Орхон аймгийн хэмжээнд газрын харилцааны талаар 2015 онд хэрэгжүүлсэн арга хэмжээний тайлан

        2015 онд нийтдээ газрын харилцааны чиглэлээр 14 арга хэмжээг хэрэгжүүлэхээр төлөвлөн ажиллалаа. Тухайлбал:  

Суурьшлын бүсийн хэмжээг нэмэгдүүлэх зорилгоор нийтдээ 904га талбайд байр зүйн дэвсгэр зураг хийх ажлын даалгавар боловсруулан холбогдох эрх бүхий албан тушаалтнаар батлуулаад байна. Төрийн болон орон нутгийн өмчийн хөрөнгөөр бараа, ажил үйлчилгээ худалдан авах сонгон шалгаруулалтанд шалгарсан аж ахуйн нэгжүүд нь батлагдсан ажлын даалгаврын дагуу зөвлөх үйлчилгээний ажлыг гүйцэтгэн орон нутагт хүлээлгэн өгч байна.
Аймгийн иргэдэд гэр бүлийн хэрэгцээний зориулалтаар шинээр эзэмшүүлэх, өмчлүүлэх газрын нөөцийг нэмэгдүүлэх зорилгоор дундын суурьшлын бүс үүсгэх боломжтой Булган аймгийн Орхон сумын Халиун багийн нутагт 518га, Хангал сумын нутагт 140га, Сэлэнгэ сумын нутагт 140га, нийтдээ 800га орчим талбайд мэргэжлийн байгууллагаар 1:1000 масштабтай байр зүйн зураг хийлгэн хүлээн авч Булган аймгийн Засаг даргад танилцуулаад байна. Энэхүү зургийг хийлгэснээр Орхон, Сэлэнгэ, Хангал сумын нутагт шинэ суурьшлын бүсийн төлөвлөлт боловсруулах боломжтой болж байгаа бөгөөд төлөвлөлтийн шийдэл батлагдсан тохиолдолд Орхон аймгийн иргэдийн газартай холбоотой асуудлыг үе шаттайгаар шийдвэрлэх нөхцөл бүрдэх юм.
 
 
  Орон сууцны VII хорооллын хэсэгчилсэн ерөнхий төлөвлөгөөнд тодотгол хийлгэх ажлыг зохион байгууллаа. Холбогдох ажлын даалгаврыг боловсруулан баталж, мэргэжлийн байгууллагаар гүйцэтгүүлсэн энэхүү төлөвлөлтийн баримт бичгийг Аймгийн иргэдийн Төлөөлөгчдийн Хурлаар хэлэлцүүлэн батлуулсан ба ингэснээр тодорхой шалтгааны улмаас саатаад байсан хотын бүтээн байгуулалтын ажлыг үргэлжлүүлэн хийх боломжтой болсон.
 
2015 онд газрын кадастрын мэдээллийн санг ашиглан 6800 иргэн, аж ахуйн нэгжид зурган мэдээллээр үйлчилж, давхардсан тоогоор 460 иргэн, аж ахуйн нэгжийн газрыг гэрчилгээжүүлж улсын бүртгэлд бүртгэн баталгаажуулсан байна. Эрхийн гэрчилгээгээр эзэмшиж буй газраа арилжааны банкинд барьцаалан зээл авахыг хүссэн 110 хүсэлтийг хүлээн авч бүртгэн шийдвэрлэсэн бөгөөд энэ нь газрыг эдийн засгийн эргэлтэнд оруулах боломжийг төдий хэмжээгээр нээж өгч байгаа явдал юм.
   Аймгийн ГХБХБГ-ын Нэг цэгийн үйлчилгээгээр дамжуулан барилга угсралтын ажил эхлүүлэх, үргэлжлүүлэх 61 зөвшөөрөл олгогдож, барилга угсралтын ажлыг хүлээн авах 51 хүсэлтийг хүлээн авч шийдвэрлэн, барилгын тусгай зөвшөөрөл хүссэн 26 өргөдөлийг “Барилгын Хөгжлийн Төв”ТӨҮГ-т хүргүүлэн, 270 гаруй иргэн аж ахуйн нэгж байгууллагад барилгын үйл ажиллагааны талаар заавар зөвлөмж өгч, Монгол Улсын Засгийн газрын 2012 оны 151 дүгээр тогтоолын дагуу барилга, байгууламжийг ашиглалтад хүлээн авах улсын комиссыг 46 удаа ажиллуулж нийтдээ 6,79км хатуу хучилттай автозам, 7,11км дулаан, цэвэр усны шугам, 2,96км ариутгах татуургын шугам, 487 айлын орон сууц, 4,9км цахилгаан дамжуулах шугамыг ашиглалтад хүлээн авч үйл ажиллагааг нь эхлүүллээ.
 
     
     Барилгын материалын чанарт тавих лабораторийн хяналтын хүрээнд тайлант жилийн хугацаанд 48 аж ахуйн нэгжийн 512  дээжийг  шинжилгээнд хамруулж үр дүнг боловсруулан дүгнэлт гаргаж ажиллалаа. Шинжилгээнд хамрагдсан материалын ихэнхи хувийг төмөр бетон хийцийн цутгалтын төрөл бүрийн бетон, дүүргэгч материал болох элс, хайрга дайрганы шинжилгээ эзэлж байна. Цаашид барилгын сорил шинжилгээний лабораторийн үйл ажиллагааг өргөжүүлэх, итгэмжлэл авахын тулд зориулалтын байртай болох асуудлыг шийдвэрлэх шаардлагатай болоод байна.
 
   Тайлант жилийн хугацаанд газрын харилцаатай холбоотой мэдээ, мэдээллийг иргэдэд хүргэх, байгууллагын үйл ажиллагааг ил тод болгох зорилгоор олон нийтийн цахим сүлжээнд давхардсан тоогоор 249 удаа мэдээ нийтэлж, орон нутгийн телевизийн нэвтрүүлэг, хөтөлбөрт 25 удаа оролцсон байна.
Улсын хэмжээнд “Шилэн дансны тухай” хууль хэрэгжиж эхэлснээс хойш газрын харилцааны асуудал хариуцсан төрийн байгууллагын санхүүгийн үйл ажиллагаатай холбоотой мэдээллийг шилэн дансны цахим хуудсанд байршуулан 12 удаа шинэчлэн гаргаж, Газрын тухай багц хуулийг суртчилах зорилгоор 4 болон 11 дүгээр саруудад “Нээлттэй хаалганы өдөрлөг”-ийг 2 удаа зохион байгуулсан бөгөөд давхардсан тоогоор 400 гаруй иргэд үйлчлүүлж зөвлөгөө мэдээлэл авсан байна.
Тайлант жилийн хугацаанд эзэмшиж буй хашааны газраа өмчилж авахыг хүссэн 988 иргэн өргөдөл гаргаснаас 905 иргэнд газрыг нь гэр бүлийн хэрэгцээний зориулалтаар үнэгүй өмчлүүллээ. 
 
 
Монгол улсын иргэнд газар өмчлүүлэх тухай хууль 2003 онд хэрэгжиж эхэлснээс хойш өссөн дүнгээр аймгийн хэмжээнд 17324 иргэнд 1350,4 га газрыг өмчлүүлсэн бөгөөд аймгийн нийт хүн амын 20 орчим хувь нь газраа өмчилж авсан байна.
Аймгийн хэмжээнд  газар өмчилж авсан иргэдийн 90,6 % буюу 15700 иргэн нь эд хөрөнгийн эрхийн улсын бүртгэлд газраа бүртгүүлж өөрийн өмчийн газрыг захиран зарцуулах, эдийн засгийн эргэлтэнд оруулах эрхээ баталгаажуулсан байна. 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-08-25 1285
“Сургуулийн гамшгийн эрсдэлийг бууруулах, даван туулах чадварыг бэхжүүлэх” төсөл Орхон аймагт хэрэгжинэ

Дэлхийн зөн ОУБ-аас “Сургуулийн гамшгийн эрсдэлийг бууруулах, даван туулах чадварыг бэхжүүлэх” ...

2015-01-11 2118
ЖАРГАЛАНТ СУМЫН ДОЛОО ХОНОГИЙН АЖЛЫН МЭДЭЭ /2015.01.05-09/

- 2014 оны жилийн эцсийн мал, тэжээвэр амьтдын тооллогыг 2014 оны 12 дугаар сарын 07-оос 15-ны хооронд ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.235.60.144
2021-06-10-ний өдрөөс хойш.
  • 23 Онлайн
  • 7936 Өнөөдөр
  • 8083 Өчигдөр
  • 7936 Долоо хоногт
  • 16019 Сүүлийн сард
  • 5596983 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  971

Facebook

Цаг агаар