АЙРГИЙН ГОЗГОРЫН ДУРСГАЛУУД НЬ ТҮҮХИЙН ЗАРИМ БАРИМТЫГ ҮГҮЙСГЭХ МАГАДЛАЛТАЙ

Манай аймгийн Жаргалант сумын Айргийн гозгор гэх газраас олдсон  Хүннүгийн хожуу үе Сяньбигийн эхэн үед хамаарах бүлэг дурсгалд малтлага хийх ажил дөрөв дэх жилдээ үргэлжилж байна. Уг ажилтай өнөөдөр аймгийн Засаг даргын орлогч С.Батжаргал, ЗДТГ-ын дарга Д.Соёлчхүү нар очиж танилцлаа. 

Малтлага, судалгааны ажлыг Монголын Үндэсний музей, Орхон аймгийн музейн мэргэжилтнүүдээр ахлуулсан 20 орчим хүний бүрэлдэхүүнтэй баг гүйцэтгэж буй юм. Өмнөх онд хийсэн судалгааны дүнд мэргэжилтнүүд тухайн хэсэгт 97 булш байгааг тогтоосон. Тэгвэл энэ онд хийсэн судалгааны дүнд уг тоо 102 болж өссөн бөгөөд цаашид ч нэмэгдэх боломжтой гэж үзэж байгаа аж. Энэ онд судлаачид том, жижиг хоёр булшинд судалгаа хийхээр төлөвлөсөн байна. 
 
Хүннү гүрний хожуу үе, Сяньби улсын түүхийн эхэн үеийн буюу одоогоос 2000 жилийн өмнөх энэ олдвор нь дэлхийн судлаачдын анхаарлыг ихээр татаж эхэлсэн байна. Тухайлбал, АНУ-ын эрдэмтэд тухайн хэсгээс олдсон хүний ясыг, Япон улсын эрдэмтэд эд, зүйлийг  судлах, сэргээн засах санал тавьснаар хамтран ажиллахаар болжээ. Түүнчлэн БНХАУ-ын Ардын их сургуулийн эрдэмтэд судалгааны туршид ажиллах сонирхлоо илэрхийлсэн. Тиймээс ирэх оноос Жаргалант сумын Айргийн гозгорын дурсгал нь олон улсын том төсөл болох ирээдүй харагдаж байгааг Монголын Үндэсний музейн  мэргэжилтнүүд ярьлаа. 
 
Энэ жилийн малтлагаар гарсан дурсгалуудыг майнай аймгийн Музейд хүлээлгэн өгнө. Учир нь малтлагад шаардлагатай 40 орчим сая төгрөгийн хөрөнгө оруулалтыг орон төсвөөс хийж байгаа юм. 
 
Монголын Үндэсний музейн Эрдэм шинжилгээний төвийн дарга Ц.Одбаатар хэлэхдээ “Олон улсын эрдэмтдийн дунд Сяньбичууд нь Өвөр Монголын газар нутагт амьдарч байсан. Монголын газар нутагт Сяньбигийн үед хамаарах олдвор байх боломжгүй гэх хандлага байдаг. Түүхийн зарим эх сурвалжид ч тэгж бичсэн байдаг. Гэхдээ Айргийн гозгорын дурсгалууд нь эдгээр түүхийн эх сурвалжийг үгүйсгэх магадлалтай” гэсэн юм. 
 
Засаг даргын орлогч С.Батжаргал Айргийн гозгорын дурсгалууд нь түүхийн үнэт өвөөс гадна, аймгийн хэмжээнд аялал жуулчлалыг хөгжүүлэх өндөр боломж гэж үзэж буйгаа илэрхийлсэн. Тиймээс орон нутгийн зүгээс бүх талаар дэмжиж, судалгаа хийгдсэний дараа жуулчид хүлээн авах бүтээн байгуулалт хийх асуудалд анхаарлаа хандуулахаа амлалаа. 
 
 
 
 
 
 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-11-30 826
Үйлдвэр хөдөө аж ахуйн газрын долоо хоногийн мэдээ /2014.11.24-28/

Аймгийн Засаг даргын үйл ажиллагааны хөтөлбөрийг хэрэгжүүлэх арга хэмжээний төлөвлөгөөний биелэлтийн ...

2017-11-02 846
“СОНГОН ШАЛГАРУУЛАЛТ ЯВУУЛАХ УРИЛГА ”

Шалгуурыг хангасан эмч нар материалаа 2017 оны 10 сарын 30 наас 11 сарын 06 өдрийн 18:00 цаг хүртэл ...

2015-02-08 637
УЛСЫН БҮРТГЭЛИЙН ХЭЛТСИЙН 7 ХОНОГИЙН АЖЛЫН МЭДЭЭ /2015.02.02-06/

Гадаад паспорт бүртгэлийн чиглэлээр Шилжилт хөдөлгөөний бүртгэлийн чиглэлээр Архивын лавлагаа

Сурталчилгаа

 

 

Веб статистик

Таны IP хаяг: 35.171.146.16
2017-11-30-ний өдрөөс хойш.
  • 6 Онлайн
  • 495 Өнөөдөр
  • 1619 Өчигдөр
  • 8622 Долоо хоногт
  • 28005 Сүүлийн сард
  • 1764390 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  725

Facebook

Цаг агаар