Д.БАТЛУТ: БИ ТӨРИЙН АЛБАН ХААГЧДААС САЙН ТӨЛӨВЛӨЛТ, ГҮЙЦЭТГЭЛ, ҮР ДҮНГ ШААРДАНА

Орхон аймгийн Засаг даргын Тамгын газар болон Орхон аймаг дахь Төрийн албаны салбар зөвлөлөөс “Төрийн албан хаагчдын аймгийн зөвлөгөөн”-ийг өнөөдөр зохион байгуулж байна. Уг зөвлөгөөнд 30 гаруй байгууллагын 450 орчим албан хаагчид оролцсон юм. Мөн Засгийн газрын хэрэг эрхлэх газар, Төрийн албаны зөвлөлөөс төлөөлөл оролцож аймгийн хэмжээнд ажиллаж буй албан хаагчдад мэдээлэл хийж байна. 

Зөвлөгөөнийг нээж аймгийн Засаг дарга Д.Батлут хэлсэн үгэндээ “Төрийн албан хаагчид хууль бус үйлдлээс хол байж төрийн албан хаагчийн ёс зүйгээ ягштал баримтлах шаардлагатай. Нөгөө талаас бид төрийн албан хаагчдын нийгмийн баталгааг хангахад анхаарах болно. Та бүхнээс би ажлын төлөө гэсэн сэтгэл, ур чадвар ёс зүй, сайн төлөвлөлт, гүйцэтгэл, үр дүнг шаардана” хэмээн онцоллоо. 
 
Өнөөдрийн байдлаар аймгийн хэмжээнд төрийн чиг үүрэг бүхий 90 гаруй байгууллагад 4400 орчим хүн ажиллаж байна. Зөвлөгөөнд оролцож буй ЗГ-ын Хэрэг эрхлэх газрын дэд дарга У.Бямбасүрэн хэлэхдээ “МУ-ын Засгийн газраас төрийн бүх шатны байгууллагад сахилга хариуцлага, дэг журмыг чангатгаж, хариуцлагатай, ил тод, мэргэшсэн, тогтвортой төрийн албыг төлөвшүүлэх чиглэлд маш их анхаарал хандуулж буй. Иймд төрийн албан хаагч та бүхэн өргөсөн тангарагтаа үнэнч байж, хүлээсэн үүргээ нэр төртэй биелүүлээрэй” гэлээ. 
 
“Төрийн албан хаагчдын аймгийн зөвлөгөөн”-өөр Гурван тулгуурт хөгжлийн бодлого-Төрийн албаны шинэчлэл, Төрийн албаны тухай хуулийн үзэл баримтлал, Төрийн албаны удирдах ажилтны улсын зөвлөгөөний шийдвэрийн хэрэгжилт, Төрийн албан хаагчдын ажлын байрны дүн шинжилгээ зэрэг асуудлыг хэлэлцэж байна. 
 
Гурван тулгуурт хөгжлийн бодлого-Төрийн албаны шинэчлэлийн талаар ЗГХЭГ-ын Орон нутгийн удирдлага, зохицуулалтын газрын дарга П.Зоригтбаатар илтгэл танилцууллаа. Түүний илтгэлд дурдсанаар Гурван тулгуурт хөгжлийн бодлогод тогтвортой өсөлтийг бий болгох эдийн засгийн шинэчлэл, хуулийн засаглалыг хэрэгжүүлж, шударга ёсыг сахиулах төрийн шинэчлэл, иргэдэд эдийн засгийн бодит өсөлтийг хүргэх нийгмийн бодлогын шинэчлэл тус тус багтжээ.
 
Эдгээрээс төрийн албаны шинэчлэлийн бодлогын хүрээнд “Төрийн албаны тухай” хуулийн шинэчилсэн найруулгыг баталж ирэх оны 1-р сарын нэгнээс хэрэгжүүлэхээр болсон. Энэ нь одоо хэрэгжиж буй хуулиас хүний нөөцийн томилгоо, төрийн албаны шалгалтууд, төрийн албан хаагчийн хариуцлага, нийгмийн баталгааг хангах асуудлуудыг шинэчлэн хуульчилснаараа онцлог юм. Мөн төрийн албаны шинэчлэлийн стратеги, төрийн байгууллагын бүтээмжийн хөдөлгөөнийг өрнүүлэх үүднээс стандарт боловсруулж мөрдүүлэх зэрэг бодлогын хэд хэдэн баримт бичиг боловсруулагдаж байгааг зөвлөгөөнд оролцогчдод дуулгалаа. 
 
 
 
 
 
 
 
 
 
 
 
 
 
 
 
 
 
 
 
Мэдээллийн төв
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-06-21 647
Байгаль орчны газрын 7 хоногийн мэдээ /2015.06.15-19/

1.Аймгийн Засаг даргын 2015 оны А/272тоот захирамжийн дагуу аймгийн хэмжээнд үйл ажиллагаа явуулж буй ...

2018-07-16 3735
ОРХОН АЙМГИЙН ЗАСАГ ДАРГЫН ЭЭЛЖИТ ШУУРХАЙ ЗӨВЛӨЛГӨӨН БОЛЛОО

Орхон аймгийн Засаг даргын ээлжит шуурхай зөвлөлгөөн өнөөдөр хуралдав. Энэ удаагийн хуралдааныг Орхон ...

2017-05-13 360
БАГИЙН ЗАСАГ ДАРГА НАР ҮНДЭСНИЙ СТАТИСТИКИЙН ХОРООНЫ СУРГАЛТАД ХАМРАГДЛАА

Үндэсний Статистикийн хорооноос баг, хорооны Засаг дарга, сумдын статистикийн асуудал хариуцсан ажилтнуудад ...

Сурталчилгаа

 

 

Веб статистик

Таны IP хаяг: 34.203.213.116
2017-11-30-ний өдрөөс хойш.
  • 3 Онлайн
  • 116 Өнөөдөр
  • 561 Өчигдөр
  • 4812 Долоо хоногт
  • 13123 Сүүлийн сард
  • 1452866 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  678

Facebook

Цаг агаар