“УУРХАЙЧИН ЭМЭГТЭЙЧҮҮД-ХӨГЖЛИЙН ТӨЛӨӨ” ҮНДЭСНИЙ ЧУУЛГАН ОРХОН АЙМАГТ ЭХЭЛЛЭЭ


“Эрдэнэт үйлдвэр” ХХК-ийн 40 жилийн ойн хүрээнд олон ажил төлөвлөсний нэг нь уурхайчин эмэгтэйчүүдийн чуулга уулзалт юм.
       Тэгвэл "Уурхайчин эмэгтэйчүүд-Хөгжлийн төлөө” сэдэвт үндэсний чуулган өнөөдөр “Уурхайчин” соёлын ордонд өнөөдөр эхэллээ.  Энэхүү чуулганд манай улсын өнцөг булан бүрт үйл ажиллагаа явуулж буй уул уурхайн салбарын төлөөлөл 400 гаруй төлөөлөгч эмэгтэйчүүд оролцож байна.
Энэхүү чуулга уулзалтад УИХ-ын эмэгтэй гишүүдийн төлөөлөл болох Ц.Гарамжав, Н.Амарзаяа, А.Ундраа болон Орхон аймгийн Засаг дарга Д.Батлут, “Гал голомт” үндэсний хөдөлгөөний тэргүүн Д.Мөнхөө нарын хүмүүс оролцож чуулганы үйл ажиллагаанд амжилт хүсэн, үг хэллээ. Түүнчлэн чуулганы үйл ажиллагаанд Орхон аймгийн Засаг даргын Хот байгуулалт, дэд бүтэцийн асуудал хариуцсан орлогч С.Батжаргал, аймгийн ИТХ-ын нарийн бичгийн дарга Д.Эрдэнэцэцэг, ЗДТГ-ын Нийгмийн бодлогын хэлтсийн дарга А.Бумансор нар оролцож байна.
       Орхон аймгийн Засаг дарга Д.Батлут хэлсэн үгэндээ “Манай аймагт зохион байгуулагдаж буй тус чуулган нь Орхон аймгийн Засаг даргын үйл ажиллагааны хөтөлбөр төлөвлөгөөний гол цөм болсон ХҮНИЙ ХӨГЖЛИЙН БОДЛОГО-той үндэсний чуулганаар хэлэлцэх асуудлууд нягт уялдаатай байгааг талархалтайгаар хүлээн авч байна” гэлээ.
     Энэхүү чуулганаар уул уурхайн салбарт тулгамдаад байгаа асуудлууд, цаашдын зорилтыг хамтдаа тодорхойлж, хэлэлцэх, уурхайчин эмэгтэйчүүдийн хүнд хүчир хөдөлмөр эрхлэлтийн талаар хөндөж, тэдний нийгмийн асуудлыг шийдвэрлэхэд өөрсдийн дуу хоолойг төр засгийн хэмжээнд хүргэх зорилготой юм.
     Мөн эмэгтэйчүүдийн оролцоо, хөгжлийн чиг хандлага, эмэгтэйчүүдийн манлайлал, эрх зүйн орчин эмэгтэйчүүд зэрэг сэдвээр илтгэл хэлэлцүүлж, туршлага хуваалцаж, санал солилцох юм. Уг чуулганы үйл ажиллагаатай давхцан “Орон нутгийн сэтгүүлчдийн форум” манай аймагт зохион байгуулагдаж байгаа бөгөөд төв, орон нутгийн хэвлэл мэдээллийн байгууллагын 60 орчим сэтгүүлчид “Уурхайчин эмэгтэйчүүд-Хөгжлийн төлөө” үндэсний чуулганыг сурвалжилж байна.
 

Мэдээллийн төв


 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-10-17 818
Аймгийн ИТХ-ын Тэргүүлэгчдийн 25-р хуралдаан боллоо.

Аймгийн ИТХ-ын Тэргүүлэгчдийн 25 дахь удаагийн хуралдаан 2013 оны 10 дугаар сарын 15-ны өдөр боллоо. ...

2015-05-07 1057
“Иргэдийн санал хүсэлт хүлээн авах 70353511 төв”-д Нийгмийн халамж үйлчилгээний хэлтсийн дарга Г.Батбаатар ажиллалаа.

Энэ үеэр 3 иргэн утсаар холбогдож 4 санал хүсэлт тавьснаас уг санал хүсэлтүүдийг холбогдох байгууллага ...

2014-02-13 4561
Цахилгаан тоолуурын баталгаажуулалт хоорондын хугацаа, үнэ тарифын талаар

Цахилгааны тоолуур Хэмжлийн нэр Баталгаажуулалт хоорондын хугацаа Баталгаажуулалтын төлбөрийн хэмжээ ...

Сурталчилгаа

 

 

Веб статистик

Таны IP хаяг: 3.226.243.130
2017-11-30-ний өдрөөс хойш.
  • 6 Онлайн
  • 5 Өнөөдөр
  • 1811 Өчигдөр
  • 1816 Долоо хоногт
  • 21199 Сүүлийн сард
  • 1757584 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  724

Facebook

Цаг агаар