Орхон аймгийн Онцгой Комисс өнөөдөр 11:30 минутаас хэвлэлийн бага хурал хийж цаг үеийн мэдээлэл өглөө. Орхон аймгийн Засаг дарга бөгөөд Онцгой комиссын дарга С.Батжаргал, ОБГ-ын дарга Г.Ганбаатар, ХХААГ-ын дарга Ж.Бат-Өлзий болон Онцгой комиссын дэргэдэх эрүүл мэндийн асуудал хариуцсан зөвлөх Ц.Мөнхцэцэг нар мэдээлэл хийлээ.
Орхон аймагт 11-р сарын 21-ний байдлаар нэмж 3 тохиолдол бүртгэгдэж, батлагдсан тохиолдол 16 боллоо. Батлагдсан бүх иргэдийг ХӨСҮТд шилжүүлсэн болно. Аймгийн хэмжээнд нийт 4582 сорьцонд шинжилгээ хийгдсэн байна.
Аймгийн хэмжээнд нийт 6 ажиглах тусгаарлах байранд 142 хүнийг тусгаарласан бөгөөд тусгаарлалтын байранд 34 албан хаагч ажиллаж байна. Түүнчлэн 248 хүүхэд гэрийн хяналтад байна.
Өчигдрөөс 24 цагийн хугацаанд түргэвчилсэн оношлогооны 15 цэг мөн Эрдэнэт сувилал гэсэн нийт 16 цэгээр 2216 хүнд шинжилгээ хийснээр “Эрдэнэт Үйлдвэр” ТӨҮГ-ийн 901 ажилчид хамрагдсан бөгөөд бүгд сөрөг буюу халдваргүй гарчээ. Ажилчдыг бүрэн шинжилгээнд хамруулахаар төлөвлөгөө гарган ажиллаж байна.
Аймгийн БОЭТ-д Вируслогийн лаборатори суурьлуулж өчигдөр туршилтын шинжилгээ хийгдсэн байна. Өнөөдрөөс эхлэн тус лабораторид албан ёсны шинжилгээ хийгдэж эхлэх бөгөөд эхний удаад гэрийн тусгаарлалтад байгаа 248 хүүхдийн баталгаажуулах тестийг хийхээр төлөвлөж байгаа юм.
Лабораторын хүчин чадлын тухайд нэг удаад 45 хүний шинжилгээ хийгдэх боломжтой ажээ. Шинжилгээ хийгдэх үйл явц нийт 6-10 цагийн хугацаатай.
Маргааш буюу 11-р сарын 22-оос хүнсний дэлгүүрүүд ажиллахгүй. Учир нь хөл хорио чангатгах Иргэдэд онлайн худалдан авалт хийдэг болно. Маргаашнаас шууд дэлгүүрүүдэд худалдан авалт хийгдэхгүй. 57 ААН-ээр дамжуулан 80 тээврийн хэрэгслээр түгээлт хийгдэнэ.
Мэдээллийн төв
.JPG)
.JPG)
.png)
.png)
.jpg)
.jpg)
Сэтгэгдэл