ЗАСАГ ДАРГЫН ОРЛОГЧ С.БАТЖАРГАЛ АВТО ЗАМЫН АЖЛЫН ЯВЦТАЙ ТАНИЛЦЛАА

Засаг даргын Хот байгуулалт, дэд бүтцийн хөгжлийн асуудал хариуцсан орлогч С.Батжаргал, Хот байгуулалт барилга захиалагчийн албаны дарга Б.Мөнхдалай нар өнөөдөр Эрдэнэт хотод хийгдэж буй авто замын хөрөнгө оруулалт, бүтээн байгуулалтын ажлын явцтай газар дээр нь очиж танилцан, тулгамдаад байсан зарим асуудлуудыг шийдвэрлэлээ.

Сүүлийн жилүүдэд манай аймагт хүн амын суурьшилт, автомашины тоо болон дайран өнгөрч буй тээврийн хэрэгсэл нэмэгдэхийн хэрээр хотын өндөр ачаалал авдаг замын хэсгүүдэд түгжрэл үүсэх, нэвтрүүлэх чадвар муудаж байгаа зэргийг харгалзан үзэж энэ онд хэд хэдэн авто зам, уулзваруудыг өргөтгөх, шинэчлэх ажил улсын болон орон нутгийн төсвийн хөрөнгө оруулалтаар хийгдэж байна. 
Тухайлбал, холбооны уулзвараас барилгачдын талбай хүрэх авто замыг 4 эгнээ болгон өргөтгөх ажил хийгдэж эхлээд байна. Ажлын явцад уулзварууд дахь тэмдэг тэмдэглэгээ, гэрлэн дохиог зөөж шилжүүлэх, ногоон байгууламж болон инженерийн дэд бүтэцийн асуудлыг зураг төслийн зохиогчтой зөвшилцөн, газар дээр нь шийдвэрлэх шаардлага тулгараад байсан билээ.  Өнөөдөр энэхүү асуудлыг Хот байгуулалт барилга захиалагчийн алба, Замын цагдаагийн тасаг, хяналтын инженер, гүйцэтгэгч компани гэх мэт холбогдох байгууллагын хүмүүсийг байлцуулан асуудлыг шийдвэрлэснээр цаашид ажил саадгүй үргэлжлэх боломжтой боллоо. 
Мөн Улсын төсвийн хөрөнгө оруулалтаар Зам тээврийн хөгжлийн яамны захиалгаар Эрдэнэт хотыг дайран өнгөрдөг улсын чанартай А1001 замын ажил энэ жилээс эхлэн хийгдэж байна. 
     Энэхүү авто замын гүйцэтгэлийн ажилд ажилд орон нутгаас хяналт тавих, удирдлага зохион байгуулалтаар хангаж ажиллахыг Засаг даргын орлогч С.Батжаргал, Газрын харилцаа, барилга хот байгуулалтын газрын дарга Цолмон нар аймгийн Засаг даргын А/410 дугаар захирамжаар даалгасан билээ. 
    Эрдэнэт хотын хөгжлийн ерөнхий төлөвлөгөөнд тусгагдсанаар улсын чанартай А1001 авто замын нэвтрүүлэх чадварыг нэмэгдүүлэх зорилготой юм. 
Улаанбаатар хотын “Ростов” ХХК-ийн боловсруулсан 02/18 зургийн шифртэй авто замын ажлын зурганд үерийн ус зайлуулах шугамыг барилгын материалын  “Барилга плаза төв”-ийн урдаас хийсэн нь тэнд үйл ажиллагаа явуулдаг байгууллага аж ахуйн нэгжийн үйл, ажиллагаа эрх ашигт нөлөөлөхөөр байгаа тул газар дээр нь очиж иргэдтэй уулзан ирэх 7 хоногт энэ асуудлыг ажлын зураг төсөв гүйцэтгэсэн хүмүүсийг байлцуулан шийдвэрлэж өгөхөөр боллоо. 
      Цэнгэлдэх хүрээлэнгийн арын хэсэгт иргэдийг аюулгүй нэвтрүүлэх үүднээс дээрхи А1001 авто замын доогуур явган хүний нүхэн гарцыг хийж өгч байгаа нь мөн онцлогтой юм. Улсын чанартай А1001 замын ажил Зам тээврийн хөгжлийн яамны сайдын багцаас санхүүжиж байгаа бөгөөд энэ онд нийт ажлын 40 хувь нь хийгдэж, 2020 оны 10 сард бүрэн ашиглалтад орно.  
       Мөн энэ онд Баян-Өндөр сумын гэр хороолол дунд хэд хэдэн газарт хатуу хучилттай зам шинээр барих ажил хийгдэж байна. Тухайлбал, Уртын гол багаар дайран өнгөрдөг А1001 улсын чанартай авто замаас салбарлан Эрдэнэ багтай холбох авто зам, Булаг багийн нутаг дэвсгэрт хийгдэж буй авто замын ажилтай очиж танилцлаа. Эдгээр нь бүгд хатуу хучилттай, стандартад нийцсэн авто замууд байх юм. 
 
Мэдээллийн төв
 
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-04-21 1723
ЗАХИРГААНЫ БАЙГУУЛЛАГУУДЫН 2016 ОНЫ ҮЙЛ АЖИЛЛАГААГ ДҮГНЭЛЭЭ

Уг үнэлгээг хийх ажлыг Засаг даргын захирамжаар байгуулагдсан ажлын хэсгээс зохион байгуулсан.

2017-06-16 2743
“ОЮУТАН ЦЭРЭГ”-ИЙН ЦЭРГИЙН МЭРГЭЖЛИЙН БЭЛТГЭЛ ШАТНЫ СУРГАЛТ ЭХЭЛЛЭЭ

“Оюутан цэрэг”-т цэргийн мэргэжил олгох сургалтын Цэргийн ерөнхий бэлтгэл шатны сургалт (2 багц цаг буюу ...

2018-09-19 898
ХХҮГ-аас иргэдэд хүргэх мэдээлэл

ХХҮГ-аас иргэдэд хүргэх мэдээлэл

Сурталчилгаа

 

 

Веб статистик

Таны IP хаяг: 3.226.243.130
2017-11-30-ний өдрөөс хойш.
  • 13 Онлайн
  • 20 Өнөөдөр
  • 1811 Өчигдөр
  • 1831 Долоо хоногт
  • 21214 Сүүлийн сард
  • 1757599 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  724

Facebook

Цаг агаар