ТҮРЭЭСИЙН ОРОН СУУЦНЫ ТАЛААРХ ЖУРМЫН ТӨСЛИЙГ ДАХИН ХЭЛЭЛЦЭВ

 

 

Иргэдийн дунд хүлээлт ихтэй байгаа асуудлын нэг бол түрээсийн орон сууц юм. Засгийн газрын захиалгаар Хөгжлийн банкны санхүүжилтээр “Очир ундраа” ХХК Орхон аймагт 315 айлын орон сууцыг барьж гадна тохижилтын ажил нь үлдээд байна. Үүнийг иргэдэд хэрхэн түрээслэх, өмчлүүлэх тухай журмыг аймгийн Засаг даргын орлогч А.Түвшинжаргалаар ахлуулсан ажлын хэсэг боловсруулж Засаг даргын зөвлөлийн хурлаар хэд, хэдэн удаа хэлэлцүүлээд байна. Өчигдөр хуралдсан Засаг даргын зөвлөлийн XII хуралдаанаар уг асуудлыг дахин хэлэлцлээ. Эцсийн шийдвэрийг ИТХ-ын Тэргүүлэгчдийн хурлаар шийдвэрлэх юм.

“Иргэдийг түрээсийн орон сууцанд хамруулах журам” –ын төсөлд дурдсанаар,  Баян-Өндөр сумын Цагаанчулуут багт баригдаж буй 315 айлын орон сууцны тодорхой хувийг л  иргэдэд түрээслүүлэх, өмчүүлэх юм. Учир нь уг барилгыг Засгийн газрын захиалгаар Хөгжлийн банкны санхүүжилтээр “Очир ундраа” ХХК барьсан тул Орхон аймаг улсад уг байрны тодорхой хувийг борлуулж түүнээс олсон орлогыг Хөгжлийн банкинд төвлөрүүлэх чиглэлийг өгсөн байна. Иймд Засгийн газар болон Хөгжлийн банкнаас ирэх шийдвэрийг Орхон аймгийн удирдлагууд хүлээж байна.

Хэдий тийм ч орон нутаг түрээслүүлэх, өмчлүүлэх журмаа боловсруулж иргэдээс санал асуулга авч олон нийтээр хэлэлцүүлээд байна.  Урьдчилсан байдлаар түрээслэх байрны 23 хувийг залуу гэр бүлд, 25 хувийг төрийн албан хаагчдад, 15 хувийг хувиараа хөдөлмөр эрхлэгчдэд, 5 хувийг 18 хүртэлх насны дөрөв ба түүнээс дээш хүүхэдтэй гэр бүлд, 5 хувийг өрх толгойлсон эцэг, эхэд, 20 хувийг өндөр насны тэтгэвэр тогтоолгосон ахмад настанд, 5 хувийг хөгжлийн бэрхшээлтэй иргэн, түүнийг халамжилдаг гэр бүлд гэж журмын төсөлд дурдсан байна. Түрээслэх орон сууны байрны нэг м.кв талбайн үнэ 4500 төгрөг. Түрээслэж амьдрах хугацаандаа өмчлөх сонирхолтой иргэд уг журмын дагуу    түрээсийнхээ төлбөрийг төлөөд амьдрах хугацаандаа байрныхаа нийт үнийн дүнгээс  өөрийн боломжит хэмжээгээр урьдчилгаа төлбөрөө төлж  болох ажээ. Энэ мэтчилэн иргэдийн боломж, нөхцөлд тохируулсан журам боловсруулахаар ажлын хэсэг ажиллаж ИТХ-ын Тэргүүлэгчдийн хуралд хэлэлцүүлэхээр боллоо.

 

Сэтгэгдэл


Сэтгэгдэл

Lhagva

315 oron suutsnaas hed ni tos nd hamaarah yum material bvrdvvlelt songon shalgaruulalt hezee boloh ve medeelelee delgerengui bolgovol zvger bn

Огноо:2019.11.05

Холбоотой мэдээлэл

2014-06-04 1765
Тэгш дүүрэн хөтөлбөр хорооноос тархины саажилттай хүнд хэлбэрийн хөгжлийн бэрхшээлтэй хүүхэдтэй эцэг эхчүүдэд сургалт явууллаа

Орхон аймгийн хэмжээнд Тархины саажилттай хүнд хэлбэрийн хөгжлийн бэрхшээлтэй 25 хүүхэд байдаг.Тэгш дүүрэн ...

2016-09-12 3929
Аймгийн удирдлагууд “1А” хорооллын нөхцөл байдалтай танилцлаа

Тодорхой шалтгаанаар ажил нь саатаад буй “1А” хорооллын нөхцөл байдалтай аймгийн удирдлагууд танилцлаа. ...

2015-06-17 897
Санхүүгийн хяналт, аудитын албаны санхүүгийн хяналт шалгалтын ажлын тайлан "Хөдөлмөрийн хэлтэс"

Орхон аймгийн Баян-Өндөр сумын Зэст багт байрших “Хөдөлмөрийн хэлтэс”-ийн 2013, 2014 онуудын ...

Сурталчилгаа

 

 

 

Веб статистик

Таны IP хаяг: 3.233.226.151
2017-11-30-ний өдрөөс хойш.
  • 19 Онлайн
  • 571 Өнөөдөр
  • 2155 Өчигдөр
  • 8690 Долоо хоногт
  • 24915 Сүүлийн сард
  • 1847864 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  731

Facebook

Цаг агаар