ТӨРИЙН АЛБАНЫ ЕРӨНХИЙ ШАЛГАЛТЫН ЦАХИМ БҮРТГЭЛ ЭХЭЛЛЭЭ

      Төрийн албаны тухай хуулийн 33 дугаар зүйлийн 33.7-д заасны дагуу төрийн жинхэнэ алба хаах хүсэлтэй иргэнийг сонгон шалгаруулж, нөөц бүрдүүлэх төрийн албаны ерөнхий шалгалтын товыг олон нийтэд дэлгэрэнгүйгээр мэдээлж байна.

      Шалгалтыг Төрийн албаны зөвлөлийн 2019 оны 15 дугаар тогтоолоор баталсан “Төрийн албаны ерөнхий шалгалт өгөх болзол, журам”-д заасны дагуу зохион байгуулна. (Журмыг энд дарж үзнэ үү.)

Нэг. Сонгон шалгаруулалтад бүртгүүлэх иргэнд тавигдах болзол:

  1. Монгол Улсын иргэн байх;
  2. Дээд боловсролтой байх;
  3. Эрүүгийн хуульд заасан авлига, албан тушаалын гэмт хэрэг үйлдэж шүүхээр ял шийтгүүлж байгаагүй байх;
  4. Сэтгэцийн өвчин эмгэггүй байх;
  5. Цэргийн алба хаасан байх;
  6. Тухайн орон нутагт төрийн жинхэнэ алба хаах хүсэлтэй байх;
  7. Тэтгэвэр тогтоолгох насанд хүрээгүй байх;
  8. Төрийн албанд эргэж орох эрхгүйгээр хугацаа зааж халсан бол уг хугацаа дууссан байх;
  9. Эрүүгийн хуульд заасан гэмт хэрэг үйлдэж шүүхээр нийтийн албанд ажиллах эрх хасах ял шийтгүүлсэн бол уг хугацаа дууссан байх.

Дээр заасан болзлыг хангаж буй эсэхийг комиссоос хянан үзэх бөгөөд болзол хангаагүй иргэнийг бүртгэлээс хасна.

Хоёр. Сонгон шалгаруулалтад бүртгүүлэхэд бүрдүүлэх баримт бичиг:

  1. Шалгалтад бүртгүүлэхээр гаргасан хүсэлт;
  2. Төрийн албан хаагчийн анкет; (анкетыг энд дарж үзнэ үү.)
  3. Боловсролын түвшинг тодорхойлсон баримт бичиг;
  4. Иргэний үнэмлэх;
  5. “4 х 6”-гийн хэмжээний цээж зураг;
  6. Шалгалтын үйлчилгээний зардал төлсөн баримт;
  7. Цэргийн алба хаасан тухай баримт бичиг;
  8. Хөгжлийн бэрхшээлтэй бол энэ тухай нотолсон баримт.

Баримт бичгийг дутуу бүрдүүлсэн иргэн бүртгэлд хамрагдах боломжгүйг анхаарна уу.

Гурав. Шалгалтад оролцох хүсэлтийг хүлээн авах ба бүртгэх

     Бүрдүүлсэн баримт бичгийг 2019 оны 10 дугаар сарын 01-ний өдрийн 09.00 цагаас 2019 оны 10 дугаар сарын 30-ны 24.00 цаг хүртэл Төрийн албаны зөвлөлийн ЦАХИМ ХУУДСААР дамжуулан хүлээн авна.

    Шалгалтад бүртгүүлэх болзлыг хангаж, холбогдох баримт бичгийг бүрэн бүрдүүлж, цахим бүртгэлд бүртгэгдсэн тухай баталгаажилтын хуудас хэвлэн авсан иргэнийг албан ёсоор бүртгэгдсэнд тооцно.

Дөрөв. Сонгон шалгаруулалтын хуваарь

     Шалгалт өгөх хуваарийг 2019 оны 11 дүгээр сарын 9-ний өдөр Төрийн албаны зөвлөлийн цахим хуудсанд байршуулна.

     Төрийн албаны ерөнхий шалгалтад оролцох иргэн “Иргэний цахим үнэмлэх”, “Баталгаажилтын хуудас”-ыг биедээ авч ирэхийг анхаарна уу.

 МОНГОЛ УЛСЫН 

ТӨРИЙН АЛБАНЫ ЗӨВЛӨЛ

Холбоо барих утас: 51-266887 

 Төрийн албаны зөвлөлийн шалгалтын цахим систем заавар 

БҮРТГҮҮЛЭХ

 

Холбоотой мэдээлэл

2014-05-12 2841
ОРХОН АЙМАГ ДАХЬ НУТГИЙН ЗАХИРГААНЫ БАЙГУУЛЛАГЫН ШАЛГАЛТЫН САЛБАР КОМИССЫН МЭДЭЭЛЭЛ

Монгол улсын Төрийн албаны тухай хууль, Төрийн албаны зөвлөлийн 2013 оны 86 дугаар тогтоолоор батлагдсан ...

2019-11-01 2483
Төрийн захиргааны болон үйлчилгээний албан хаагчийн ёс зүйн дүрэм

Төрийн захиргааны болон үйлчилгээний албан хаагчийн ёс зүйн дүрэм

2017-11-07 1380
ТӨРИЙН ЗАХИРГААНЫ УДИРДАХ АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТЫН ЗАР

Орхон аймгийн Засаг даргын дэргэдэх Санхүүгийн хяналт, аудитын албаны даргын албан тушаалд томилогдох ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.173.214.227
2021-01-03-ний өдрөөс хойш.
  • 6 Онлайн
  • 116 Өнөөдөр
  • 902 Өчигдөр
  • 1969 Долоо хоногт
  • 32189 Сүүлийн сард
  • 6527575 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1085

Facebook

Цаг агаар