АЙМГИЙН ЗДТГ-Т ИРСЭН ӨРГӨДӨЛ ГОМДЛЫН ДИЙЛЭНХИЙГ НИЙГМИЙН ХАЛАМЖТАЙ ХОЛБООТОЙ ХҮСЭЛТ ЭЗЭЛДЭГ

Орхон аймгийн Засаг даргын Даваа гарагийн шуурхай зөвлөгөөн боллоо. Хуралдааныг Орхон аймгийн Засаг дарга С.Батжаргал удирдан явуулав.

Энэ удаагийн хуралдааны эхэнд өнгөрөгч шуурхайгаас өгсөн үүрэг даалгаврын биелэлтийн талаар ЗДТГ-ын ХШҮДАХ-ын дарга К.Жанболат мэдээлэл хийлээ.
    Баян-Өндөр сумын ЗДТГ-ын зүүн урд талд баригдаж байгаа орон сууцны барилгын гадна бохир усны шугамыг гүйцэтгэх явцдаа "Скай ривер" ХХК 10 дугаар сарын 02-ны өдөр замыг сэтлэхдээ техникийн тусгай нөхцөл, шаардлагыг зөрчиж цэвэр усны шугамд гэмтэл учруулсан бөгөөд засварлах явцад гарсан зардлын тооцоог гаргаж үзэхэд 19.7 сая төгрөгийн дүнтэй хохирол гарсан байна. Хохирлыг тухайн компани төлж барагдуулахаар болжээ. Түүнчлэн цэвэр усны шугам тасалж ард иргэдийг хохироосон тухайн компани хэвлэл мэдээллийн хэрэгслээр дамжуулан иргэдээс уучлал хүсэхээр болжээ.
     Мөн 70353511 дугаарын утсанд иргэдээс ирсэн өргөдөл хүсэлтийн талаар мэдээллийг ЗДТГ-ын ТЗУХ-ийн Төрийн үйлчилгээ, иргэдтэй харилцах асуудал хариуцсан ахлах мэргэжилтэн Б.Цэрэннадмид хийлээ. Өнгөрсөн 7 хоногт иргэдээс 50 орчим өргөдөл хүсэлт утсаар болон бичгээр ирсэн бөгөөд 2 нь гомдол, үлдсэн нь нийгмийн халамжтай холбоотой өргөдөл хүсэлт байна.
Жаргалант сумын ургац хураалтын талаар тус сумын Засаг дарга Б.Зоригтбаяр мэдээллээ. Одоогийн байдлаар ургац хураалт үндсэндээ дуусах шатандаа оржээ. Овьёос, төмс 100 хувь хурааж дууссан бөгөөд нийт хүнсний ногооны хураалт 91 хувь, үр тарианы хураалт 71.9 хувьтай байна. Малчид 6179 тонн хадлан тэжээл бэлтгэжээ.
    Баян-Өндөр сумын хувьд иргэд намрын энэ өдрүүдэд өвлийн түлээ түлшээ нөөцөлдөг. Ойн нөөцийг зүй зохистой ашиглах талаар аймгийн Засаг даргын санаачилсан “Хожуул” төслийн хүрээнд нийт 800 шоо метр хожуулыг нэг портер бүрийг нь 250 мянган төгрөгийн үнэтэйгээр айл өрхөд буулгаж өгсөн байна. Цаашид Баян-Өндөр уулын хожуулыг цэвэрлэж түлшинд хэрэглэх юм.
     Өнгөрөгч амралтын өдрүүдээр бүх нийтээр мод тарьсан бөгөөд Баян-Өндөр сумын хэмжээнд 23201 мод, 15181 бут сөөгийг суулгасан байна.
      Шуурхай зөвлөгөөний төгсгөлд аймгийн удирдлагуудаас зарим нэг үүрэг даалгавар өглөө. Тухайлбал, аймгийн хэмжээнд хэрэгжиж байгаа “Соёлыг түгээе” аяныг төрийн байгууллагууд манлайлан хэрэгжүүлж хийсэн ажлаа тайлагнах, удахгүй цахим-танхим гэсэн хэлбэрээр зохион байгуулагдах “Эдийн засгийн форум” арга хэмжээнд ач холбогдол өгч оролцохыг холбогдох байгууллагуудад үүрэг болголоо.  
 
Мэдээллийн төв
 
 
 
 

 

Холбоотой мэдээлэл

2021-04-01 731
ДОХИОНЫ ХЭЛНИЙ ХЭЛМЭРЧ, СЭТГЭЛ ЗҮЙЧИД АЖИЛЛАЖ БАЙНА

Аймгийн Онцгой комиссоос цаг үеийн нөхцөл байдлын талаар мэдээлэл өгдөг хэвлэлийн бага хурал өнөөдрөөс ...

2015-04-17 4699
“Иргэдийн санал хүсэлт хүлээн авах 70353511 төв” Стандартчилал, хэмжил зүйн хэлтсийн дарга С.Чулуунбат ажиллалаа

“Иргэдийн санал хүсэлт хүлээн авах 70353511 төв” –д 2015-04-15-ны 18:00-19:30 хооронд ...

2014-07-02 2075
“ ЭРДЭНЭТ ХУРИМТЛАЛЫН БҮЛГИЙН ХОЛБОО ”-НЫ АХЛАГЧ НАРЫН УУЛЗАЛТ БОЛЛОО

“ Эрдэнэт Хуримтлалын бүлгийн холбоо”-ны үйл ажиллагаа Төсөл хөтөлбөрийн үйл ажиллагаа: - ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.158.251.104
2021-01-03-ний өдрөөс хойш.
  • 12 Онлайн
  • 799 Өнөөдөр
  • 1680 Өчигдөр
  • 3835 Долоо хоногт
  • 14538 Сүүлийн сард
  • 6452812 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1054

Facebook

Цаг агаар