ЭМНЭЛЭГ, ЦАГДАА, ОНЦГОЙ БАЙДЛЫН ГАЗРЫН АЛБАН ХЭРЭГЦЭЭНД ТОНОГ ТӨХӨӨРӨМЖ ГАРДУУЛАН ӨГЛӨӨ

Аймгийн хэмжээнд ажиллаж буй камерын нэгдсэн хяналт, Онцгой байдал, Цагдаа, Түргэн тусламжийн үйлчилгээг нэг дор төвлөрүүлэх “Мэдээлэл шуурхай удирдлагын төв” байгуулагдан үйл ажиллагаа нь эхлээд тодорхой хугацаа өнгөрч байна. Цаашид үйл ажиллагааг нь жигдрүүлэх өргөжүүлэх шаардлагатай байгаа.

Одоогийн байдлаар аймгийн хэмжээнд ажиллаж буй камеруудыг нэгдсэн хяналтын системээр удирдахаас гадна нийтийн тээврийн үйлчилгээг мөн тус төвөөс хянаж байна. 
    Удахгүй “Мэдээлэл шуурхай удирдлагын төв”-д 101, 102, 103, 105 тусгай дугаарын дуудлагуудыг нэг дор төвлөрүүлнэ. Ингэснээр дээрх байгууллагууд осол, гал түймэр, хэргийн газарт нэг хугацаанд зэрэг очих боломж бий болох юм. Мөн эдгээр дуудлагын утаснуудыг тусгай программд холбож холбооны нэгдсэн системийг ашиглаж эхэлнэ.
      Түүнээс гадна дуудлагыг бичиж хадгалах, хуваарилах, автоматаар хариу өгөх, хариу өгсөн цаг, дуудлагын дагуу гарсан хугацааг хэмжиж эхлэхээс гадна Онцгой байдал, Цагдаа, Түргэн тусламжийн авто машинд GPS суурилуулах ажил хийгдэнэ.
    Ингэснээр хаяг тодорхойгүй айл хайх, мухар гудамжаар орж цаг алддаг асуудлыг удирдлагын төвөөс явах замыг нь зааж өгч зохицуулна. Уг төвд нэг зэрэг 9 дуудлага хүлээн авах боломжтой болох юм.  
    Орон нутгийн төсвөөс санхүүжүүлж өнөөдөр 200 сая төгрөг орчим үнэ бүхий автомашины суурин болон гар богино долгионы 63 станцыг БОЭТ-ийн яаралтай түргэн тусламж, Цагдаа, Онцгой байдлын газарт хүлээлгэн өглөө. Тоног төхөөрөмжүүдийг Орхон аймгийн Засаг даргын орлогч А.Түвшинжаргал дээрх байгууллагын удирдлагуудад гардуулан өгөв.
   Энэхүү станц нь аналог системийг тоон системд хувирган ажиллах боломжтой бөгөөд ашиглалтын өмнөх туршилт хийхэд Хөшөөтийн даваанаас нааш ажиллаж байжээ.
 
Мэдээллийн төв
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-01-07 1011
Өргөн хэрэглээний барааны үнийн судалгаа

нийт 9 нэр төрлийн бүтээгдэхүүний үнийг 49 үзүүлэлтээр Есөн эрдэнэ, Ачит төв, Цагаан алт, Хүлэг, Даниста, ...

2017-05-31 2166
“ЦЭВЭР, АЮУЛГҮЙ, ЭРҮҮЛ ОРЧИН” АЯНЫ НЭЭЛТ БОЛЛОО

Зургадугаар сард тохиох тэмдэглэлт өдрүүдийн хүрээнд орчны бохирдолтоос үүдэлтэй халдварт өвчнөөс сэргийлэх, ...

2014-05-14 1107
Эрдэнэтийн бал-2014 ХХ наадам

Энэхүү наадмыг “Эрдэнэт үйлдвэр” ХХК-ийн Соёл олон түмний секторын эрхлэгч, Орхон аймгийн ...

Цахим төрийн үйлчилгээ


Сурталчилгаа

 

 

 

 

Веб статистик

Таны IP хаяг: 34.234.207.100
2017-11-30-ний өдрөөс хойш.
  • 16 Онлайн
  • 614 Өнөөдөр
  • 3026 Өчигдөр
  • 13076 Долоо хоногт
  • 94668 Сүүлийн сард
  • 2845566 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  790

Facebook

Цаг агаар