Аймгийн ИТХ-ын тэргүүлэгчдийн 5-р хуралдаан боллоо. Энэ удаагийн хуралдаанаар Боловсролын салбарыг 2021-2024 онд хөгжүүлэх хөтөлбөр аймгийн Дотоод Аудитын хорооны бүрэлдэхүүнийг шинэчлэн батлах, Эрдэнэт цэцэрлэгт хүрээлэнгийн ашиглалтын өмнөх захиргааны бүтэц орон тоог шинэчлэн батлах зэрэг асуудлуудыг хэлэлцлээ.
“Боловсролын салбарыг 2021-2024 онд хөгжүүлэх хөтөлбөр” нь ирэх 4 жилд тус салбарт баримталж ажиллах бодлогын гол баримт бичиг юм.
“Боловсролын салбарыг 2021-2024 онд хөгжүүлэх хөтөлбөр” нь 3 үндсэн зорилт, хэрэгжүүлэх 16 арга хэмжээтэй байна. Тус хөтөлбөрийг боловсруулахдаа БШУЯ-аас баримталж буй бодлого, Орхон аймагт хэрэгжиж буй “Багш” дэд хөтөлбөртэй уялдуулсан байна.
Хөтөлбөрт Багшийн хөгжлийг дэмжих, шинэ сургууль цэцэрлэгүүдийг барих өргөтгөх, хамран сургалтын нэмэгдүүлэх, сурагчдыг массаар нь хөгжүүлэх, сурлагын чанарт ахиц гаргах, салбарын гадаад дотоод харилцааг өргөжүүлэх, багш нарын нийгмийн асуудлыг дэмжих зэрэг олон талт үйл ажиллагаанууд багтсанаараа онцлогтой юм.
Тус хөтөлбөрийг аймгийн ИТХ-ын хуралдаанаар батлуулснаар хэрэгжиж эхлэх юм.
Мэдээллийн төв
.jpg)
.png)
.png)
.jpg)
.jpg)
Сэтгэгдэл