ӨНӨӨДӨР ДЭЛХИЙН ЭРҮҮЛ МЭНДИЙН ӨДӨР

Дэлхийн Эрүүл Мэндийн Байгууллага 1948 оны 4 дүгээр сарын 7-ны өдөр анх үүсэн байгуулагджээ. Энэ өдрөөс хойш жил бүрийн 4 дүгээр сарын 7-ны өдрийг Дэлхийн эрүүл мэндийн өдөр болгон зарлаж уламжлал болгон тэмдэглэж, дэлхийн нийт хүн амын эрүүл мэндэд тулгамдаж буй асуудлыг хэлэлцэн, улс орнуудын Засгийн газар, нийгмийн анхаарлыг эрүүл мэндийн салбарт хандуулж ирсэн. Энэ жил “Сэтгэл гутралын талаар ярилцъя” уриан дор Дэлхийн эрүүл мэндийн өдрийг тэмдэглэн өнгөрүүлэх юм. Сэтгэл гутрал нь байнгын уйтгар гунигтай байх, урьд өмнө таны сонирхлыг татдаг байсан зүйлст татагдахаа болих гэх зэрэг шинж тэмдэгүүд илэрдэг онцлогтой. Энэ байдлыг дагалдан өдөр тутмын үйл ажиллагаагаа явуулахад бэрхшээл учрах шинж 2 долоо хоногоос доошгүй хугацаагаар үргэлжилдэг. Мөн дараах хэд хэдэн түгээмэл шинж тэмдэгүүд илэрдэг. Үүнд эрч хүчгүй болох, хоолны дуршил өөрчлөгдөх, их эсвэл бага унтах, анхаарал төвлөрөлт буурах, шийдвэр гаргах чадвар буурах, тайван бус болох, өөрийгөө үнэ цэнэ багатайгаар мэдрэх, гэмшил, итгэл найдвараа алдах, өөрийгөө гэмтээх бодол санаа агуулах, эсвэл амиа хорлох санаа агуулах зэрэг шинж тэмдэг илэрдэг. Энэ нь сул дорой байдлын илрэл биш бөгөөд эмчтэйгээ ярилцах, сэтгэл гутралын эсрэг эмийг хэрэглэх эсвэл эдгэрийг хослуулах байдлаар арга хэмжээ авахад эмчлэгддэг эмгэг юм.  Тиймээс танд дээрх шинжүүд илэрч өөрийгөө сэтгэл гутралтай гэж бодож байвал дараах зөвлөмжийг хэрэгжүүлээрэй.

- Өөрийнхөө дотны хэн нэгэнд мэдрэмжээ нээн ярилц 
- Мэргэжилтнээс тусламж хай
- Танд сайхан сэтгэгдэл төрүүлдэг байсан амьдралын үйл ажиллагаанд үргэлжлүүлэн оролц
- Гэр бүл найз нөхөдтэйгөө холбоотой амьдар
- Тогтмол дасгал хөдөлгөөн хий
- Хооллох унтах цагийнхаа дэглэмийг мөрд
- Сэтгэл гутрал байгааг хүлээн зөвшөөрч өөрийн хийж байгаа зүйлийг үүндээ тохируулаарай. Та хуучин хийдэг байсан шигээ аливааг хийж гүйцэтгэж чадахгүй байж  магадгүй. 
- Архи согтууруулах ундаанаас зайлсхий. Эсвэл хэрэглээгэ багасга. Мансуурах төрлийн бодисоос цээрлэ. Эдгээр нь сэтгэл гутралын байдлыг улам дордуулдаг. Хэрэв танд амиа хорлох талаар бодол санаа байвал нэн даруй хэн нэгэнд ханд. 
 
 
 
Мэдээллийн төв
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-12-26 572
МЭРГЭЖЛИЙН ХЯНАЛТЫН ГАЗРААС СЭРЭМЖЛҮҮЛЖ БАЙНА

“Эрүүл хүнс-Эрүүл хүүхэд” сарын аян үргэлжилж байна.

2017-02-02 1007
ИРГЭДИЙН ГОМДЛЫН ДАГУУ АЖИЛЛАЖ БАЙНА

Орхон аймгийн Баян-Өндөр сумын Бүрэнбүст багийн иргэн Б орон нутгийн удирдлагуудад хандаж өргөдөл гаргажээ. ...

2015-08-29 909
Байгаль орчны газрын мэдээлэл

1.Баян-Өндөр сумын Говил багийн Бортын ам, Зосын давааны хоорондох ой сан, Зосын даваа, Бухын давааны ...

Сурталчилгаа

 

 

 

Веб статистик

Таны IP хаяг: 34.204.183.113
2017-11-30-ний өдрөөс хойш.
  • 20 Онлайн
  • 460 Өнөөдөр
  • 1898 Өчигдөр
  • 2358 Долоо хоногт
  • 48777 Сүүлийн сард
  • 2046319 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар