Хүнс, хөдөө аж ахуй чиглэлээр: 2015.04.20-04-24

НҮБ-ын Хүнс, хөдөө аж ахуйн байгууллага,  Монгол улсын Засгийн газар, БНХАУ-ын Засгийн газрын хамтран хэрэгжүүлж буй Өмнөд, өмнөдийн хамтын ажиллагааны хөтөлбөрийг Монгол улсад хэрэгжүүлж буй төслийн багийнхан 4-р сарын 22-23-нд Орхон аймагт ажиллалаа. Энэхүү төсөл нь малын тэжээл үйлдвэрлэл, хүлэмжийн болон ил талбайн ногооны аж ахуй, зохиомол хээлтүүлэг, мал үржүүлэг,  зөгий, загас, тахианы аж ахуйн чиглэлээр техник туслалцааны үйлчилгээ үзүүлнэ. Мөн техникийн сургалт, туршлага солилцох замаар боловсон хүчний чадавхыг сайжруулахын зэрэгцээ загвар аж ахуй болгоход зориулж хөдөө аж ахуйн тоног төхөөрөмж, бусад хэрэгслийг нийлүүлнэ.
          “Чацарганы суулгац зээлээр олгох” ТШ/15/ЧСЗ-01 төсөл сонгон шалгаруулалтад 1 аж ахуй нэгж, 4 иргэн нийт 12100 ширхэг суулгац хүсэж төсөл ирүүлсэн бөгөөд “Гансүлд” ХХК-д  3000, иргэн Ц.Батчулуунд 4000, А.Мөнхбаярт 3000, М.Эрдэнэчимэгт 500, Н.Алтанзаяад   600 нийт 11100 чацарганы суулгацыг зээлээр олгохоор шийдвэрлэж захиалгыг ХХААЯ-ны Тендерийн үнэлгээний салбар хороонд хүргүүлэхээр ажлын хэсгийн гишүүд 100 хувийн саналаар шийдвэрлэв.
            ХХААЯаманд борлуулалтын мэдээ, зохион байгуулсан ажлын тайланг хүргүүлэн ажиллаж байна. 4 дүгээр сарын 17 ны өдрөөс 23-ны өдрийг дуустал ангилан савласан үхрийн мах-7.9 тн, хонины мах-3.6 тн, ямааны мах-1.6 тн, гулуузаар үхрийн мах-0.4 тн, хонины мах-6.1 тн, ямааны мах-2.8 тн буюу нийт 22.74 тонн махыг худалдан борлуулсан бөгөөд 2015 оны 3 сарын 10 ны өдрөөс хойш нийт 82.6 тн нөөцийн махыг худалдан борлуулсан байна.
            Монгол улсын Засгийн газар ХХААЯам, НҮБ-ын ХХААБ-аас хэрэгжүүлсэн техник хамтын ажиллагааны ТСP/MON/3401 “Кодексийн үндэсний чадавхыг бэхжүүлэх нь” төслийн хаалтын семинарт ХХААГазрын Хүнс, газар тариалангийн хэлтсийн дарга оролцлоо.
            Тус төсөл нь хүнсний аюулгүй байдлыг сайжруулах, үндэсний стандартыг олон улсын шаардлагад нийцүүлэх, дотоодод үйлдвэрлэсэн хүнсний бүтээгдэхүүний олон улсын зах зээлд нийлүүлэх боломжийг нэмэгдүүлэхэд Кодексийн үндэсний чадавхыг бэхжүүлэх, Кодексийн норм, стандартыг үндэсний төвшинд нутагшуулах, САС-ын үйл ажиллагаанд Монгол улсын оролцоог идэвхжүүлэх зорилтыг тавин ажилласан байна.  
           2012-2015 онуудад тус төслийн дэмжлэгтэйгээр Монгол Улсад нэн шаардлагатай нийт 50 стандартыг орчуулан, үүнээс 2014 онд 8 стандартыг шинээр батлуулан, 2 стандартад нэмэлт өөрчлөлт тусган, үндэсний төлөөллийг тэргүүлэх чиглэлийн Кодексийн 2 хуралд оролцуулж, үндэсний саналыг тусган Монгол улсын стандартын хөгжилд тодорхой хувь нэмрийг оруулсан байна.
           Аймгийн Засаг даргын 2015 оны А/54 дугаар захирамжийн дагуу мал хаваржилт, цаг үеийн ажлаар хөдөө ажиллах ажлын хэсгийн бүрэлдэхүүнд ХБХ, ХХААГ-аас заавар, зөвлөмж, чиглэл өгч ажиллав. 04 сарын 24-ны байдлаар 54.8 мянган хээлтэгч төллөхөөс 23564 мянган эх мал төллөж, төл бойжилт 99.6 хувь, нийт төллөх хээлтэгчийн 43,0 хувь нь төллөж 23542 толгой мал эсэн мэнд бойжиж байна. Зүй бус хорогдлоор 128 толгой мал хорогдсон.
           Монгол улсын Ерөнхийлөгчийн 2010 оны 266 дугаар зарлигаар батлагдсан “Монгол Улсын Үндэсний аюулгүй байдлын зөвлөл”-ийг мэдээллээр хангах журмын дагуу аймгийн ЗДТГ-ын Цэргийн штаб-д Малын эрүүл мэнд, халдварт өвчний гаралт, тархалт, судалгааны талаар өдөр бүр мэдээлэл өгч холбогдох зөвлөмж, чиглэл авлаа.
          Мал эмнэлэг ариун цэврийн шинжилгээнд 7 иргэний нийт 7 дээжинд 14 үзүүлэлтээр стандарт шинжилгээ хийж сорилтын дүнг МХГ-т хүргүүлэв.
          Малын халдварт өвчнөөс урьдчилан сэргийлэх төлөвлөгөөт арга хэмжээг хэрэгжүүлэх тухай аймгийн Засаг даргын А/55 дугаартай захирамжийн дагуу 2 төрлийн вакцин тарилга  хийгдэж эхлээд байна. Мал эмнэлгийн урьдчилан сэргийлэх арга хэмжээний үйлчилгээний урьдчилгаа хөлсөнд 8 мал эмнэлэгт 5,0 сая төгрөг олголоо.
         Жаргалант сумын халдварт өвчний голомтод ажилласан талаарх мэдээлэл, нөхөн олговор олгох материалыг аймгийн ОБГ, Онцгой комисст хүргүүлэв.

Ирэх долоо хоногт:

•    Байгууллагын Хүний нөөцийн төлөвлөгөө болон 2015 оны байгууллагын сургалтын хөтөлбөрийг боловсруулж батлуулах.
•    Аймгийн Засаг даргын 2015 оны А/54 дугаар захирамжийн биелэлтийг гаргах
•    Чацарганы суулгац зээлээр олгох сонгон шалгаруулалтад хамрагдсан 1 аж ахуйн нэгж, 3 иргэнтэй гэрээ байгуулж, чацарганы суулгацыг татан авч олгох.
•    Мал эмнэлэг, ариун цэврийн лабораторийн төлөвлөгөөт шинжилгээ хийгдэнэ.

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-09-23 1381
Согтуугаар тээврийн хэрэгсэл жолоодох явдал ихэсжээ

Зөвхөн өнгөрсөн долоо хоногт согтуугаар тээврийн хэрэгсэл жолоодож явсан 49 тохиолдлыг илрүүлжээ. ...

2013-11-12 1566
Хууль зүйн хэлтэс 7 хоногийн мэдээ

Хууль зүйн сайд болон аймгийн Засаг дарга нарын хооронд байгуулсан гэрээний биелэлтийг гаргах ажлыг зохион ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.235.60.144
2021-06-10-ний өдрөөс хойш.
  • 32 Онлайн
  • 7712 Өнөөдөр
  • 8083 Өчигдөр
  • 7712 Долоо хоногт
  • 15795 Сүүлийн сард
  • 5596759 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  971

Facebook

Цаг агаар