДӨРВӨН БААТАР”-ЫН ХӨШӨӨНД ЦЭЦЭГ ӨРГӨЛӨӨ

Эдгээр баатрууд их жанжин Д.Сүхбаатартай мөр зэрэгцэн байлдаж явсан түүхтэй юм.

Сурталчилгаа

 

 

 

Веб статистик

Таны IP хаяг: 3.81.29.254
2017-11-30-ний өдрөөс хойш.
  • 54 Онлайн
  • 3096 Өнөөдөр
  • 1215 Өчигдөр
  • 15572 Долоо хоногт
  • 30973 Сүүлийн сард
  • 1912612 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  739

Facebook

Цаг агаар