ЭМГЭНЭЛ

 

Орхон аймгийн Засаг дарга бөгөөд Эрдэнэт хотын захирагч асан Гүрсэдийн Зоригт 2015 оны 5 дугаар сарын 21-ний өдөр өвчний улмаас таалал төгслөө.

Г. Зоригт нь 1956 онд Улаанбаатар хотод төржээ. 1964-1974 онд Улаанбаатар хотын 10 жилийн 17 дугаар сургуулийг төгсөж бүрэн дунд боловсрол эзэмшин улмаар 1975-1980 онд Зөвлөлт Холбоот Улсын Эрхүү хотын Улс Ардын Аж Ахуйн Дээд  сургуулийг Уулын үйлдвэрийн инженер, эдийн засагч мэргэжлээр дүүргэсэн байна.

1980-1983 онд Монгол-Оросын хамтарсан Уулын баяжуулах “Эрдэнэт”  үйлдвэрийн Хүдрийн ил уурхайд норм зохиогч,

1983-1991 онд “Эрдэнэт” үйлдвэрийн  Төлөвлөгөө, эдийн засгийн хэлтэст ахлах инженер, эдийн засагч,

1991-1993 онд Монгол Улсын Үндэсний Хөгжлийн яаманд мэргэжилтэн,

1993-1995 онд Хөтөлийн Цемент шохойн үйлдвэрийн дэд захирал,

1995-1998 онд “Монголын алт” МАК корпорацид инженер, эдийн засагч,

1998-2000 онд Уулын Баяжуулах “Эрдэнэт” үйлдвэрийн Эдийн засгийн асуудал эрхэлсэн орлогч захирал,

2000-2003 онд “Эрдэнэт” үйлдвэрийн БНХАУ-ын Бээжин хот дахь Төлөөлөгчийн газарт менежер,

2003-2004 онд “Үйлс констракшин” ХХК-ийн захирал,

2004-2008 онд Орхон аймгийн Засаг даргын орлогч,

2007-2015 онд Орхон аймгийн Ардчилсан намын дарга,Ардчилсан намын Үндэсний Зөвлөлдөх Хорооны гишүүн,

2010-2012 онд “Эрдэнэт” үйлдвэр ХХК-ийн Ерөнхий захирлын Нийгмийн асуудал хариуцсан орлогч,

2012-2015 онд Орхон аймгийн Засаг дарга бөгөөд Эрдэнэт хотын Захирагч,

2015 оноос “Эрдэнэт” үйлдвэр ХХК-ийн Ерөнхий захирлын зөвлөхөөр ажиллаж байлаа.

Тэрээр Ардчилсан хувьсгалын үйл хэрэгт манлайлан оролцож, ардчиллын үнэт зүйлсийг хамгаалан бэхжүүлэх, иргэд олон нийтийн сайн сайхан амьдралын төлөө гэсэн чин сэтгэлтэй, ноён нуруутай, улс төрийн зүтгэлтэн, ардчиллын анхдагч байлаа.

Г. Зоригт нь Орхон аймгийн Засаг дарга бөгөөд  Эрдэнэт хотын Захирагч, Засаг даргын орлогчийн албыг хашиж Засаг төрийн төлөөлөгчөөр ажиллахдаа түмэн олныхоо сайн сайхан амьдрал, Эрдэнэт хотынхоо хөгжил дэвшлийн төлөө гэсэн сэтгэлтэй, аливаа асуудлыг шийдвэрлэхдээ шударга ёсыг баримтлан холч ухаанаар ханддаг, энэрэнгүй сайхан сэтгэлтэй төрийн удирдах ажилтан байлаа.

Г. Зоригт нь Монгол орондоо үйлдвэрлэл, уул уурхайн салбарыг хөгжүүлэх үйл хэрэгт олон жил амьдрал, бүтээлээ зориулж Монгол-Оросын хамтарсан Уул уурхайн баяжуулах Эрдэнэт үйлдвэрийн норм зохиогчоос Ерөнхий захирлын Эдийн засгийн асуудал эрхэлсэн болон Нийгмийн асуудал эрхэлсэн захирлын үүрэгт ажлыг гүйцэтгэсэн  уул уурхайн салбарын чадварлаг инженер, эдийн засагч, удирдах ажилтан байлаа.

Монгол орондоо хүмүүнлэг ардчилсан нийгэм байгуулах, хүний эрх , эрх чөлөө, ардчиллын үйл хэрэг, Монгол Улс, Орхон аймаг, Эрдэнэт хотынхоо хөгжил дэвшлийн төлөө  оруулсан нөр их хөдөлмөр зүтгэл, хувь нэмрийг нь Монголын төр засгаас өндрөөр үнэлж төрийн дээд шагнал “Хөдөлмөрийн гавъяаны улаан тугийн одон”, “Алтан гадас одон”, ойн медалиуд болон Ардчилсан намын дээд шагнал “Чингисийн одон”-гоор шагнасан байна.

Г. Зоригтын удирдан зохион байгуулах өндөр ур чадвар, нөхөрсөг, тусч, шударга, хамт олонч, хүнлэг сайхан зан чанарууд нь бид бүхний сэтгэл зүрхэнд үүрд орших болно.

Ум сайн амгалан болтугай.

                                                                                           
                                                                            ОРХОН АЙМГИЙН

                        ИРГЭДИЙН ТӨЛӨӨЛӨГЧДИЙН ХУРАЛ               ЗАСАГ ДАРГЫН ТАМГЫН ГАЗАР

 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-09-27 1615
Стандартчилал хэмжил зүйн хэлтсийн долоо хоногийн мэдээ /2014.09.22-26/

Хэмжил зүйн чиглэлээр ажлын товч: Хэмжих хэрэгсэл баталгаажуулалтын чиглэлээр хуваарийн дагуу гэрээт ...

2017-08-12 1974
ӨВӨЛЖИЛТИЙН БЭЛТГЭЛ АЖЛЫН ТАЛААР ХЭЛЭЛЦЛЭЭ

Аймгийн Засаг даргын зөвлөлийн 2017 оны 11 дүгээр хуралдаан өчигдөр болж өнгөрлөө. Энэ удаагийн хуралдаанаар ...

2015-01-19 1307
Хотын захирагчийн албаны долоо хоногийн мэдээ /2014.10.20-24/

1. Дулааны цахилгаан станцын нүүрс нөөцлөлт 16100 тн буюу 13 хоногийн нөөцтэй байна. 2. Баян-Өндөр ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.235.60.144
2021-06-10-ний өдрөөс хойш.
  • 29 Онлайн
  • 7583 Өнөөдөр
  • 8083 Өчигдөр
  • 7583 Долоо хоногт
  • 15666 Сүүлийн сард
  • 5596630 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  971

Facebook

Цаг агаар