АЙМГИЙН ОНЦГОЙ КОМИССООС МЭДЭЭЛЭЛ ХИЙЛЭЭ

 Аймгийн Онцгой комиссоос хэвлэл мэдээллийн байгууллагуудад өдөрт 2 удаа тогтмол мэдээлэл өгч байна. Өнөөдөр /2020.03.12/ дараах мэдээллийг хийлээ.


Эрүүл мэндийн газрын дарга Ц.Мөнхцэцэг:
 
Орхон аймагт вирусийн сэжигтэй тохиолдол болон батлагдсан тохиолдлын ойрын хавьтал байхгүй. Харин ойрын хавьтлуудын дам хавьтлууд болох 12 хүн байна. Эдгээр хүмүүсийн биеийн байдал хэвийн, ямар нэгэн шинж тэмдэг ажиглагдаагүй. ХӨСҮТ-д шинжилгээний сорьцыг хүргүүлсэн. Өнөө орой /2020.03.12/ урьдчилсан байдлаар хариу ирнэ гэв.
 
ЗДТГ-ын Хөрөнгө оруулалт, хөгжлийн бодлого төлөвлөлтийн хэлтсийн дарга Ц.Баяржаргал:
 
Аймгийн Засаг даргын захирамжаар байгуулагдсан 11 хүний бүрэлдэхүүнтэй ажлын хэсэг хүнсний гол нэрийн барааны үнэ, хангалтыг судалж байна. Ажлын хэсэг 3 хэсэгт шалгалт зохион байгуулсан. Гол нэрийн бүтээгдэхүүн 250-2000 төгрөгөөр тус тус нэмэгджээ. Худалдаа эрхлэгчид борлуулж буй бүтээгдэхүүнийхээ үнийг тавихгүй байх зөрчлүүд бүртгэгдлээ. Ингэснээр жижиглэнгийн үнийг нэмж зарсан байна гэж үзсэн. Иймд аймгийн МХГ-аас холбогдох иргэн, байгууллагуудад арга хэмжээ авахаар боллоо. Мөн НӨАТ-ын баримт хэвлэж өгөхгүй байгаа, 8 нэрийн хүнсний дэлгүүрүүд үнэ нэмсэн тухай иргэдээс ирсэн гомдлыг Татварын хэлтэст шилжүүлж шийдвэрлэхээр боллоо. Шалгалт цаашид үргэлжилнэ гэлээ. 
 
Аймгийн Засаг даргын захирамжаар байгуулагдсан ажлын хэсэгт олон иргэн утсаар болон нийгмийн сүлжээгээр  гомдол гаргаж байгаа боловч  нотлох баримт хангалтгүй байгааг мэдээлэл хийх үеэр онцолж байлаа. Иймд иргэд гомдол гаргахдаа үнэ нэмэгдсэн бүтээгдэхүүний нэр төрөл, савлагааны хэмжээ, дэлгүүр, лангууны байршил зэргийг тодорхой мэдээлэх хэрэгтэй юм. Орхон аймагт хүнс болон эм эмнэлгийн хэрэгслийг чөлөөтэй нэвтрүүлж байгаа бөгөөд 3-р сарын 15-аас нөөцийн мах худалдаанд гарна. Иймд хотын хэмжээнд хүнсний хомсдол үүсэх асуудал гарахгүйг мэргэжлийн байгууллагууд мэдээлж буй. 
 
Түүнчлэн хөл хорионы улмаас  Эрдэнэт хотод саатсан иргэдээс хүндэтгэх шалтгаантай хүмүүсийг өнөөдрөөс гаргаж эхэллээ.   
 

Мэдээллийн төв
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-08-29 879
Сургалт зохион байгуулагдлаа

Орхон аймгийн цагдаагийн газар, аймгийн прокурорын газрын хэрэг бүртгэлтийн чиглэлээр хамтарсан сургалт ...

2014-05-23 1613
Орхон аймгийн ЗДТГ-ын дарга В.Сумъяасүх Номын төвийн үйл ажиллагаа болон номын фондын засварын ажилтай танилцлаа

Орхон аймгийн ЗДТГ-ын дарга В.Сумъяасүх Номын төвийн үйл ажиллагаа болон номын фондын засварын ажилтай ...

2016-11-22 1398
Орхон аймагт цагаанаар зудархуу байдал үүсэхэд ойрхон байна

Орхон аймгийн Ус цаг уур, орчны шинжилгээний албаны дарга С.Отгонбаатар цаг үеийн асуудлаар мэдээлэл ...

Сурталчилгаа

 

 

 

 

Веб статистик

Таны IP хаяг: 3.226.245.48
2017-11-30-ний өдрөөс хойш.
  • 16 Онлайн
  • 349 Өнөөдөр
  • 2256 Өчигдөр
  • 18739 Долоо хоногт
  • 22788 Сүүлийн сард
  • 2574816 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  774

Facebook

Цаг агаар