КАНАД УЛСЫН ЭЛЧИН САЙД ЭРДЭНЭТ ХОТОД АЖИЛЛАЛАА

Канадын холбооны улсаас Монгол улсад суугаа Онц бөгөөд бүрэн эрхэт Элчин сайд Катерин Элизабет Ивкофф Эрдэнэт хотод ажиллаж байна. 

    Түүнийг аймгийн Засаг даргын орлогч С.Батжаргал, А.Түвшинжаргал болон ЗДТГ-ын холбогдох албаны хүмүүс хүлээн авч уулзаж цаашид хамтран ажиллах боломжуудын талаар санал солилцлоо. 

    Уулзалтын эхэнд Орхон аймгийн бодлого шийдвэрийн талаар товч танилцуулж, Канад улсад оюутан, сурагч, боловсон хүчин сургах боломж болоод төрийн байгууллагын үйл ажиллагааг сайжруулж иргэдэд түргэн шуурхай, ил тод нээлттэй хүргэх талаар туршлагаасаа хуваалцах, санал солилцох хүсэлтээ Орхон аймгийн Засаг даргын орлогч С.Батжаргал илэрхийлсэн юм. 

     Түүнчлэн Канад улсын хот, мужуудтай урт хугацааны хамтын ажиллагаа тогтоох боломжийн талаар хүсэлт тавьлаа. 

     Эрдэнэт уул уурхай дагасан хот учир иргэдийн эрүүл мэндийн асуудал хөндөгддөг. Аймгийн хэмжээнд цус харвалт өвчин залуужиж жилд дунджаар 1000 гаруй хүн Улаанбаатар хотруу яаралтай хүргэгддэг. Уг өвчнийг аймагтаа эмчлэх төсөл эхлүүлэхээр судалж байгаа бөгөөд шаардлагатай тоног төхөөрөмжийн дэмжлэг үзүүлэх боломжтой эсэх талаар харилцан ярилцав. 

    Канадын холбооны улсаас Монгол Улсад суугаа онц бөгөөд бүрэн эрхэт элчин сайд Катерин Элизабет Ивкофф “Бидний зүгээс Канадын холбооны улсын боловсрол, Канад сургуулийн талаар танилцуулга хийдэг. Мөн хувь хүний хөгжилд анхаарал хандуулдаг, төрийн үйлчилгээний талаарх бодлого гэх мэт үнэт зүйлс, үзэл баримтлал нэг учир бид цаашид хамтран ажиллах боломжтой” хэмээн сэтгэгдлээ хэлсэн юм. Түүнчлэн  Канад улсын зарим хотуудтай урт хугацааны хамтын ажиллагаа тогтоох талаар ажиллах болно гэдгээ хэллээ. 

    Эрдэнэт хотдоо өвлийн спорт хөгжүүлэхэд анхаарч ажиллаж хүүхэд багачууд, тамирчдаа бэлтгэж байна. Канад улсийн хувьд өвлийн спорт хөгжсөн улс учир хамтарч ажиллах, сайн туршлагаас хуваалцах хүсэлтэй байгаагаа Орхон аймгийн Засаг даргын орлогч А.Түвшинжаргал илэрхийлсэн юм. Мөн аймаг орон нутагт хийгдэж буй томоохон бүтээн байгуулалтын ажлуудтай очиж танилцахыг урьснаар уулзалт өндөрлөлөө. 

Мэдээллийн төв

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2020-10-09 61
ХАЛААЛТ ДУЛААНТАЙ ХОЛБООТОЙ САНАЛ ХҮСЭЛТИЙН ДАГУУ ҮЗЛЭГ ХИЙГДЭЖ БАЙНА

Орон сууцны айл өрхүүдээс халаалт дулаантай холбоотой санал хүсэлтийн дагуу үзлэг хийгдэж байна.

2020-09-15 284
АЖИЛ ГҮЙЦЭТГЭГЧ КОМПАНИЙН ТӨЛӨӨЛЛҮҮДТЭЙ УУЛЗЛАА

Орхон аймгийн Засаг даргын орлогч А.Түвшинжаргал 2020 онд Орхон аймагт улсын болон орон нутгийн төсвөөр ...

2015-08-28 5052
Чөлөөлөх дайны 70 жилийн ой тохиож байна.

Энэ онд Чөлөөлөх дайны 70 жилийн ой тохиож байна.

Цахим төрийн үйлчилгээ


Сурталчилгаа

 

 

 

 

Веб статистик

Таны IP хаяг: 34.234.207.100
2017-11-30-ний өдрөөс хойш.
  • 10 Онлайн
  • 577 Өнөөдөр
  • 3026 Өчигдөр
  • 13039 Долоо хоногт
  • 94631 Сүүлийн сард
  • 2845529 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  790

Facebook

Цаг агаар