15-Р СУРГУУЛИЙН ДЭЭВРЭЭС ДУСААЛ ГООЖИЖ, АГААРЖУУЛАЛТ НЬ АЖИЛЛАХАА БОЛЖЭЭ

Аймгийн Засаг даргын орлогч С.Батжаргал дулааны асуудлаа уурын зуухаар шийддэг сургууль, цэцэрлэгүүдэд ажиллалаа. Тодруулбал, 15, 17, 20-р сургууль болон 23-р цэцэрлэгийн уурын зуухнуудын өвөлжилтийн бэлтгэл ажил, тулгамдаж буй асуудлуудтай танилцсан юм. 

Эдгээрээс 15, 20-р сургууль болон 23-р цэцэрлэгийн уурын зууханд нүүрсний үнийн зөрүүний асуудал үүсээд байгаа юм байна. Учир нь дээрх байгууллагууд уурын зууханд түлэх нүүрсээ тонн тутамд нь 85 мянган төгрөгөөр авдаг байсан. Гэвч шатахууны үнийн өсөлтөөс шалтгаалж тонн тутмыг нь 106 мянга 600 төгрөгөөр худалдах болсноо нийлүүлэгч компани мэдэгджээ. Харамсалтай нь уг мэдэгдлээ ирэх оны төсвийн төсөлд санал өгсний дараа ирүүлсэн гэдгийг дээрх сургууль, цэцэрлэгийн нягтлан бодогч нар хэллээ. 
 
Иймд аймгийн Засаг даргын орлогч С.Батжаргал Боловсрол, соёл урлагийн газрын холбогдох албан тушаалтнууд болон дээрх сургууль, цэцэрлэгийн удирдлагуудтай яаралтай хуралдаж, тодорхой шийдэлд хүрэхээр боллоо. 
 
Түүнээс гадна 15-р сургуулийн агааржуулалтын систем ажиллахаа больж, дээврээс нь дусаал гоожиж, цонхнууд нь цантах асуудал гараад байгаа талаар удирдлагууд нь ярилаа. Тус сургуулийн барилгын ажлыг “Урагшлах” ХХК гүйцэтгэсэн. Холбогдох хуульд зааснаар барилга байгууламжийн баталгаат хугацаа 3 жил байдаг. 15-р сургуулийн барилгын баталгаат хугацаа дуусаагүй тул гүйцэтгэгч компанийн удирдлагуудад дээрх засвар үйлчилгээг хийх шаардлагыг хүргүүлэхээр шийдвэрлэлээ. 
 
 
 
 
 
 
 
 
 

Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-07-31 789
Нийгмийн хөгжлийн хэлтсийн ажлын мэдээ /2015.07.27 - 2015.07.31/

Нийтийн тээврийн хэрэгслээр үнэ төлбөргүй зорчих эрх бүхий иргэдийн нөхөн олговрын тооцооллыг хийж байгаатай ...

2017-06-26 1650
ОРХОН АЙМГИЙН СОНГОГЧДЫН 62.41 ХУВЬ НЬ САНАЛАА ӨГЧЭЭ

Монгол Улсын Ерөнхийлөгчийн ээлжит сонгуулийн санал хураалт 22 цагаас дууслаа. Аймгийн Сонгуулийн хорооноос ...

Сурталчилгаа

 

 

Веб статистик

Таны IP хаяг: 3.80.177.176
2017-11-30-ний өдрөөс хойш.
  • 6 Онлайн
  • 731 Өнөөдөр
  • 482 Өчигдөр
  • 731 Долоо хоногт
  • 7279 Сүүлийн сард
  • 1423376 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  677

Facebook

Цаг агаар