Орхон аймгийн Засаг даргын 2016-2020 оны Үйл ажиллагааны хөтөлбөр, төлөвлөгөөнд туссаны дагуу “Чөлөөт цагийн талбай” дэд хөтөлбөрийг баталлаа.
Хөтөлбөрийн үндэслэл:
Орхон аймагт 0-18 насны 34648, тэтгэврийн насны 8423, 19-55 насны 58000 иргэн байна. Иргэдээс авсан санал асуулгаар 23 багийн 40 байршилд чөлөөт цагийн талбай байгуулах хүсэлт иржээ. Чөлөөт цагийн талбай нь ямар ч насныханд тохирсон бөгөөд улирал харгалзахгүй ашиглах, биеийн тамир, спортоор хичээллэгсдийг дэмжсэн, өндөр настанууд амрах боломжтой, хөдөлгөөний дутагдлаас сэргийлэх техник хэрэгсэлтэй байх юм.
Хөтөлбөрийн хүрээнд:
Хөтөлбөрийн хүрээнд: Гэр хорооллын 13 баг орон сууцны хорооллын 5 байршил болон ерөнхий боловсролын 9 сургуулийн гадна биеийн тамирын талбай байгуулж чөлөөт цагийн талбайн ашиглалт, хамгаалалтыг сайжруулж эзэнжүүлнэ.
Хөтөлбөрийн үр дүнд:
Эрүүл аюулгүй, тав тухтай орчин бүрдэж, хотын өнгө үзэмж сайжирахаас гадна иргэд чөлөөт цагаа зөв боловсон өнгөрүүлэх орчин нөхцөл нэмэгдэнэ.
Хөтөлбөр хэрэгжих хугацаа:
2017-2020 он Орхон аймгийн Засаг даргын Тамгын газар
Сэтгэгдэл