ЭРДЭНЭТИЙН ГЭР ХОРООЛЛЫН АЙЛУУДЫН ХОГИЙГ ДУУДЛАГААР АЧНА

Аймгийн Засаг даргын Зөвлөлөөс “Гэр хорооллын хог хаягдлыг хувь хүн, иргэдийн оролцоотойгоор ачиж, тээвэрлэх” журмыг баталлаа. Уг журмыг аймгийн Хот тохижуулах газраас боловсруулсан байна. Тус газрын хог ачих тээвэрлэх үйл ажиллагаа хуучин хэвээрээ буюу баг тус бүрд 2 сард нэг удаа ачилт хийдэг хэвээр үргэлжилнэ.

Өөрөөр хэлбэл Хот тохижуулах газрын графикт ачилт таны оршин суугаа багт очоогүй үед дуудлага өгч хогоо ачуулах боломжтой болж байгаа юм. Ингэхдээ та нэг поошиг буюу 0.4 куб.метр хог тутамд хоёр мянган төгрөг төлнө. 

Үүний хүрээнд Баян-Өндөр сумын гэр хорооллын бүх баг буюу 14 багийн Засаг даргын ажлын алба, Хот тохижуулах газарт дуудлагын утас ажиллана. Хог хаягдлыг дуудлагаар ачих үйлчилгээг тодорхой шаардлагыг хангасан иргэд үзүүлнэ. Тодруулбал, Багуудад сонгон шалгаруулалт явагдаж тус бүр нэг иргэн шалгарна. Тухайн иргэн нь 2 тонноос дээш даацтай, дунд оврын ачааны машинтай байх ёстой.
 
Эдгээр хүмүүс нь дуудлагаар хог ачсан орлогоо өөрөө авна. Мөн Хот тохижуулах газраас жишиг нормативаар тооцож шатахууны зардал олгох юм. Эргэлтийн хийсэн тоо бүртгэлийг хогийн нэгдсэн цэгт ажиллаж буй диспетчерүүд хариуцахаар журамд тусгажээ. Энэ ажлын хүрээнд баг тус бүрээс өдөрт 396 куб.метр хогийг ачиж, тээвэрлэх боломжтой гэж ХТГ-ын дарга Б.Оюунбаяр хэллээ. Уг үйлчилгээ ирэх долоо хоногоос албан ёсоор эхэлнэ. 
 
Дашрамд дурдахад, Өнөөдрийн байдлаар аймгийн хэмжээнд өдөрт 404 тонн хог хаягдлыг ачиж тээвэрлэн, хогийн нэгдсэн цэгт хаяж байна. Хотын хогийн нэгдсэн цэгийг 1977 оноос хойш ашиглаж одоогоор 80.3 га газарт таван сая шоо метр хог хуримтлагджээ.
 
Мэдээллийн төв
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-11-26 2546
Хийн түлш түгээх станцыг баталгаажууллаа

Аймгийн Стандартчилал хэмжил зүйн хэлтсээс “Чэст” компанийн шингэрүүлсэн хийн түлш түгээх ...

2016-04-28 1535
“ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙ-ТАНЫ ОРОЛЦОО” НЭЭЛТТЭЙ ӨДӨРЛӨГ ЗОХИОН БАЙГУУЛЛАА

Хөдөлмөрийн аюулгүй байдал эрүүл ахуйн хуулийн нэмэлт өөрчлөлттэй холбогдсон ҮОХХСБК-ын дүрэм, ХАБЭА-н ...

2014-06-05 1940
Сархиа цанын бааз байнгын ажиллагаатай болно

Эрдэнэт үйлдвэрийн Спорт ордны харьяа “Сархиа” цанын баазыг жилийн турш байнгын тогтмол ...

Сурталчилгаа

 

 

 

 

Веб статистик

Таны IP хаяг: 34.200.243.114
2017-11-30-ний өдрөөс хойш.
  • 38 Онлайн
  • 1920 Өнөөдөр
  • 2011 Өчигдөр
  • 1920 Долоо хоногт
  • 5969 Сүүлийн сард
  • 2557997 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  774

Facebook

Цаг агаар