НҮБ-ААС БОЭТ-Д 48 САЯ ТӨГРӨГИЙН ТОНОГ ТӨХӨӨРӨМЖ ОЛГОЛОО

НҮБ-ын Хүн амын сангийн тэргүүн Каори Ишикава, төслийн менежер доктор Б.Цэдмаа, Эрүүл мэндийн яамны Эмнэлгийн тусламжийн газрын мэргэжилтэн Б.Цэвэлмээ тэргүүтэй ажлын хэсэг Орхон аймагт ажиллалаа. Тэднийг аймгийн Засаг даргын орлогч С.Батжаргал хүлээн авч уулзлаа.

 
Уг ажлын хэсэг нь Монгол Улсад 2007 оноос хэрэгжиж буй “Эх, нярайн эрүүл мэндийн тусламж үйлчилгээнд шинэ техник, технологийг нутагшуулах” төслийн хэрэгжилтийг дүгнэх зорилгоор ирсэн байна. Дээрх төслийг НҮБ-ын Хүн амын сан, Люксенбургийн Засгийн газрын хамтын ажиллагааны хүрээнд ЭМЯ, Эх, хүүхдийн эрүүл мэндийн үндэсний төв зэрэг байгууллагуудтай хамтран хэрэгжүүлжээ. Төсөл хэрэгжих хугацаанд Орхон аймагт 358 сая төгрөгийн хөрөнгө оруулалт хийгдсэн юм.
 
Уулзалтын эхэнд НҮБ-ын Хүн амын сангийн тэргүүн Каори Ишикава хэлсэн үгэндээ “Юуны түрүүнд Орхон аймаг сүүлийн 5 жил эхийн эндэгдэлгүй ажилласанд баяр хүргэе. Манай байгууллага Орхон аймагтай бэлгийн замаар дамжих халдвар, үр хөндөлт, өсвөр үеийнхний жирэмслэлт, төрөлт зэрэг асуудлыг шийдвэрлэх чиглэлээр хамтран ажиллах бодолтой байна” гэсэн юм. Мөн дутуу төрсөн нярайн сурфактан эмчилгээний зардлыг орон нутгийн төсвөөс шийдвэрлэдгийг онцгойлон сайшаалаа.
 
“Эх, нярайн эрүүл мэндийн тусламж үйлчилгээнд шинэ техник, технологийг нутагшуулах” төслийн хүрээнд 21 аймаг, нийслэлийн алслагдсан 2 дүүрэгт эх хүүхдийн яаралтай зөвлөгөөний сүлжээ, яаралтай тусламжийн өртөөчилсөн сургалтын хэрэгслүүдийг суурилуулах ажил хийгдсэн.
 
Орхон аймаг нь “Эх, нярайн эрүүл мэндийн тусламж үйлчилгээнд шинэ техник, технологийг нутагшуулах” төслийг сайн хэрэгжүүлсэн тул НҮБ-ын Хүн амын сангаас Эрдэнэт хотын БОЭТ-д 48 сая төгрөгийн өртөг бүхий тоног төхөөрөмжийг олголоо. Үүнд, Эх барихын анхны тусламжийг заахад шаардлагатай сургалтын хэрэгслүүд, төрөх өрөөнд байрлуулах камер зэрэг багтжээ.
 
 
 
 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-03-30 1641
МЭНДЧИЛГЭЭ

Өөрийн мэдлэг, туршлага, сайхан сэтгэл бүхнээ хүн ардынхаа эрүүл мэндийн төлөө зориулж явсан үе үеийн ...

2016-10-20 4263
Аймгийн Засаг дарга Д.Батлут: Орон нутгийн бодлого, шийдвэрээ “Хүний хөгжил”-д чиглүүлнэ

Аймгийн Засаг даргын зөвлөлийн ээлжит хуралдаан боллоо. Хурлаар “ Орхон аймгийн Засаг дарга бөгөөд Эрдэнэт ...

2015-06-12 1513
23-Р ЦЭЦЭРЛЭГИЙН ХҮҮХДҮҮД 24 НЭР ТӨРЛИЙН ТОГЛООМТОЙ БОЛЛОО

Баян-Өндөр сумын Их залуу багт байрлах 23-р цэцэрлэг иж бүрэн 24 нэр төрлийн тоглоомтой боллоо. Их залуу ...

Сурталчилгаа

 

 

 

Веб статистик

Таны IP хаяг: 35.168.111.191
2017-11-30-ний өдрөөс хойш.
  • 2 Онлайн
  • 49 Өнөөдөр
  • 1415 Өчигдөр
  • 1464 Долоо хоногт
  • 30289 Сүүлийн сард
  • 1977521 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  742

Facebook

Цаг агаар