ӨРХИЙН ЭРҮҮЛ МЭНДИЙН ТӨВҮҮДЭД АВТОМАШИН ДУТАГДАЖ БАЙНА

Орхон аймгийн Засаг даргын ээлжит шуурхай зөвлөгөөн өнөөдөр хуралдлаа.

Хуралдааныг Орхон аймгийн Засаг дарга С.Батжаргал удирдан явууллаа.
            Хуралдааны үеэр зарим хэлтэс, агентлагийн удирдлагууд цаг үеийн ажлын талаар мэдээлэл хийлээ. Саяхан Эрдэнэт хотод үйл ажиллагаагаа шинээр эхэлж нээлтийн ажиллагаан дээрээ хүмүүсийг олноор цуглуулсан “Оргил” худалдааны төвд иргэдээс ирүүлсэн гомдлын дагуу мэргэжлийн байгууллагаас хяналт шалгалтын ажил явуулжээ. Ингэхэд УОК-ын 41 дүгээр тушаал, аймгийн Засаг даргын 2021 оны А/324 дүгээр захирамжийг зөрчиж бөөгнөрөл үүсгэсэн, бүртгэл хөтлөөгүй, орох гарах гарцын урсгал нэг зэрэг зөрчлүүд илэрч Зөрчлийн тухай хуулийн 15.2.1-т заасны дагуу хуулийн этгээдэд 500 нэгжийн торгуулийн арга хэмжээ авч үйл ажиллагааг түр хаах санал гаргаж хяналтын прокурорт шилжүүлсэн байна.
            2021 оны улсын болон орон нутгийн хөрөнгө оруулалтаар манай аймагт бүтээн байгуулалт, дэд бүтцийн 125 ажил хийгдэхээр төлөвлөгдсөн бөгөөд өнөөдрийн байдлаар 100 ажил гэрээ байгуулагдсан, энэ 7 хоногт 2 ажлын гэрээ байгуулах мэдэгдэл ирсэн байна. 100 ажлаас 91 ажлын ажил эхлэх зөвшөөрөл авч ажил эхэлсэн байна. Дууссан 24 ажил байна. Одоогоор хийгдэж байгаа 76 ажил байна. Тухайлбал, Сургуулийн барилга 3, Багийн төвийн цогцолбор барилга 4, Инженерийн шугам сүлжээ, дэд бүтцийн барилга 2, Цэцэрлэгийн барилга 1, Хүүхдийн парк, тоглоомын талбай 2, Хүүхдийн хөгжил, хамгааллын төвийн барилга 1, Аймгийн төвийн хатуу хучилттай авто зам 2, Ахмадын өргөөний барилга 1, Соёлын төвийн барилга 1, Эрүүл мэндийн төвийн өргөтгөлийн барилгын 1 ажил тус тус баригдаж байна.
  Хуралдааны төгсгөлд аймгийн удирдлагуудын зүгээс холбогдох байгууллагуудад үүрэг чиглэл өглөө. Тухайлбал, ӨЭМТ-үүд ачаалал ихтэй ажиллаж байгаагаас автомашин хүрэлцээгүй байгааг харгалзаж зарим төсөвт байгууллагуудын машиныг Ковидын үед түр ашиглуулах ажлыг зохион байгуулах, өвөлжилтийн бэлтгэл ажлыг эрчимжүүлэхийг даалгалаа.
 
            Мэдээллийн төв
 
 
 

 

Холбоотой мэдээлэл

2014-05-20 3486
3-р хорооллын доторх авто замын өргөтгөл хийгдэж эхэллээ

Орхон аймаг, Уулын баяжуулах Эрдэнэт үйлдвэрийн хамтын ажиллагааны хүрээнд хэрэгжиж буй 3-р хорооллын ...

2021-07-12 161
ОРХОН АЙМГИЙН КОРОНАВИРУСТ ХАЛДВАР (КОВИД-19)-ЫН НӨХЦӨЛ БАЙДЛЫН МЭДЭЭ /2021.07.12-ны 10:00 цагийн байдлаар/

ОРХОН АЙМГИЙН КОРОНАВИРУСТ ХАЛДВАР (КОВИД-19)-ЫН НӨХЦӨЛ БАЙДЛЫН МЭДЭЭ /2021.07.12-ны 10:00 цагийн байдлаар/ ...

2014-11-21 1384
Хуулийн төслүүдэд санал авч байна.

Шинээр боловсруулагдсан “Хууль сахиулах үйл ажиллагааны тухай”, “Эрүүгийн хэрэг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.16.13
2021-06-10-ний өдрөөс хойш.
  • 22 Онлайн
  • 429 Өнөөдөр
  • 3423 Өчигдөр
  • 22586 Долоо хоногт
  • 199780 Сүүлийн сард
  • 6239000 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  999

Facebook

Цаг агаар