АЙМГИЙН ЗАСАГ ДАРГЫН ЗӨВЛӨЛ ХУРАЛДЛАА

Өнөөдөр аймгийн Засаг даргын зөвлөлийн 2017 оны гурав дахь удаагийн хуралдаан боллоо. Энэ удаагийн хуралдаанаар дараах зургаан асуудлыг хэлэлцэв. Үүнд, 

1. Боловсролын салбарыг 2014-2016 онд хөгжүүлэх хөтөлбөрийн биелэлт, цаашид боловсролын салбарыг 2017-2020 онд хөгжүүлэх хөтөлбөрийг батлах тухай

2. “Багш” дэд хөтөлбөр
3. Аймгийн нийгмийн эрүүл мэндийг сайжруулах 2014-2016 онд баримтлах бодлогын биелэлт, цаашид аймгийн эрүүл мэндийн салбарыг 2017-2020 онд хөгжүүлэх хөтөлбөр батлах тухай
4. “Эмч” дэд хөтөлбөр батлах тухай
5. “Ус” дэд хөтөлбөрийг хэрэгжүүлэх үйл ажиллагааны 2017-2020 онд хийх ажлын төлөвлөгөө
6. Баян-Өндөр уулыг орон нутгийн хамгаалалтад авах тухай зэрэг асуудлуудыг хэлэлцэж энэ сарын 31-ний өдөр болох аймгийн ИТХ-ын хуралдаанаар оруулж хэлэлцүүлэхээр тогтлоо. 
“Багш” дэд хөтөлбөр хэрэгжсэнээр залуу багш нарын мэргэжлийн урр чадвар дээшилж, туршлагажсан баг хамт олон, багшийн тоо нэмэгдэх, “Багшийн хөгжлийн төв” техник хэрэгсэл, хэрэглэгдэхүүний сантай болох, багш нарын нийгмийн асуудлыг шийдвэрлэх талаар ахиц гарна гэж үзлээ. 
Харин Эрүүл мэндийн салбарт хэрэгжиж байсан “Эрүүл мэндийн салбарын мастер төлөвлөгөө”, Нийгмийн эрүүл мэндийн салбарын баримтлах бодлого, Монголын уламжлалт анагаах ухааны талаар төрөөс баримтлах бодлого зэрэг баримт бичгүүдийн хугацаа дуусаад байгаа энэ үед  Аймгийн нийгмийн эрүүл мэндийг сайжруулах 2014-2016 онд баримтлах бодлогын биелэлт, цаашид аймгийн эрүүл мэндийн салбарыг 2017-2020 онд хөгжүүлэх хөтөлбөр, “Эмч” дэд хөтөлбөр зэрэг орон нутагт нийгмийн эрүүл мэндэд хамаатай баримт бичгүүд батлагдах гэж байгаа нь өндөр ач холбогдолтой юм. Энэхүү хөтөлбөрүүдийн зорилго нь хүн амд үзүүлэх эрүүл мэндийн тусламж үйлчилгээг эрэлт хэрэгцээнд тулгуурлан, аливаа өвчнөөс урьдчилан сэргийлэх ажлыг эрчимжүүлэх, нотолгоонд суурилсан оношилгоо, эмчилгээний шинэ технологийг нэвтрүүлэх, эрүүл мэндийн салбарын санхүүжилтийн зохистой тогтолцоог бүрдүүлэх, эрүүл мэндийн үйлчилгээний чанар хүртээмжийг сайжруулахад чиглэгдэх юм. 
Засаг даргын зөвлөлийн хурлаар хэлэлцэгдсэн бас нэг гол асуудал бол Баян-Өндөр уулыг орон нутгийн хамгаалалтад авах асуудал юм. Өмнө нь “Байгаль орчныг хамгаалах тухай хууль”-ийн 16.3, “Тусгай хамгаалалттай газар нутгийн тухай хууль”-ийн 28.3 дахь заалтыг үндэслэн аймгийн ИТХ-ын тэргүүлэгчдийн 1998 оны 66-р тогтоолоор Баян-Өндөр уулыг орон нутгийн тусгай хамгаалалтад авч байжээ. 
Харин 2012 онд “Байгаль орчныг хамгаалах тухай хууль”-д нэмэлт өөрчлөлт орсноор Баян-Өндөр уулыг орон нутгийн хамгаалалтад авах тухай баримт бичгийг шинэчлэн батлах шаардлагатай болсон юм. 
                                                                                                                                                                 
                                                                                                                                                                           Мэдээллийн төв

 

Холбоотой мэдээлэл

2019-10-12 838
ХӨГЖЛИЙН БЭРХШЭЭЛТЭЙ ИРГЭДЭД ТЭРГЭНЦЭР ӨГЛӨӨ

“Эрдэнэт хотын хөгжил бодлого судалгааны хүрээлэн”-ийн тэргүүн Бат-Өлзийн Бат-Эрдэнийн санаачилгаар Эрдэнэт ...

2014-02-03 1507
Орхон аймгийнхаа нийт ард иргэдээ даатган ном уншууллаа.

Орхон аймгийн удирдлагууд Тийн ялгуусан хэмээх модон морин жилийн шинийн нэгэнд Орхон аймгийнхаа нийт ...

2016-11-18 6955
Орхон аймгийн брэндээр таван бүтээгдэхүүн шалгарлаа

Орхон аймгийн брэнд бүтээгдэхүүнээр “Цагаан итгэлт” ХХК-ийн “Жигнэмэгийн цуглуулга”, “Эрдмийт” ХХК-ийн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.227.235.216
2021-06-10-ний өдрөөс хойш.
  • 20 Онлайн
  • 3250 Өнөөдөр
  • 3667 Өчигдөр
  • 6917 Долоо хоногт
  • 213118 Сүүлийн сард
  • 6252338 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1002

Facebook

Цаг агаар