СУРАГЧДАД СЭТГЭЛ ЗҮЙН ТУСЛАМЖ ҮЗҮҮЛНЭ

Сүүлийн жилүүдэд өсвөр насны хүүхдүүд амиа хорлох, гэмт хэрэгт холбогдох нь нэмэгдэх болсон. Энэ нь хүүхдүүдийн сэтгэл зүйн байдалтай холбоотой гэж мэргэжилтнүүд үздэг. Тиймээс аймгийн Засаг даргын Тамгын газрын дарга Д.Соёлчхүүгийн санаачилгаар Ерөнхий боловсролын сургуулиудын сурагчдад сэтгэл зүйн тусламж, үйлчилгээ үзүүлэх “Сэтгэлийн анир” хөтөлбөр хэрэгжиж эхэллээ. 

Хөтөлбөрийг хэрэгжүүлэх баг нь 5 хүний бүрэлдэхүүнтэй. Энэ нь аймгийн хэмжээнд үйл ажиллагаа явуулж буй сэтгэц, наркологийн эмнэлэг, төрийн бус байгууллага, их, дээд сургуулийн эрдэмтэд, төр, захиргааны байгууллагын мэргэжилтнээс бүрдсэн. Дээрх багийг ахалж буй “Катарсис” сэтгэц наркологийн эмнэлгийн эмч Ц.Батаа хэлэхдээ “Бид хөтөлбөрийн хүрээнд 8-12 дугаар ангийн хүүхдүүдэд сэтгэл зүйн анхан шатны боловсрол эзэмшүүлэх ажлыг зохион байгуулна. Мөн сэтгэл зүйн үе тэнгийн сургагч багш бэлтгэхээс гадна, сэтгэл зүйн тулгамдсан асуудалтай хүүхдүүдэд мэргэжлийн туслалцааг үнэ төлбөргүй үзүүлнэ” гэлээ.
 
Тэд өнөөдөр аймгийн хэмжээнд үйл ажиллагаа явуулж буй Ерөнхий боловсролын бүх сургуулийн сургалтын менежер, хүүхэд төлөвшлийн ажилтнуудад хөтөлбөрөө танилцуулж, хэрхэн хамтран ажиллах талаар санал солилцсон юм. 
 
Дээрх хөтөлбөрийг хэрэгжүүлэх санаачилга нь төр захиргааны байгууллагаас гарсан тул сэтгэл зүйчдийн багийн тогтвортой үйл ажиллагааг хангахад чухал ач холбогдол өгч байна. Үүний хүрээнд үйл ажиллагаа явуулах байрыг төрөөс  шийдвэрлэсэн юм.

“Сэтгэлийн анир” хөтөлбөрийн сурагчдад зориулсан сургалтууд энэ хичээлийн жилийн 3-р улиралд дуусна. 4-р улиралд үр дүнг дүгнэж, анхаарах шаардлагатай асуудлуудыг эцэг, эх, сургуулиудад танилцуулна. Мөн орон нутаг өсвөр насныхны сэтгэл зүйн байдлын талаарх нэгдсэн мэдээллийн сантай болно гэж  АЗДТГ-ын Нийгмийн бодлогын хэлтсийн мэргэжилтэн Х.Мөнхтуул хэллээ. 
 
Дашрамд дурдахад, Хөтөлбөрийг хэрэгжүүлж буй сэтгэл зүйч, эрдэмтэд нь сайн дурын үндсэн дээр ажиллаж байгаа юм. 
 
 
 
 
 
 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-01-27 1417
Сар шинийн баяртай холбогдуулан Хүнсний чанар, аюулгүй байдалд хяналт шалгалтыг хийх байна

Хүнсний чанар, стандартын 3, Эрүүл ахуй халдвар хамгааллын, Мал эмнэлгийн болон Ургамал хамгаалал, хорио ...

2014-05-14 437
Боксын улсын аварга шалгаруулах тэмцээн болж байна

Монгол улсын ууган гавьяат дасгалжуулагч Бумуудэнгээгийн Олзотын нэрэмжит өсвөр үеийн боксын улсын аварга ...

2016-11-23 4074
“Эрдэнэт брэнд лого”-г хэрэглэх эрхийг 5 бүтээгдэхүүнд олголоо

Аймгийн Засаг даргын Тамгын газрын Хөрөнгө оруулалт, хөгжлийн бодлого төлөвлөлтийн хэлтсээс Орхон ...

Сурталчилгаа

 

 

Веб статистик

Таны IP хаяг: 54.158.248.112
2017-11-30-ний өдрөөс хойш.
  • 35 Онлайн
  • 1407 Өнөөдөр
  • 1220 Өчигдөр
  • 4536 Долоо хоногт
  • 21318 Сүүлийн сард
  • 1180078 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  646

Facebook

Цаг агаар