МЭНДЧИЛГЭЭ

 Эрхэм хүндэт хүүхэд багачууд, эцэг эхчүүд, багш сурган хүмүүжүүлэгчид,  

боловсролын салбарын ажилтан ажиллагсад аа!
 
Та бүхэнд 2019-2020 оны хичээлийн шинэ жилийн баярын мэнд хүргэе.
 
Энэ хичээлийн жилд манай аймагт төрийн болон хувийн хэвшлийн 38 цэцэрлэг үйл ажиллагаа явуулж, Нэгдүгээр ангид шинээр 2400 гаруй сурагч элсэн суралцах бол 24 ерөнхий боловсролын сургуульд нийт 21000 сурагч суралцаж, 2700 шахам багш, ажилтан боловсролын байгууллагад ажиллана.
Орхон аймгийн Засаг даргын үндэсэн чиглэл, үйл ажиллагааны хөтөлбөрт “Хүний хөгжилд” чиглэсэн бодлогууд шат дараатайгаар хэрэгжиж байна. Үүний нэг хэсэг нь боловсрол, ирээдүй хойч үеийнхэнд чиглэгдсэн төсөл, хөтөлбөр юм. Тухайлбал, бид “Багш” дэд хөтөлбөрийг гурав дахь жилдээ амжилттай хэрэгжүүлэн ажиллаж байна. 
       Багш нарын ажиллах орчин нөхцөл сайжруулах,  шинээр  цэцэрлэг сургуулийг барьж ашиглалтад оруулах талаар анхааран ажиллаж байна. 
 2016-2019 онд улсын төсвөөс 25,8 тэрбум, орон нутгийн төсвөөс 9,3 тэрбум төгрөгийн санхүүжилт хийгдсэн бөгөөд жил бүр боловсролын салбарын хөрөнгө оруулалтыг тогтмол нэмэгдүүлж иржээ. 
2019-2020 оны хичээлийн жилд “Яргуйт” багийн 150 хүүхдийн цэцэрлэг, 18-р цэцэрлэгийн 150 хүүхдийн өргөтгөл, 23-р цэцэрлэгийн 100 хүүхдийн өргөтгөл, 1-р сургуулийн 928 хүүхдийн өргөтгөл, 16-р сургуулийн спорт заал, цайны газар ашиглалтад орсноор цэцэрлэгийн хүүхдийн тоо 400-гаар, сургуулийн хүүхдийн суудлын тоо 928-аар нэмэгдэнэ. Цаашид “Эрдэнэ” багийн 150 хүүхдийн цэцэрлэг, 4-р цэцэрлэгийн 150 хүүхдийн өргөтгөл, “Рашаант” багийн 250 хүүхдийн суудалтай сургуулийн барилгууд шинээр баригдах болно.  
  Иргэн бүрийн боловсролын төлөө төр, засгийн зүгээс анхаарч, бодлого, шийдвэртээ тусган ажиллаж байна. 
        Шинэ хичээлийн жилийн хонхны дуу хүүхэд, багачууд, залуус та бүхний их мөрөөдөл, зориг, итгэлийн тань түүчээ байх болтугай.
 
Та бүхэнд 2019-2020 оны хичээлийн шинэ жилийн баярын мэндчилгээ дэвшүүлж, ажлын амжилт, сурлага, урлаг, спортын өндөр амжилт, сайн сайхан бүхнийг хүсэн ерөөе!
 
Орхон аймгийн Засаг дарга бөгөөд
Эрдэнэт хотын захирагч Д.БАТЛУТ
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-07-04 835
Баяр наадмыг зохион байгуулах комисс мэдээлэл хийв

Баасан гариг бүрийн 10 цаг З0 минутад аймгийн ЗДТГ-аас хийдэг мэдээллийн цагаар Монголын тулгар төрийн ...

2016-10-04 4449
“Их хаадын цуваа” ХХК-тай байгуулсан гэрээг шинэчилнэ

Манай хотын 7-р хороололд “Евро эко төгөл” хороолол төслийг хэрэгжүүлж буй Чех Улсын хөрөнгө оруулагч ...

2017-02-01 2834
ТӨР, НИЙГМИЙН НЭРТ ЗҮТГЭЛТЭН Ш.ОТГОНБИЛЭГ АГСАНЫ ХӨШӨӨНД ЦЭЦЭГ ӨРГӨЛӨӨ

Төр нийгмийн нэрт зүтгэлтэн, Техникийн ШУ-ны доктор, “Хөдөлмөрийн баатар”, Уулын баяжуулах “Эрдэнэт” ...

Сурталчилгаа

 

 

 

Веб статистик

Таны IP хаяг: 3.81.29.254
2017-11-30-ний өдрөөс хойш.
  • 51 Онлайн
  • 3110 Өнөөдөр
  • 1215 Өчигдөр
  • 15586 Долоо хоногт
  • 30987 Сүүлийн сард
  • 1912626 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  739

Facebook

Цаг агаар