МАНАЙ АЙМГИЙН ХЭМЖЭЭНД 130.8 МЯНГАН ТОЛГОЙ МАЛ ӨВӨЛЖИНӨ

Аймгийн Засаг даргын шуурхай хуралдаан боллоо. Хуралдааныг Орхон аймгийн Засаг даргын орлогч С.Батжаргал, Орхон аймгийн Засаг даргын Нийгмийн асуудал эрхэлсэн орлогч дарга А.Түвшинжаргал нар удирдан явууллаа.

             Шуурхай зөвлөгөөний эхэнд иргэдийн санал гомдол хүлээн авах 70353511 дугаарын утсанд ирүүлсэн өргөдөл гомдлын шийдвэрлэлтийг танилцууллаа. Үүний дараа зарим алба хэлтсийн удирдлагууд болон Баян-Өндөр, Жаргалант сумдын Засаг дарга нар мэдээлэл хийлээ.
        Нэмэгдсэн өртгийн албан татварын тухай хууль болон холбогдох хууль тогтоомжийн хэрэгжилтийг хангуулахаар худалдаа, үйлчилгээний чиглэлээр үйл ажиллагаа эрхэлж байгаа нийт бизнес эрхлэгчдийг татвар төлөгчөөр бүрэн бүртгэлжүүлэх, НӨАТ-ын QR код бүхий наалт, и-баримтыг нийт татвар төлөгч нарт олгодог болох ажлыг зохион байгуулж байна. Энэ ажлын хүрээнд нийт мах, ногооны худалдаа эрхлэгчид хамрагдаж байгаа бөгөөд QR код бүхий наалт нааж, и-баримтыг олгодог болохоор болжээ.
      Авто тээврийн төвөөс хотын доторх нийтийн зорчигч тээврийн үйлчилгээний чанар, хүртээмжийг нэмэгдүүлэх, үйл ажиллагааг сайжруулах чиглэлээр нийтийн зорчигч тээврийн үйлчилгээний эх авалт, оройн буулт, батлагдсан цагийн хуваарь, замналын мөрдөлт, тээврийн хэрэгслийн бүрэн, бэлэн байдал, ариутгал халдваргүйтэл, цэвэрлэгээ, үйлчилгээнд хяналт шалгалтыг хийлээ. Хяналт шалгалтад Ч2, Ч3, Ч4, Ч5, Ч6 чиглэлийн 36 автобус болон такси үйлчилгээний зогсоолуудаас иргэдэд үйлчилж буй 110 жолооч, тээврийн хэрэгслүүд хамрагдсан байна. Хяналт шалгалтын явцад гарсан нийтлэг зөрчлийг арилгуулах хугацаатай албан шаардлагыг "ББ-Од"ХХК, "Тод Од Транс" ХХК-д хүргүүлжээ.
           2020-2021 оны өвөл, хавар Баян-Өндөр, Жаргалант сумдын 25 багт урьдчилсан байдлаар 130.8 мянган толгой мал  өвөлжиж, хаваржихаар байна.  
          Хотын доторх 2500 м.кв авто замын нөхөөс, засварын ажлын гүйцэтгэл 80 хувьтай явагдаж байна. Мөн авто замын нөхөөс хийх ажлыг эрчимжүүлж зорчих хэсгийн хэвийн үйл ажиллагааг ханган ажиллаж байна
      Булган аймгийн Орхон, Бугат, Сэлэнгэ, Хангал сумын ойн сангаас 40422 шоо метр түлээний мод бэлтгэхээр Булган аймгийн ИТХ-ын Тэргүүлэгчдийн 2020 оны 04 дүгээр тогтоолд тусгагдсан. Баян-Өндөр сумын хэмжээнд 120,000 шоо метр түлшний мод хэрэгцээтэй байгаагаас гэр хорооллын иргэд 2020 оны 9 сарын 16-ны өдрийн байдлаар 4500 шоо метр түлээний мод нөөцлөөд байна. Модны захууд нийт 650 шоо метр модны нөөцтэй, түлээний мод 250,000-280,000 төгрөгөөр худалдаалагдаж байна.

Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-08-31 1143
Баян-Өндөр сум иргэдэд мэдээлэл хийж санал хүсэлтийг нь авч ажилласан байна

Орон нутгийн хөгжлийн сангийн хөрөнгөөр 2013, 2014, 2015 онд хийж хэрэгжүүлсэн ажлын талаар, 2016 ...

2019-03-27 1623
ИРГЭД ТӨВТЭЙ ХӨДӨЛМӨР ЭРХЛЭЛТИЙН ЖИЛ-2019

ИРГЭД ТӨВТЭЙ ХӨДӨЛМӨР ЭРХЛЭЛТИЙН ЖИЛ-2019

2020-10-29 73
БҮХ ШАТНЫ ИРГЭДИЙН ТӨЛӨӨЛӨГЧДИЙН ХУРАЛ, ЗАСАГ ДАРГА, ТӨСВИЙН ШУУД ЗАХИРАГЧ НАРТ ХУУЛЬ ХЭРЭГЖҮҮЛЭН АЖИЛЛАХ ЗӨВЛӨМЖ ГАРГАВ

Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн дүнгээр нутгийн өөрөө удирдах ...

Цахим төрийн үйлчилгээ


Сурталчилгаа

 

 

 

 

Веб статистик

Таны IP хаяг: 34.234.207.100
2017-11-30-ний өдрөөс хойш.
  • 14 Онлайн
  • 676 Өнөөдөр
  • 3026 Өчигдөр
  • 13138 Долоо хоногт
  • 94730 Сүүлийн сард
  • 2845628 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  790

Facebook

Цаг агаар